Yeremiya 7:19 - Kifuliiru

¹⁹ Kundu kwokwo, ndali nie bagweti bagaraakaza ma! Si bali mu yihigulira boonyene.» Kwokwo, kwo Nahano adesiri.

Yeremiya 7:19 Referans Kwoze

1 Bakorindo 10:22

Ka tuloziizi ukuteera Nahano uluugi? Kandi iri, ka mutoniri kwo twe tuhiiti imisi ukumúhima?

Yeremiya 20:11

Kundu kwokwo, Nahano ayimaaziri ha butambi lyani, ali kikalage kyeꞌndwani. Ku yukwo, balya booshi ábakola mu ndibuza, bagasiitara, banayideedeke haashi. Ee ma! Bwo batashobwiri ukumbima, bagalonga ishoni, banakizi teteerwa imyakuula, halinde ishoni zaabo zitâye yibagirwe.

Yeremiya 9:19

Mwe bakazi, mutegage amatwiri, gira muyuvwe ngiisi kwo Nahano adeta. Mukizi komeereza banyere biinyu ukulira ku mabiihe. Mukizi yigirizania luno lwimbo lweꞌkimombo:

Yeremiya 2:19

Aahago! Keera mukabihuuka, munakoli ba banangora-mabi. Kwokwo, mukolaga mugaahanwa, gira mulonge ukuyiga. Kundu nie Rurema Nahamwinyu, si keera mukanjanda, mutanaki nzimbahiri. Kyo kitumiri mukayikululira ubuhanya, mwanayingira mu makuba. Kwokwo, kwo nie Rurema Nahamwinyu woꞌbushobozi bwoshi ndesiri.

Hisaaya 45:16

Ikyanya abandu bali mu baaja imigisi, bagateezibwa ishoni. Balya booshi, bagateteerwa.

Hisaaya 1:24

Ku yukwo, Nahano akyula kwokuno: «Buno, mukola bagoma baani. Kwokwo, ngola ngamùrakarira, iri ninamùyihoola! Si nie Rurema woꞌbushobozi bwoshi! Na ndi kikalage waꞌBahisiraheeri.

Hisaaya 1:20

Halikago, iri mwangakizi mbindulira ingoto, munabe muli mu huna imbere lyani, haaho, lyaꞌbagoma biinyu bagamùminika ku ngooti. Yago magambo, nie Nahano nie gadesiri.»

Hayubu 35:6

Kundu wangaba uli mu yifunda mu byaha, si utangagoora Rurema. Yibyo byaha, kundu wangabiluza, yehe bitangamúlibuza.

Hizira 9:7

Ukulyokera ku bashokuluza biitu halinde zeene, tuki genderiiri noꞌkukuhubira bweneene. Kyo kitumiri twe naꞌbaami biitu, kiri naꞌbagingi biitu, ukatuyitiisa ku ngooti, wanatuhungiisa mu mahanga. Abaami beꞌmahanga, keera bakatushahula ibindu byoshi, banatuteeza ishoni halinde zeene.

Bukengeeze 32:16

Abahisiraheeri bakamúvyula mwoꞌluugi, mu kuyikumba ibindi-bindi íbiri mu yikumbwa. Bakamúyagaza, mu kukizi biyikumba, binali bya kuyagazania naaho.

Yeremiya 2:17

E Bahisiraheeri, yubwo buhanya bwoshi, ka mutali mwe mukabuyikululira, mu kunjanda? Keera mukanjanda, na ndi nie Rurema Nahamwinyu. Nie wâli kizi mùrongoora mu njira íkwaniini.

Yeremiya 8:19

Yuvwagwi ngiisi kwaꞌbandu baani bakola mu lira, kiri na ábali mu mahanga. Bali mu buuza, ti: «Ka Nahano ataki tuuziri mu kaaya keꞌSayuni? Ee! Ye mwami wamwo! Ka atakiri mwo?» Nahano anashuvya: «Aahago! Kituma kiki bakandaakaza, mu kukizi yibaajira imigisi ya íbiri mu yikumbwa mu mahanga, inali ya busha-busha?»

Yeremiya 15:9

Umukazi, kundu angaba abusiri abaana balinda, si booshi bagaahera. Kwokwo, umukuume gunamúyite. Yehe, agayirirwa hiꞌgulu lyoꞌmwizingeerwe, niꞌzuuba liki yasiri. Anabe akoli tetiirwi, iri anateziibwi ishoni. Mu kati kiinyu, ngiisi ábagaaba bakiri ho, nabo ngabatanga mu bagoma, banabayite ku ngooti.» Kwokwo, kwo Nahano adesiri.

Yeremiya 22:22

Abimangizi biinyu booshi, imbuusi igabahuusa kwo, inabashaaze. Kiri naꞌbiira biinyu, bagatwalwa imbohe. Galya mabi gooshi go mwâli kizi kola, gagamùteeza ishoni.

Yeremiya 25:7

«Halikago, ikyanya nꞌgamùbwira kwokwo, mutanandega amatwiri. Si iyo migisi, mwanagenderera ukukizi giyikumba. Kwokwo, nanaraakara, nanamùlekaga kwo muyikululire ubuhanya mwenyene.» Kwokwo, kwo Nahano adesiri.

Yeremiya 44:3

«Na íbitumiri nꞌgabashereeza, bwo bâli koli bihuusiri, banakizi ndaakaza, mu kuyokera imigisi umubadu, iri banagiyikumba. Iyo migisi, boonyene batâli giyiji. Kiri na bashokuluza baabo, kiri na mwehe mwenyene, kwo na kwokwo.

Hezekyeri 16:26

«Kwakundi, wanakizi lungumirwa naꞌBamiisiri, mwanakizi shulehana. Ikyanya ubushule bwawe bukaleezagya ulugero kwokwo, nanavyula uburaakari bwani.

Yeremiya 3:25

«Ku yukwo, bikwiriiri ishoni zituyizingage kwo, zinatudeedeke haashi. Mukuba, tweshi na bashokuluza biitu, twâli kizi gira ikyaha imbere lya Rurema Nahamwitu. Ukulyokera ubwanuke bwitu halinde buno, ndaaye úkamúsimbaha.»