Yeremiya 6:7 - Kifuliiru

⁷ Amabi gakola mu hinga mwo, nga kulya amiiji gali mu huluka mu kirigo. Abandu baamwo bakola mu teerana, iri banayitana. Akaaya kooshi kakolaga mwaꞌkamburugu. Byo ngweti ngakabona mwo naaho, gali malwazi neꞌnguma.

Yeremiya 6:7 Referans Kwoze

Hezekyeri 7:23

Mu kaaya keꞌYerusaleemu, abandu baani bali mu komeresania mwo. Naꞌhandi hooshi mu kihugo, bagweti bagayona umuko. Aaho! Mukizi tulaga iminyororo, gira mubashweke.

Hezekyeri 7:11

Bwo mukola mu kizi yitana, mukola mugaahanwa mu kuhimbulwa. Ndaaye úgasigala! Mukuba mweshi mukoli bihuusiri. Ubugale bwinyu, bugaamala, mutanâye ki yikangaate.

Yeremiya 20:8

Ngiisi kyanya ndi mu deta, na nyami yitulikania ku nduulu, mbu: «Emwe! Kiteero neꞌmishaabo!» Yizo ndumwa za Nahano, ikyanya ndi mu zimenyeesa abandu, bali mu nduka, iri banajambura.

Hisaaya 57:20

Haliko, banangora-mabi boohe, balyagagi nga kihuhuuta íkyatuza mu nyaaja. Si bali mu birindula amiiji niꞌjolera, buzira kuluha.

Hezekyeri 24:7

Mukuba yako kaaya, abaami baamwo bakayona umuko, gunakiri mwo. Yugwo muko, gwâli kizi yonerwa kwiꞌbuye. Mukuba, nga gwangayoniirwi kwiꞌdaho, nga keera ulukungu lukaguzimangania.

Migani 4:23

Neꞌngingwe ya byoshi, ukizi langa íbiri mu mutima gwawe. Mukuba, imitono yawe, yo iri mu rongoora uburambe bwawe bwoshi.

Hisaaya 59:6

Inuzi za nalutangulira zitangahangwa mwoꞌmulondo, naꞌbandu batangazikoleesa mu kuyibwika. Kwo na kwokwo niinyu, ngiisi byo mugweti mugaagira, biryagagi bibi naaho, munali mu komeresania.

Yeremiya 30:12

Nahano adetaga kwokuno: «Inguma ziinyu zikayiri bweneene, halinde zitangabukwa mbu zikire.

Yeremiya 30:13

Ndaanaye úgamùbulanira, ndaanagwo muti gwoꞌkumùbuka mwo inguma ziinyu. Ku yukwo, ndaagwo mulangaaliro muhiiti kwo mugaakira.

Yeremiya 32:31

«Kalya kaaya keꞌYerusaleemu, ngakazimiiza lwoshi-lwoshi! Ukulyokera ho kakayubakirwa halinde buno, kayamiri kali mu ndaakaza.

Hezekyeri 45:9

Rurema Nahamwitu adetaga kwokuno: «E batwali baꞌBahisiraheeri, ibyaha biinyu keera byakavya ma! Ku yukwo, muleke ukukizi shundeeza abandu, iri munabanyukula ibyeꞌmwabo. Si mukizi fiitirwa mu kukizi gira íbikwaniini na íbitungiini imbere zaani. Muleke ukukizi zimba abandu baani. Kwokwo kwo nie Rurema Nahamwinyu ndesiri.

Hisaaya 1:6

Ukulyokera ku lushando halinde kwiꞌtwe, ndaaho ku magala giinyu áhakiri hagumaana. Si mukoli yijwiri inguma, neꞌbimotole! Yibyo, bitazi yokibwa, bitanazi yonerwa kwaꞌmavuta, kandi iri kushwekwa. Si bikiri mu lyoka mwaꞌmasira.

Yeremiya 8:22

E balya! Kituma kiki inguma zaꞌbandu baani zitazi kira? Mu kihugo kyeꞌGiryadi, ka mutalyagagi umuti gwoꞌkuzilunga? Ka ndaaye mufumu úki ba mwo?

Yeremiya 30:15

Aahago! Yizo nguma, kundu mugweti mugalira-lira hiꞌgulu lyazo, haliko ndaagwo muti úgwangazibuka. Na íbitumiri nꞌgamùhana kwokwo, bweꞌbyaha biinyu bikoli luguusiri. Mukoli ba banabyaha ba bweneene.

Hezekyeri 21:29

«Nie Nahano nadetaga kwokuno: Ibyaha biinyu, bikoli bonesiri ku bweranyange. Ngiisi mundu akoli yiji kwo mugaahanwa. Ngiisi igambo lyoshi lyo mugweti mugaagira, liri mu yami yerekana ibyaha biinyu. Ku yukwo, mugaahanwa ngana-ngana, ninamùtange mu maboko gaꞌbagoma biinyu.

Sefaniya 3:1

Yayewe imwawe, e kaaya keꞌYerusaleemu! Si ulyagagi muhuni! Abandu baawe bakoli bihuusiri, banagweti bagakizi komeresania.