Yeremiya 6:12 - Kifuliiru

¹² Inyumba zaabo, zigahaabwa abandi bandu, kiri neꞌndalo zaabo, na bakaabo. Ngabahana ngana-ngana ku bushobozi bwani.» Kwokwo, kwo Nahano adesiri.

Yeremiya 6:12 Referans Kwoze

Yeremiya 8:10

«Balya bandu, booshi bagweti bagakubirira ibindu, baba bato, kandi iri bakulu. Ngiisi muguma wabo agweti agayihahalira yenyene. Kiri naꞌbaleevi, naꞌbagingi, ubulyalya bubayisiri. Ku yukwo, bakaabo, ngabaheereza abandi bashosi. Kiri neꞌndalo zaabo, ngaziheereza abandi.

Hisaaya 5:25

Nahano akoli rakariiri abandu baage, anakoli bangwiri ukuboko kwage, gira abahane. Kiri neꞌmigazi ikoli gweti igajugumbana. Neꞌbirunda bikoli luuzirwi mu njira ngiꞌjolera. Kundu kwokwo, ubute bwa Nahano buki yasiri. Akoli bangwiri ukuboko kwage, gira ahaniirize abandu baage.

Sefaniya 1:13

Ehee! Si abagoma baabo, bagayiji bashahula ibindu, halinde inyumba zaabo zinasigale mishaka! Kundu bagweti bagayiyubakira inyumba, haliko batagazituula mwo! Na kundu bagakizi byala imizabibu, haliko batagakizi nywa ku divaayi yayo.»

Kimombo 5:11

Mu kaaya keꞌSayuni, kiri na mu kihugo kyoshi kyeꞌBuyuda, bakiitu na banyere biitu, bakola mu higulirwa kwo.

Kimombo 5:3

Bwo badaata batakiri ho, tukolaga fuuvi. Kiri na bamaawe, nabo bakola banamufwiri.

Kimombo 3:3

Anali mu shiiba agweti agakoleesa ukuboko kwage mu kukizi ndimbagula.

Kimombo 2:8

Nahano akashungika bweneene ngiisi kwo agahongola inzitiro ízizungulusiri akaaya keꞌSayuni. Yizo nzitiro, kundu zâli shuumiri bweneene, zanayami yihongoleka haashi, buu!

Yeremiya 38:22

Abakazi booshi bo usigiriini mu kajumiro, bagatwalwa imunda abakulu baꞌbasirikaani beꞌBabeeri. Yabo bakazi, banakizi kuhonyoleza, ti: “Honyo! Abiira baawe, kundu bali ba vyuka-ngwejere, si keera bakuteba. Ikyanya ukayika mu bidaka, banakulekera mwomwo.”

Hisaaya 10:4

Si mwâye gendi bunda mu mbohe, kandi iri muminikwe kuguma na ábali mu yitirwa mwiꞌzibo. Kundu kwokwo, ubute bwa Nahano bugaaba butazi hooha. Agaaba aki bangwiri ukuboko kwage, mu kulooza ukuhana abandu baage.

Hisaaya 9:17

Ikyanya abandu bagweti bagaagira amabi, gali mu ba nga muliro. Guli mu tee singoola imigenge, gunabuli yigwima mu biti bihamu, halinde ikyusi kinanunge bweneene mu kyanyaanya.

Hisaaya 9:12

Yabo bandu, kundu Nahano woꞌbushobozi bwoshi akabahana, si batanamúgalukira.

1 Kutondobola 21:16

Uyo Dahudi analegamira, anabona kwoꞌyo muganda wa Nahano ayimaaziri ha kati kiꞌgulu neꞌkihugo, anabangwiri ingooti yage hiꞌgulu lyeꞌYerusaleemu, gira agishereeze. Dahudi naꞌbashaaja booshi, bâli koli yambiiti amasuuzu, banagwa buubi.

Yeremiya 7:20

Rurema Nahamwitu, adetaga kwokuno: «Yaka kaaya, ngakayonera mwoꞌburaakari bwani. Nganabuyonera ku bandu, na ku bitugwa, kiri na ku biti, na ku mimbu. Yubwo buraakari bwani, bugayaka nga muliro, ndaanaye úwangabuhoohya.»

Yeremiya 15:6

Si keera mukanjanda, mwanambindulira ingoto! Buno, ngoli luhiri noꞌkukizi mùyigenderera. Na ngolaga ngamùhana. Kwokwo kwo Nahano adesiri.

Yeremiya 21:5

Kiri na nienyene, nie Nahano, keera mwandaakaza bweneene. Kwokwo, naani ngamùlwisa, na ndi woꞌbushobozi bweneene.

Yeremiya 38:23

«Ee ma! Bakaawe, kiri naꞌbaana baawe, bagatwalwa imunda abasirikaani beꞌBabeeri, banabe bandu baabo. Kiri na wenyene, utagabayifuushula mwo. Si mwami weꞌBabeeri agakutwala imbohe. Naꞌkaaya keꞌYerusaleemu, agakaduulika mwoꞌmuliro.»

Hezekyeri 35:3

Ukanukirage abandu, kwo nie Rurema Nahamwinyu nadetaga kwokuno: E Bahedoomu! Ngola mugoma winyu. Kwokwo buno, ngakoleesa ubushobozi bwani, gira nyami hindula ikihugo kiinyu, kisigale ishamba.

Mika 2:4

Yizo siku, abagoma bagakizi mùhonyoleza. Banakizi yimba yulu lwimbo lwaꞌmaganya hiꞌgulu liinyu, ti: «Ala twe! Keera tukahererekera, twanamirwa lwoshi-lwoshi! Nahano keera akatunyagaga ikihugo kiitu, anakigabira abagoma biitu.»

Sefaniya 1:4

«Ngahaniiriza ikihugo kyeꞌBuyuda, kuguma naꞌbandu booshi beꞌYerusaleemu, na njaaze umuzimu Baali, gutaki boneke mu kihugo. Na ndyose abaleevi beꞌbibeesha, halinde banayibagirwe lwoshi-lwoshi.

Kimombo 5:2

Ngiisi byo tukahyana, ibinyamahanga keera bikatushahula byo, byanatunyaga kiri neꞌnyumba ziitu.

Hezekyeri 7:24

Ngaleeta banakuhambwa ukulyoka mu mahanga, gira bayiji hyana inyumba zaꞌbandu baani. Na kwakundi, ahandu haabo hoꞌkuyikumbira hagayulubazibwa. Kwokwo, kwoꞌbwikangaate bwabo, bugaamala.