Yeremiya 51:12 - Kifuliiru

¹² E bagoma beꞌBabeeri! Mushonie irembera liꞌzibo, gira abasirikaani bateere inzitiro zeꞌBabeeri. E Bababeeri! Muleetage abandi balaliizi, lyo mumenya ikihe kyo bagamùteera kwo ku bumbishwa. Kundu mwangagira kwokwo, Nahano akoli shungisiri kwo agamùshereeza, lyo akwiza ishungi zaage.

Yeremiya 51:12 Referans Kwoze

Yeremiya 51:11

Nahano akoli shungisiri ukushereeza i Babeeri, kyo kitumiri akashigika abaami beꞌMediya. Yabo Bababeeri, bo bakashereeza inyumba yage. Ku yukwo, agabayihoola, nga kwo bibakwaniini. Aahago! Mutyaze imyambi yinyu! Muyabiire neꞌsiribo!

Hisaaya 13:2

Mushingage irembera ku mugazi úguyanuusiri! Mukoobeze abasirikaani, gira bagendi teera akaaya keꞌBabeeri. Mukuba, yabo Bababeeri, kundu abatwali baabo baki gweti bagayikangaata, haliko, abagoma bagayifunda mu kaaya kaabo.

Nahumu 2:1

E Bayuda! Langiizi ku migazi! Si hali mu yija indumwa ígweti igaleeta imyazi miija yoꞌmutuula! Aaho! Mugirage isiku ngulu! Na ngiisi byo mukalagaania Rurema, mubikwizagye. Banangora-mabi, batâye ki teere ikihugo kiinyu. Mukuba, ngabashereeza lwoshi-lwoshi!

Yeremiya 51:29

Nahano ashungisiri kwo agahindula ikihugo kyeꞌBabeeri libe ishamba, ndaanaye mundu úgakituula mwo. Kyo kitumiri kikola mu jungubana, iri kinagaaya-gaaya noꞌbulyanirwe.

Yuheeri 3:2

Mu yizo siku, ngayonera Umutima gwani kiri na ku bakozi, abashosi naꞌbakazi.»

Kimombo 2:17

Yubwo buhanya, bukakoleka nga kwo Nahano âli mali gwanwa abushungika. Kwokwo, kwo akatulagaania, keera anabukwizagya. Akaaya keꞌYerusaleemu, ndaakyo kimino kyo akakayuvwirwa, si akayami kahongola. Buno, abagoma baage bakola mu kahonyoleza, ti honyo! Yabo bagoma baawe, keera akabahemya amatwe!

Yeremiya 51:27

Mugirage mushonie irembera lyoꞌkumenyeesa izibo! Mulasagye neꞌkibuga, gira ibinyamahanga byoshi bikiyuvwe. Mukuumanie Abahararaati, naꞌBamini, naꞌBahashikenaazi, gira bayiji teera Abababeeri. Mutoolage umukulu woꞌkurongoora abasirikaani. Muleete ifwarasi kandaharuurwa nga nzige.

Yeremiya 50:2

«Mukizi menyeesa ibinyamahanga indumwa, buzira kubibisha umwazi. Muyimusagye irembera, mu kubamenyeesa kwaꞌBababeeri bagwatwa imbira. Imigisi yabo igateezibwa ishoni, halinde inavungulwe. Iyo migisi yabo Beeri, na Merodaaki, igateteerwa, inahuumirwe bweneene.

Migani 21:30

Buba bwitegeereze, kandi iri kusobanukirwa, kandi iri shungi, byoshi, ndaabyo íbyangahimana na Nahano.

Yoshwa 8:14

Mwami weꞌHayi, ikyanya akavyuka, abona Abahisiraheeri bali ha kajabo kaꞌkabanda, anashubi yimuka kuguma naꞌbandu booshi baꞌkaaya kaabo. Balya booshi, banashubi genda ku gwogulya mudulumuko úgwâli shooziri i Haraba, gira bagendi teera yaꞌBahisiraheeri. Kiziga uyo mwami, atâli yiji kweꞌnyuma lyage, hakola abandu ábamúbishamiri.

Yeremiya 4:28

Abandu ba mu kihugo, bagaliruuka. Niꞌgulu ligayidika kweꞌkihulu. Keera nakyula, ndanganaki hinduka. Keera nꞌgashungika, kwoshi kwokwo!»

Yeremiya 23:20

Bulya buraakari bwa Nahano, butagahooha, átazi gira nga ngiisi kwo akoli shungisiri. Yibyo byoshi, mu siku ízigayija, lyo mwâye bisobanukirwe bwija.

Yeremiya 50:25

«Keera nꞌgayigula ikihinda kyani kyeꞌbilwaniiso, nanabilyosa, gira ngoleese uburaakari bwani. Nie Nahano woꞌbushobozi bwoshi, ngola mu gendi teera ikihugo kyeꞌBabeeri.

Hisaaya 11:12

Lirya irembera, Rurema agalishonia. Ligakizi menyeesa Abahisiraheeri naꞌBayuda booshi ábakoli tuuziri mu mahanga, kwo kundu bakashaabulwa mu mbande zooshi zeꞌkihugo, haliko agaki bakuumania.