Yeremiya 50:2 - Kifuliiru

² «Mukizi menyeesa ibinyamahanga indumwa, buzira kubibisha umwazi. Muyimusagye irembera, mu kubamenyeesa kwaꞌBababeeri bagwatwa imbira. Imigisi yabo igateezibwa ishoni, halinde inavungulwe. Iyo migisi yabo Beeri, na Merodaaki, igateteerwa, inahuumirwe bweneene.

Yeremiya 50:2 Referans Kwoze

Hisaaya 46:1

Imizimu Beeri na Nebo, yeꞌBabeeri, leero ikola mu goka. Iyo mizimu yo ishuba mu kizi lengezibwa naꞌbandu ku bisegengo, ikoli ba miteekerwa naaho, íri mu twalwa neꞌbitugwa. Na bwo ikola mizito, ikoli bizidohiiri bweneene.

Hisaaya 21:9

Lolaga, baliira bakola mu yija, bashoniri ku fwarasi, banali mu genda babiri-babiri!» Bali mu deta kwokuno: «Akaaya keꞌBabeeri keera kahongoka! Ee! Akaaya keꞌBabeeri keera kahongoka. Imigisi yako, keera yabulirwa, inakoli vungusiri!»

Yeremiya 51:47

Ku kasiisa, ngola ngahaniiriza imigisi yeꞌBabeeri, halinde ikihugo kyoshi kinateteerwe. Ibirunda byaꞌbandu baamwo, bigalambama hooshi.» Kwokwo, kwo Nahano adesiri.

Yeremiya 51:44

«Gulya mugisi Beeri gweꞌBabeeri, ngaguhaniiriza. Ngiisi byo gwâli kizi mira-mira, gugabishala. Ibinyamahanga bitanâye ki guyijire. Kiri neꞌnzitiro zeꞌBabeeri, zigahongoka.

Bwigule 18:2

Uyo muganda, anayiberekaania kwiꞌzu kwokuno: «Akaaya kahamu keꞌBabeeri keera kayihongoleka haashi! Ee! Kayihongoleka haashi. Na buno, likolaga igomberano lyeꞌmizimu, neꞌbisigo, kuguma na ngiisi kanyuni koꞌmuziro ákali mu yagazania.

Sefaniya 2:11

Kwokwo, agababiika mweꞌkyoba bweneene, anashereeze imizimu yoshi mu kihugo kyabo. Abandu baꞌmahanga gooshi bagakizi yikumba Nahano, ngiisi bandu mu kihugo kyabo.

Yeremiya 52:31

Uyo mwami Yoyakini weꞌBuyuda, iri akahisa imyaka makumi gashatu niꞌrinda ali mu nyumba yeꞌmbohe i Babeeri, mwami Heviri-Merodaaki anayima mu Babeeri. Mu gwogwo mwaka, iri hakaba mu siku makumi gabiri na zitaanu zoꞌmwezi gwiꞌkumi na kabiri, anakoga Yoyakini, anamúhulusa mu nyumba yeꞌmbohe.

Yeremiya 51:52

Nahano adetaga kwokuno: «Mu siku ízigayija, ngahaniiriza imigisi yeꞌBabeeri. Abandu baayo, ikyanya bagakomeereka, bagabululuka ku bulyanirwe. Amazu gaabo ganayuvwikane hooshi mu kihugo.

Yeremiya 51:31

Indumwa zigweti zigakulikirana muguma-muguma, mu kugendi menyeesa mwami kwaꞌkaaya kaage keꞌBabeeri keera kagwatwa.

Yeremiya 51:8

Halikago buno, Babeeri naye keera akagwa, anavunika. Ku yukwo, mumúlirire! Mugendi leeta umuti, munamúlunge inguma. Hali ikyanya angaki kira.

Yeremiya 50:46

Ikyanya ikihugo kyeꞌBabeeri kigagwatwa, abandu booshi bagateerera induulu bweneene, neꞌkihugo kinajugumbane. Abandu ba mu mahanga gooshi bagayuvwa ngiisi kwaꞌBababeeri bakola mu bululuka ku kimombo.

Yeremiya 46:14

«Ugenderage balya Bamiisiri ábali i Migidoli, na ábali i Mefiisi, na ábali i Tapaneshi, unababwire kwokuno: “Ábamùsokaniini bakola mu mùteera! Aahago! Muyibiike ibiringiini, gira mugendi lwa.”

Yeremiya 31:10

Mwe binyamahanga! Yuvwagwi ngiisi kwo Nahano atubwira. Iyo ndumwa yage, mukizi gimenyeesa mu batuuziri hala, ha butambi lyeꞌnyaaja. Mukizi babwira: «Kundu Nahano akashabulira Abahisiraheeri mu mahanga, halikago buno, akola agashubi bakuumania. Agakizi bakuya-kuya, nga kwoꞌmungere ali mu kuya-kuya ibibuzi byage.»

Yeremiya 6:18

Ku yukwo, e binyamahanga mweshi! Mundegage amatwiri. Yabo bandu beꞌBuyuda, mulolage bwija ngiisi kwo ngabagira.

Yeremiya 4:16

Yago magambo, ugakengule ibinyamahanga, kiri naꞌbandu beꞌYerusaleemu. Ee! Ibinyamahanga bikolaga bigayiji tuteera. Bigweti bigabanda induulu, mu kushomboroza izibo mu twaya tweꞌBuyuda.

Hisaaya 48:6

Ngiisi byo nꞌgagwanwa namùkengula, mwanabiyiyuvwirwa, byebino, bikola mu koleka. «Aahago! Kituma kiki mutangabiyemeera? Buno, ngola ngamùyereka ibihyahya. Ee! Kundu bishubi bishamiri, ngaki mùmenyeesa byo.

Hisaaya 39:1

Ku yikyo kyanya, mwami Merodaaki-Baladani, mugala mwami Baladani weꞌBabeeri, anayuvwa ngiisi kwo Hezekiya ashubi lwaziri. Kyanatuma agamúlungikira amaruba kuguma noꞌlutengu.

Hisaaya 37:19

Bakaduulika imigisi yabo kwoꞌmuliro, banagijigiivya, bwo itâli riiri ye Rurema nirizina. Si yâli migisi naaho yaꞌbandu bakabaaja mu biti, na mu mabuye.

Hisaaya 13:2

Mushingage irembera ku mugazi úguyanuusiri! Mukoobeze abasirikaani, gira bagendi teera akaaya keꞌBabeeri. Mukuba, yabo Bababeeri, kundu abatwali baabo baki gweti bagayikangaata, haliko, abagoma bagayifunda mu kaaya kaabo.

Hisaaya 12:4

Ku yikyo kyanya, mugaadeta: «Mutange kongwa imwa Nahano! Mukizi múyivuga. Mubwire abandu beꞌmahanga gooshi ngiisi kwo akagira, na ngiisi kwo ali mukulu bweneene.

Zaburi 96:3

Mukizi menyeesa ubulangashane bwage mu binyamahanga. Mumenyeese abandu booshi imikolezi yage ya kahebuuza.

Zaburi 64:9

Agakoleesa amagambo gaabo boonyene, mu kubashereeza. Ngiisi ábagaabona kwokwo, bagakizi zuuza amatwe.

Zaburi 97:7

Haliko, ngiisi ábagweti bagayikumba imigisi, na ngiisi ábali mu yihaya hiꞌgulu lyayo, boohe, bagaki teezibwa ishoni. Mukuba, irya migisi yoshi ikwaniini ifukame imbere lyage.

Hisaaya 48:20

E balya, mulyokage i Babeeri. Mutibitage, mulyoke yo! Munakizi menyeesa umwazi mu kubanda akabuuli, awi yiyi yiyi! Mugumenyeese halinde heꞌkihugo kihekiiri. Mukizi deta: «Nahano keera akaguluula abandu baage, beene Yakobo.»

Yeremiya 4:6

Mushonie irembera i Sayuni, likizi yereka abandu ngiisi ho bagalenga. Mutaki vwebeebe, si mutibitage. Nahano akolaga agalyosa ikihano uluhande lweꞌmbembe. Yikyo kihano, igaaba nguuke yoꞌkushereeza ngana-ngana!

Yeremiya 51:12

E bagoma beꞌBabeeri! Mushonie irembera liꞌzibo, gira abasirikaani bateere inzitiro zeꞌBabeeri. E Bababeeri! Muleetage abandi balaliizi, lyo mumenya ikihe kyo bagamùteera kwo ku bumbishwa. Kundu mwangagira kwokwo, Nahano akoli shungisiri kwo agamùshereeza, lyo akwiza ishungi zaage.

Yeremiya 51:27

Mugirage mushonie irembera lyoꞌkumenyeesa izibo! Mulasagye neꞌkibuga, gira ibinyamahanga byoshi bikiyuvwe. Mukuumanie Abahararaati, naꞌBamini, naꞌBahashikenaazi, gira bayiji teera Abababeeri. Mutoolage umukulu woꞌkurongoora abasirikaani. Muleete ifwarasi kandaharuurwa nga nzige.

Danyeri 1:2

Ikyanya akakateera, Nahano anatanga uyo mwami Yoyakimu mu maboko gaage. Mwami Nebukandeneza, ikyanya akagalukira mu kihugo kyage kyeꞌBabeeri, anatwala ibikolanwa biguma bya mu nyumba ya Rurema, anagendi bisingula mu luheero lweꞌmizimu yage.

Danyeri 3:14

Neꞌri bakahikaga, anababuuza: «Ka biri ukuli, kwo mutagweti mugakolera imigisi yani? Kiri na gulya mugisi gweꞌnooro gwo nꞌgatereka, ka biri ukuli kwo mutagweti mugagutwaza?

Yeremiya 10:11

Yabo banamigisi, mugendi babwira kwokuno: «Iyo migisi, itali yo ikalema igulu neꞌkihugo. Si igamalaga lwoshi, itanaki boneke mu kihugo, kandi iri mwiꞌgulu.»

Yeremiya 10:15

Ndaako kamaro ko ihiiti. Si iri ya kuhonyoleza naaho. Ikyanya Nahano agagihana, igaahera lwoshi!