Yeremiya 5:8 - Kifuliiru

⁸ Muli nga fwarasi za mu kishuka, ízifiisiri, zinalungumiirwi. Ngiisi muguma winyu ali mu yifwija naaho ukugwejera muka uwabo.

Yeremiya 5:8 Referans Kwoze

Yeremiya 13:27

Ngiisi byo mugweti mugaagira, kiri kyagaza bweneene imwani! Mbwini ngiisi kwo mukoli yifuuziri mu busambani, nga fiizi íri mu lungumirira ibuguma. Munakola mu yilala mu byeꞌkipagaani, ku migazi, kiri na mu ndalo. E bandu beꞌYerusaleemu, yayewe imwinyu! Ka mutâye yeruusibwe?»

Hezekyeri 22:11

Abandi biinyu bagweti bagakizi shuleha bamuka abatuulani baabo. Abandi bagweti bagakizi shuleha bali-kazi baabo. Abandi banakizi gendi gwejera baali baabo.

Yeremiya 29:23

Bigaaba kwokwo, bwo mukahigula mu Bahisiraheeri. Mu kati kiinyu, umushosi agweti agashuleha muka uwabo. Banali mu koleesa iziina lyani, mu kukizi tanga ubuleevi bweꞌkinyoma. Banali mu gendi deta kwo nie kabatuma, ndanali nie. Yibyo byoshi, mbiyiji-yiji, na ndi nie kamasi kaabyo.” Kwokwo, kwo Nahano adesiri.»

Hayubu 31:9

«Hali ikyanya umutima gwani gwangabiiri gukayifwija muka umutuulani wani, na mbe ngweti ngahyegera-hyegera ha mulyango gwage.

Bukengeeze 5:21

Utanakizi yifwija muka mutuulani wawe, kandi iri inyumba yage, kandi iri indalo yage, kandi iri umuja wage, kandi iri umuja-kazi wage, kandi iri ngaavu yage, kandi iri punda wage. Hatagirage ikindi kindu kyage kyoshi kyo ugakizi yifwija.”

Bukengeeze 5:18

Utakizi shuleha.

Kulyoka 20:17

«Utakizi yifwija inyumba yoꞌmutuulani wawe. Utanakizi yifwija mukaage, kandi iri muja wage, kandi iri muja-kazi wage, kandi iri ngaavu yage, kandi iri punda wage. Hatagirage ikindi kindu kyage kyoshi kyo ugakizi yifwija.»

Kulyoka 20:14

«Utakizi shuleha.

Ndondeko 39:9

Muno mu mwage, ndaaye gundi únguliiri. Ndaanakyo kindu kyo ambuziizi kwo, útali wehe, naaho, bwo uli mukaage. Aaho! Kutagi byanganzigira kwo ngire ibikoleere mwene yibi? Si nangaba nahubira kiri na Rurema yenyene.»

Yeremiya 9:2

Yaba bandu bali mu koleesa utunwa twabo nga muheto, mu kulasha-lasha ibinyoma. Ibibeesha, byo bikoli luguusiri mu kihugo. Ikyanya bali mu mala ikyaha kiguma, banayami yifunda mu kindi. Mukuba, batanyiji nga ngiisi kwo ndi.» Kwokwo, kwo Nahano adesiri.

Yeremiya 50:11

«E Bababeeri, ikyanya mukagendi shahula abandu baani ibindu, mwanaba mukoli shambiiri bweneene. Mwanasimba-simba nga nyana íri mu ndagiriro. Izu liinyu, likola nga lyeꞌfiizi yeꞌfwarasi.

Migani 6:29

Kwokwo, kwo biri neꞌmwoꞌmushosi úwalaala na muka uwabo. Ndaanaye mushosi úwangamúlaala kwo, mbu atanahanwe.

Yeremiya 23:10

Kino kihugo kyeꞌBuyuda, si abandu baki gweti bagashulehana mwo! Banakoli bihuusiri, iri banakoleesa ubushobozi bwabo ku njira ítali nga yo. Kyo kitumiri Nahano akoli kidaasiri. Ikihugo kikoli ginunusiri bweneene, neꞌndagiriro zikoli yumagusiri.