Yeremiya 49:10 - Kifuliiru

¹⁰ Haliko abandu beꞌkibusi kya Hesahu boohe, ngabanyaga ibindu byoshi-byoshi. Kiri na ngiisi ho bali mu yibisha, ngababishuula, gira batalonge ukuyibisha imwani. Yabo Bahedoomu, abandu baabo booshi bagaminikwa. Ndaanaye kiri noꞌmuguma úgasigala.

Yeremiya 49:10 Referans Kwoze

Hisaaya 17:14

Kabigingwe, Abahisiraheeri bagakizi yoboha bweneene. Haliko, ikyanya butazi tejuukana, banagwane abagoma bakoli fwiri. Kundu abagoma bagayiji tuteera, ndaabyo bagaagira!

Barumi 9:13

Biri nga kwo biyandisirwi kwokuno: «Nꞌgakunda Yakobo. Haliko, Hesahu nanamúshomba.»

Hobadiya 1:9

E kaaya keꞌTemaani! Indwani ziinyu zigasigali huumirwa. Abandu booshi ábatuuziri mu migazi yinyu, bagayitwa.»

Hamoosi 9:3

Kwakundi, kundu bangayibisha kwiꞌrango lyoꞌmugazi Karimeeri, ngagendi bashakula yo, na mbabirigishe. Na kundu bangagendi bishama mu tulingi tweꞌnyaaja, ngahanguula kirya kihuume kyoꞌmujoka, kigendi bakoma mwo.

Yeremiya 23:24

Kwokwo, kundu umundu angagendi yibisha hala, ngaaba ngi múbwini. Kwokwo kwo nie Nahano ndesiri. Mukuba, nyijwiri hooshi mwiꞌgulu, kiri na hano mu kihugo.» Kwokwo, kwo Nahano adesiri.

Hisaaya 45:3

Ibihinda byoshi íbishubi bishirwi, ngakuheereza byo. Kwokwo lyo ugaamenya kwo nie Nahano, Rurema waꞌBahisiraheeri, na kwo nie ndi mu kuhamagala kwiꞌziina lyawe.

Zaburi 37:28

Mukuba, ngiisi ábakwaniini, Nahano ali mu ba abakuuziri. Na bwo bali bemeera, atagabajanda. Agagenderera ukukizi balanga imyaka neꞌmyakuula. Haliko, banangora-mabi boohe, agashereeza ikibusi kyabo.

Yeremiya 13:26

Ngamùshemuula imirondo, halinde i malanga, abandu booshi banabone ubukondwe bwinyu, munateezibwe ishoni.

Kimombo 4:22

E bandu beꞌSayuni! Si keera mukahanwa, munakoli ba baja hiꞌgulu lyeꞌbyaha biinyu! Kundu kwokwo, buno mukolaga mugalyoka yo. Halikago mwe bandu beꞌHedoomu, nanga! Mwehe, Nahano agaki mùhaniiriza hiꞌgulu lyeꞌbyaha biinyu. Ee ma! Yibyo byaha biinyu, agaki bibishuula!

Hobadiya 1:6

Haliko mwe biꞌkondo lya Hesahu, ibindu biinyu byoshi bigashahulwa ngana-ngana! Kundu mwangabisha ibihinda, bigabishuulwa.