Yeremiya 48:13 - Kifuliiru

¹³ Abahisiraheeri bâli kizi tabaaza umuzimu gwa mu kaaya keꞌBeteeri. Neꞌkyanya gutakabatabaala, banagwatwa neꞌshoni. Kwo na kwokwo, Abamohabu nabo bagateezibwa ishoni, hiꞌgulu lyoꞌmuzimu gwabo Kemooshi.”

Yeremiya 48:13 Referans Kwoze

Yeremiya 48:39

«Yabo Bamohabu, keera bavunika. Bakola mu bululuka. Mulolage ngiisi kwo bagweti bagateezibwa ishoni. Abandu bakola mu bahonyoleza, keera banateteerwa ngana!»

Hisaaya 45:16

Ikyanya abandu bali mu baaja imigisi, bagateezibwa ishoni. Balya booshi, bagateteerwa.

Batwi beꞌmaaja 11:24

Ka butali bwija utuule mu kihugo kyawe? Si ukihaabirwi noꞌmuzimu gwawe Kemooshi! Kwo na kwokwo, nyiitu tugatuula mu ngiisi kyo Rurema Nahamwitu akatuheereza, kinakola kyeꞌmwitu.

Yeremiya 48:46

E Bamohabu, yayewe imwinyu! Bwo mwâli kizi yikumba umuzimu Kemooshi, keera mukashereezibwa. Bagala biinyu na banyere biinyu, keera bakagwatwa, banatwalwa imbohe.

Yeremiya 48:7

E Bamohabu, si mwâli kizi biika umulangaaliro ku bugale bwinyu, na ku bukalage bwinyu! Buno, abagoma bakola bagamùgwata imbira, banamùtwale imbohe, kuguma noꞌmugisi gwinyu Kemooshi, kiri naꞌbagingi baagwo, naꞌbakozi baagwo.

Hisaaya 45:20

«Mwe mukafuushukaga mu mahanga! Mukuumane kuguma, munanyijire. Bandu baguma bali mu gugumira imigisi, ikanabaajwa mu biti naaho! Haliibwi! Si balyagagi bahwija naaho! Irya migisi, kundu itashobwiri ukubakiza, si bakiri mu gitabaaza.

Hisaaya 16:12

Abamohabu bagagendi lola imbeero zaabo kwiꞌrembo, banagire mbu bagendi tabaaza imizimu yabo, shoobe! Na kundu bagagenda mu mbeero zaayo, si ndaaye úgaahasha ukubakiza.

Hisaaya 2:20

Kundu abandu bâli mali tula imigisi mu harija, na mu nooro, haliko yulwo lusiku, iyo migisi igagendi kabulirwa áhali imbeba na banajoojo.

1 Baami 18:40

Ulya Hiriya anababwira kwokuno: «Balya baleevi boꞌmuzimu Baali, mubabirigishe! Hatanagire úgafuuka.» Neꞌkyanya bakababirigisha, Hiriya anakyula kwo batwalwe ha lwiji Kishooni. Balya booshi, haaho, ho akabayitira.

1 Baami 11:7

Ulya Sulumaani, ku higangazi higuma hyoꞌluhande lweꞌsheere lweꞌYerusaleemu, anayubaka kwoꞌluheero lwoꞌkuholeza mwo Kemooshi, umuzimu kyagaza gwaꞌBamohabu. Anayubaka naꞌhandu hoꞌkuholeza Mirikomu, umuzimu kyagaza gwaꞌBahamooni.

1 Baami 11:33

«“Na íbitumiri ngaagira kwokwo, ku bwenge ulya Sulumaani keera akanjanda, anayikumba imizimu yeꞌmahanga: nga Hashitoreeti, umuzimu mukazi gwaꞌBasidooni, na Kemooshi umuzimu gwaꞌBamohabu, na Mirikomu, umuzimu gwaꞌBahamooni. Uyo Sulumaani akanyihindulira, anagira íbitali nga byo mu masu gaani. Atakasimbaha imaaja zaani, kandi iri mategeko gaani, nga kwo yishe Dahudi âli kizi bisimbaha.

Yeremiya 48:12

Kundu kwokwo, Nahano adetaga: “Mu siku ízigayija, ngamùlungikira abagoma, bayiji mùyonera kweꞌdivaayi yinyu mwenyene. Ha nyuma, banasige bavungula-vungula indango.

2 Kutondobola 25:15

Mu kugira kwokwo, anayagaza Nahano. Kyanatuma Nahano agamútumira umuleevi. Ulya muleevi anamúbuuza: «Ewe! Kituma kikagi ukoli langaliiri imizimu yeꞌmahanga? Si itakakiza abandu baayo mu maboko gaawe?»