Yeremiya 45:2 - Kifuliiru

^2-3 «E Baruki, Nahano Rurema waꞌBahisiraheeri ayuvwa ngiisi kwo ukadeta kwokuno: “Yayewe imwani! Si Nahano akola mu shubi nyushuulira amalibu! Keera nagongeera, na ngoli luhiri, ndaanaho nangaluhuukira.”

Yeremiya 45:2 Referans Kwoze

Baheburaniya 4:15

Na ku luhande lwoꞌbukaholwe bwitu, ashobwiragi ukutuyuvwirwa indengeerwa. Mukuba, ngiisi kwo tuli mu gezibwa, kwo naye akagezibwa. Si yehe, ndaakyo kyaha kyo akagira.

Baheburaniya 2:18

Ikyanya Yesu akagezibwa, âli kizi libuuka bweneene. Kyo kitumiri ashobwiri ukukizi tabaala na ngiisi bandi ku kyanya bali mu gezibwa.

2 Bakorindo 7:6

Haliko, ikyanya Tiito akayija, lyo Rurema akatuholeeza. Ee! Ikyanya abandu bali mu vunika imitima, Rurema ali mu baholeeza.

2 Bakorindo 1:4

Ngiisi kyanya tuli mu longa amakuba, Rurema ali mu tuholeeza. Kwokwo, nyiitu, ikyanya abandi bali mu galonga, lyo nabo tuli mu baholeeza.

Mariko 16:7

Aaho! Mugendi bwira abigirizibwa baage, kuguma na Peturu, kwo keera agwanwa i Galilaaya. Neꞌyo munda, yo mugamúbonera, nga kwo âli mali gwanwa amùbwira.»

Hisaaya 63:9

Ku kyanya Abahisiraheeri bâli kizi longa amakayu, naye, bâli kizi galongera kuguma. Anabakiza, mu kubalungikira umuganda. Na bwo abakuuziri, kyanatuma agakizi bayuvwirwa indengeerwa, anabaguluula. Âli kizi batengetera, iri anababetula.

Yeremiya 45:1

Ku kyanya mwami Yoyakimu mugala Yosiya, akahisa imyaka ina atwaziri mu Buyuda, lyo Yeremiya akabwira Baruki mugala Neriya kwo ayandike gano magambo mu kitaabo, ti: