Yeremiya 44:6 - Kifuliiru

⁶ Kwokwo, nanamùrakarira bweneene, halinde nanasingoola utwaya tweꞌBuyuda, kiri neꞌnjira zeꞌYerusaleemu. Na buno, yaho hooshi bikola biguuka, na mushaka.

Yeremiya 44:6 Referans Kwoze

Yeremiya 7:20

Rurema Nahamwitu, adetaga kwokuno: «Yaka kaaya, ngakayonera mwoꞌburaakari bwani. Nganabuyonera ku bandu, na ku bitugwa, kiri na ku biti, na ku mimbu. Yubwo buraakari bwani, bugayaka nga muliro, ndaanaye úwangabuhoohya.»

Hezekyeri 8:18

Yago mabi gaabo, go gatumiri ngabahana ku buraakari bwani. Naani ndagaki bakejeerera, kandi iri kubalekeerera. Kundu bangandakira kwiꞌzu lihamu, ndagabatwaza.»

Yeremiya 42:18

Yeremiya anashubi deta kwokuno: «Nahano woꞌbushobozi, Rurema waꞌBahisiraheeri anadeta na kwokuno: “Keera nꞌgarakarira abandu booshi beꞌYerusaleemu. Kiri na niinyu, iri mwangagenda i Miisiri, ngamùrakarira. Abandu bagakizi mùdaaka, iri banamùhuumira. Banakizi mùtuka, noꞌkumùshekeereza, ti honyo! Na kino kihugo kyeꞌmwinyu, mutâye shubi kifina mwo.”»

Yeremiya 21:5

Kiri na nienyene, nie Nahano, keera mwandaakaza bweneene. Kwokwo, naani ngamùlwisa, na ndi woꞌbushobozi bweneene.

Yeremiya 7:34

Mu mitalimbwa yeꞌYerusaleemu, kiri na hooshi mu tundi twaya tweꞌBuyuda, hagasigala munyerere, shee! Ikisegengo kyeꞌsiku ngulu kigaamala, kiri neꞌkyaꞌmageni. Ikihugo, kinasigale mushaka.»

Hisaaya 51:20

Abaana baawe, Nahano Rurema keera akabarakarira, anabakanukira bukayu. Buno, bakola ngoꞌtusa útwagwatwa mu mutego. Bagweti bagaholera mu njira, banakoli gilambamiri mwo.

Hisaaya 51:17

E Yerusaleemu, uvyukage, unayimuke! Keera Nahano akakurakarira, anakuhana ku bute bwage, kwo buli nga divaayi mu rusoozo. Iyo divaayi, wanagigutiira. Neꞌkyanya ukagimala lwoshi, wanatondeera ukubambaajira.

Hisaaya 6:11

Nanabuuza: «E Nahamwitu, yibyo byoshi, ngwiriiri ukukizi bigira, halinde mangoki?» Naye, ti: «Ukizi giraga kwokwo, halinde ku kyanya utwaya twabo tugaaba tusigiiri mushaka. Neꞌnyumba zaabo, zinasigale biguuka. Neꞌkihugo kyabo kinasherebere lwoshi-lwoshi.

Nahumu 1:2

Nahano Rurema alyagagi munaluugi, anagweti agayihoola. Ikyanya abagoma bagweti bagahagana naye, ali mu bahaniiriza ku buraakari bwage. E ma! Balya bagoma, ayamiri abarakariiri, anagweti agabayihoola.

Danyeri 9:12

Ee! Ikyanya ukatushereeza, lyo ukakoleesa amagambo ágakagwanwa gadetwa hiꞌgulu liitu, kiri na hiꞌgulu lyaꞌbatwali biitu. «“Ngiisi kwo ukahaniiriza akaaya kiitu keꞌYerusaleemu, ndaabo bandi ábakahanwa bukayu mwene kwokwo.

Hezekyeri 24:13

«E bandu beꞌYerusaleemu, niinyu mumenyage kweꞌbyaha biinyu bikoli mùyulubaziizi. Kundu nageregeza ukumùyeruusa, bitanaziga. Kwokwo, ngatee mùhana ku buraakari bwani, lyoki, mukabuli yeruuka.

Hezekyeri 24:8

Aaho! Yugwo muko, naani nagulekera ha bweruula kwiꞌbuye, gira guvyule uburaakari bwani, halinde na nyihoole.

Hezekyeri 20:33

«Nga kwo nyamiragi ho, ngakoleesa ubushobozi bwani, mu kumùhaniiriza ku buraakari. Kwokwo, kwo nie Rurema Nahamwinyu ndesiri.

Hezekyeri 6:12

Ngiisi útuuziri hala mu mahanga, agaafwa ku kiija. Na ngiisi útuuziri hoofi, agayitwa mwiꞌzibo. Na ngiisi úgaaba akiri ho, yehe agaafwa niꞌshali. Kwokwo, kwo bagayuvwa ngiisi kwo ngoli barakariiri.

Hezekyeri 5:13

«Haaho, lyoꞌbute bwani bugahooha, bunamale. Mukuba umutima gwani gugaaba keera gwaholeera. Abandu banamenye kwo nie Nahano, na kwo ndi mu hana ku buraakari bwani.

Yeremiya 36:7

Mukuba, ibyaha byabo bikoli yagaziizi Nahano bweneene, keera anababiikira ikikando kwo agabahaniiriza. Halikago, ikyanya bagayuvwa yago magambo, hali ikyanya bagatwikira ku mabi gaabo, banahuune Rurema kwo abakoge.»

Yeremiya 4:4

Ee maashi! Nga kwo mutengwirwi mu magala giinyu, mutenguulwe na mu mitima yinyu, halinde mukizi kolera Nahano naaho. Buzira kwokwo, ibyaha biinyu bigayasa uburaakari bwage nga muliro, ndaanaye úgaahasha ukubuhoohya!»

Balaawi 26:28

ngashubi mùhana kandi ku buraakari bwani. Bwo mugaaba muki gweti mugaagira ibyaha, ngashubi mùhaniiriza ubugira kalinda.

Balaawi 26:31

«Utwaya twinyu tuhamu, ngatujigiivya. Na ho mugweti mugayikumbira imigisi, ngahahindula libe ishamba. Na kundu mugakizi ndangira amatuulo goꞌkusiriiza, imishiiriri yago itaganzimiisa.

Hisaaya 1:7

Ibinyamahanga bikola mu mùshahula imimbu, bikabuli singoola utwaya twinyu, halinde ikihugo kinashereezibwe lwoshi. Kundu kwokwo, mugweti mugabaloleera naaho.

Yeremiya 4:27

Nahano adetaga kwokuno: «Ikihugo kyoshi kigashereezibwa. Kundu kwokwo, ndagakishereeza lwoshi-lwoshi.

Yeremiya 7:17

«Ka utabwinagi ngiisi byo bali mu gira mu njira zeꞌYerusaleemu, na mu tundi twaya twabo?

Yeremiya 34:22

halikago ngabahamagala kwo bashubi galuka. Kwokwo, bagateera kano kaaya, banakagwate, banakajigiivye lwoshi-lwoshi. Kiri noꞌtundi twaya tweꞌBuyuda, natwo ngatushereeza, tunabe mushaka.» Kwokwo, kwo Nahano adesiri.

Kimombo 1:13

Nahano akalindimula umuliro ukulyoka mwiꞌgulu, gwanayami njashaata mwo, halinde na mu mavuha. Emwe! Akandega umubashu. Neꞌkyanya gukanganga, anayami ngalula kifudeete. Ananziga mu kahumbwe, ngoli shengusiri.

Hezekyeri 20:34

Ku bwobwo bushobozi bwaꞌkahebuuza, na ku buraakari, ngamùlyosa mu mahanga. Nganashubi mùkuumania ukulyoka mu bihugo byo mwâli shabukiiri mwo,

Zakariya 1:2

«Nꞌgarakarira bweneene bashokuluza biinyu. Ku yukwo, ugendi bwira Abahisiraheeri kwokuno: “Nie Nahano woꞌbushobozi bwoshi! Aaho! Mungalukirage, gira naani nimùgalukire.”

Zakariya 7:14

Nanabashabulira hala mu mahanga, banagendi tuula yo nga binyamahanga. Ikihugo kyo bâli siziri, kyanahinduka mushaka. Ndaaye mundu úkakilenga mwo. Emwe! Kirya kihugo, kundu kyâli simisiizi, haliko kyanaba kikolaga ishamba naaho.»

Yeremiya 8:3

Yabo banangora-mabi, ngiisi ábagaaba basigiiri, ngabashabulira hooshi mu mahanga. Halikago iyo munda, batagalooza ukulama, si bagakizi yifwija naaho kwo bafwe.» Kwokwo Nahano adesiri.

Yeremiya 44:22

«Aahabi! Birya bikoleere byo mwâli kizi gira, byâli kizi yagaza Nahano bweneene! Kyo kitumiri atakamùyigenderera, anahindula ikihugo kiinyu kibe mushaka. Kwokwo, abandu bakola mu kizi kidaaka, halinde zeene.

Kimombo 1:1

Mu mahanga gooshi, akaaya keꞌYerusaleemu ko kâli kizi huuzibwa bweneene. Haliko buno, kakola nga namufwiri. Yako kaaya kâli yijwiri mwaꞌbandu bingi, si buno keera kasiba lwoshi. Mu tundi twaya, kundu ye wâli muluzi-nyere, si buno, kakolaga muja-kazi naaho.

Kimombo 5:18

Umugazi Sayuni gukolaga mushaka. Imirunga naaho, yo yasigala ikola mu hinda-hinda mwo.

Zakariya 1:6

«Ikyanya nꞌgagwanwa nakengula yabo bashokuluza biinyu ku bigaki yiji ba, byoshi byanakoleka, nga ngiisi kwo nꞌgababwira. Kyanatuma bagatwikira ku ngesho zaabo mbi, banadeta: “Ala twe! Ngiisi kwo Nahano akagwanwa atukengula, kwo byanakoleka. Keera akatuhana, ukukulikirana neꞌngesho ziitu mbi.”»