Yeremiya 4:26 - Kifuliiru

²⁶ Ikyanya nꞌgalangiiza, nanabona kwiꞌdaho írishuba neꞌnagiira, likola ishamba. Utwaya twoshi, tukola biguuka. Na íbitumiri bigaaba kwokwo, bwo Nahano akoli turakariiri.

Yeremiya 4:26 Referans Kwoze

Zaburi 107:34

Ikyanya abandu bâli yifuuziri mu byaha, anakizi hindula ikihugo kyabo kiginuunuke.

Mika 3:12

Hiꞌgulu liinyu, kyo kitumiri akaaya keꞌYerusaleemu kagahingwa nga ndalo, kanahinduke biguuka! Na ngiisi ho bayubasiragi inyumba ya Nahano, hooshi, hagaamera ibishungu-shungu.

Yeremiya 12:4

Kino kihugo kigayama kiyumagusiri halinde mangoki? Si ibyasi keera bikahangalala! Ibitugwa nabyo bikola bigaamala, kiri noꞌtunyuni. Abandu banakola mu deta: «Si Rurema atabwini íbiri mu tukoleka kwo!» Na íbitumiri yibyo byoshi bikola mu koleka, bwaꞌbandu bakoli bihuusiri.

Zaburi 76:7

E Rurema wa Yakobo, ikyanya ukazikanukira, ifwarasi zaabo zanayami fwa kuguma na ábâli zishoniri kwo.

Yeremiya 9:10

Nahano adetaga kwokuno: «Akaaya keꞌYerusaleemu, ngakagira bibe biguuka, gunabe mushaka, halinde kanahinduke igomberano lyeꞌmirunga. Abandu ba mu twaya tweꞌBuyuda, ngabashaabula, halinde yutwo twaya tusigale tuzira bandu.»

Yeremiya 12:13

Abandu baani, kundu bakabyala ingano, si bakola bagayimbula imigenge. Na kundu bâli kizi yitubanula mu kukola, ndaako kamaro balongaga. Buno, mu kuyimbula, bakola bagateteerwa, bwo ngoli barakariiri.»

Balaawi 26:31

«Utwaya twinyu tuhamu, ngatujigiivya. Na ho mugweti mugayikumbira imigisi, ngahahindula libe ishamba. Na kundu mugakizi ndangira amatuulo goꞌkusiriiza, imishiiriri yago itaganzimiisa.

Yeremiya 7:34

Mu mitalimbwa yeꞌYerusaleemu, kiri na hooshi mu tundi twaya tweꞌBuyuda, hagasigala munyerere, shee! Ikisegengo kyeꞌsiku ngulu kigaamala, kiri neꞌkyaꞌmageni. Ikihugo, kinasigale mushaka.»

Yeremiya 25:11

Yiki kihugo kyoshi, kigahinduka mushaka. Abahisiraheeri, kiri naꞌbatuulani baabo, booshi bagaahisa imyaka makumi galinda, bagweti bagakolera mwami weꞌBabeeri.

Kimombo 2:7

Ku kasiisa, Nahano akazira akatanda kaage, anazira neꞌnyumba yage nyiija i Sayuni. Analekeerera abagoma bayiji hongola inyumba nzitire. Mwomwo mu nyumba yage, banakizi bandira mwaꞌkabuuli hiꞌgulu lyoꞌbuhimi bwabo, nga kwaꞌbandu ba Rurema bâli kizi gira mwo ku lusiku lukulu.

Sefaniya 1:18

Yulwo lusiku, Nahano agaaba akoli barakariiri bweneene, batanaki kizibwe, mbu bwo batanga ifwaranga kandi iri inooro. Mukuba agaaba akoli yuvwiti uluugi ngana, halinde ikihugo kyoshi kinasingooke. Ee! Agaamala abandu booshi ba mu kihugo!