Yeremiya 4:25 - Kifuliiru

²⁵ Ikyanya nꞌgalangiiza, ndaaye mundu ye nꞌgabona. Kiri na mu kyanyaanya, utunyuni twoshi, ndaatwo.

Yeremiya 4:25 Referans Kwoze

Yeremiya 12:4

Kino kihugo kigayama kiyumagusiri halinde mangoki? Si ibyasi keera bikahangalala! Ibitugwa nabyo bikola bigaamala, kiri noꞌtunyuni. Abandu banakola mu deta: «Si Rurema atabwini íbiri mu tukoleka kwo!» Na íbitumiri yibyo byoshi bikola mu koleka, bwaꞌbandu bakoli bihuusiri.

Hosheya 4:3

Kyo kitumiri ikihugo kiinyu kikoli yumagusiri. Ngiisi ábakituuziri mwo, bakola mu fwa. Kiri neꞌnyamiishwa, zikola mu hera, kuguma noꞌtunyuni, neꞌfwi.»

Yeremiya 9:10

Nahano adetaga kwokuno: «Akaaya keꞌYerusaleemu, ngakagira bibe biguuka, gunabe mushaka, halinde kanahinduke igomberano lyeꞌmirunga. Abandu ba mu twaya tweꞌBuyuda, ngabashaabula, halinde yutwo twaya tusigale tuzira bandu.»

Hezekyeri 38:20

Abandu booshi ba mu kihugo, mango bambanda kwaꞌmasu, bagayami lenga mweꞌkinyukura, kiri neꞌfwi, noꞌtunyuni, neꞌnyamiishwa, na íbiri mu yibulula. Imigazi yoshi igayihongoleka haashi, kuguma neꞌnzitiro, neꞌbibambaazi.

Yeremiya 9:9

Nie Yeremiya, ngweti ngabululukira imigazi, kiri neꞌndagiriro za mwiꞌshamba. Mukuba, byoshi keera byahangalala, ndaanaye úkiri mu bilenga mwo. Kiri neꞌngaavu, ndaazo ízikiri mu yana mwo. Byoshi keera byahera, kiri neꞌbitugwa noꞌtunyuni.