Yeremiya 38:9 - Kifuliiru

⁹ «E nahamwitu, balya bandu bagira ibikoleere. Keera balasha umuleevi Yeremiya mu kirimbi-rimbi. Na mu kano kaaya, ndaabyo byokulya íbikiri mwo. Angakengeera afwira mwo niꞌshali.»

Yeremiya 38:9 Referans Kwoze

Yeremiya 37:21

Kwokwo, mwami Zedekiya anakyulaga kwo Yeremiya abiikwe mu kisiika kyaꞌbalaliizi. Na ngiisi lusiku, akizi leeterwa umukate ukulyoka imwaꞌbadeesi baamwo, halinde ku lusiku imikate igaamala lwoshi mu kaaya. Kwokwo, Yeremiya anatuula mwomwo mu kisiika kyaꞌbalaliizi.

Yeremiya 52:6

Mu lusiku lwoꞌmwenda, lwoꞌmwezi gwa kana, mu kaaya keꞌYerusaleemu umwena mukayu gwanagunuuza mwo, halinde hatanaboneka kiri na íhyangaliibwa.

Hayubu 31:34

Ndali mu yiyigalira mu nyumba, mbu mbeere mwo kanyerere. Ndanayobohiri ukuyimanga imbere lyaꞌbandu, mbu bangakizi nvuka akahoogo.

Yeremiya 38:8

Uyo Hebeedi-Meleki anagendi hwehuka mwami, ti:

Yeremiya 38:10

Mwami, ti: «Mugirage mugendi múzuula mwo, átazi fwa. Mu bano bandu, utoole mwaꞌmakumi gashatu, munagendanwe.»

Kimombo 1:11

Abandu beꞌYerusaleemu, booshi bakola mu genda bagalooza byo bagaalya, iri banagongeera. Keera bakanatanga ibindu byabo byeꞌkishingo, mbu lyo babilonge, halinde bahembuluke. Banakola mu banda akashiba, ti: «E Nahano, utulolage kwo we kongwa! Si tukola mu negurwa bweneene!»

Kimombo 3:53

Emwe! Bakandibulira mu kishimo ngiri mugumaana, banatondeera ukundunda kwaꞌmabuye.

Yeremiya 19:9

«Abagoma ba kano kaaya, bagaaba bakasokaniini, gira bayite mwaꞌbandu. Ibyokulya byamwo, bigaamala. Kwokwo, abatuulaga baamwo bagatondeera ukukizi lya bagala baabo na banyere baabo, kiri naꞌbiira baabo.»

Yeremiya 39:17

E Hebeedi-Meleki! Ku lwolwo lusiku, ngakukiza. Yabo bandu, kundu bakuteeziri ikyoba, haliko ndagakubiika mu maboko gaabo.