Yeremiya 3:4 - Kifuliiru

⁴ Buno, mukola mu ndakira kwokuno: “E daata, uyamiri uli mwira witu ukulyokera ubwanuke bwitu.

Yeremiya 3:4 Referans Kwoze

Yeremiya 2:2

kwo ngendi menyeesa abatuulaga beꞌYerusaleemu, ti: «Ngi kengiiri kweꞌkyanya mwâli ki riiri nga muhya-kazi wani, mwâli nvitiirwi kwo bweneene. Mwâli njagalukiiri. Neꞌkyanya nꞌgamùleeza mwiꞌshamba, mwanakizi ngulikira, kundu ndaazo mbuto ízimeziri mwo.

Yeremiya 3:19

Nahano adetaga kwokuno: «E Bahisiraheeri, nâli toniri kwo nangamùgira nga muguma wa mu bagala baani. Nanganamùhiiri ikihugo kiija ngana-ngana, kinabe kya kahebuuza ukuhima ibindi byoshi íbiyimbwa ho. Nanashubi tona kwo mwangakizi mbuuza “E Daata”, na kwo mutagaki mbindulira ingoto.

Hosheya 2:15

Uyo mukazi, ngola ngamúhaniiriza. Mukuba, âli kizi yokera imigisi yoꞌmuzimu Baali umubadu. Anakizi yilimbiisa neꞌmbete, noꞌbuhembe, anatibitire imunda balya bakundwa baage. Si niehe, anayami nyibagira lwoshi-lwoshi!» Kwokwo, kwo Nahano adesiri!

Yeremiya 31:9

Ikyanya bagagaluka, bagayija bakola mu lira, iri banandabaaza. Ngabaleeza mu njira ígolosiri, hoofi noꞌtudota, bataganakizi siitara. Ee ma! Yabo Bahisiraheeri, nyamiri ndi yishe, Hifurahimu ye fula yani.»

Migani 2:17

Ali mu ba keera akasiga yiba, ishasha yage, anabe atatwaziizi ikihango kyo akanywana imbere lya Rurema.

Zaburi 71:17

E Rurema, wâli kizi nyigiriza ukulyokera ubusore bwani. Halinde na zeene, ngakizi menyeesa imikolezi yawe ya kahebuuza.

Malaki 2:14

Munagweti mugabuuza kwokuno: «Yago matuulo, kituma kiki ataki gayemeera?» Mukuba, kundu mukanywana ikihango mwe na mukaawe ku kyanya mwâli ki riiri misore, halikago Nahano akoli yiji ngiisi kwo keera ukamúyimula. Ee! Mukaawe, kundu muki yamiinwi, haliko, keera ukamúhemukira.

Yeremiya 2:27

«Yehee! Mugweti mugakizi baaja imigisi mu biti, munagibwire: “E waliha! We daata!” Neꞌmigisi yiꞌbuye kwakundi, munagibwire: “Ewe! We kambuta”. Aahabi! Ho mwangandoziri kwo, mukambindulira ingoto. Halikago, ikyanya muli mu longa amakuba, lyoki munayami ndakira, ti: “E maashi! Uyiji tukiza!”

Migani 1:4

Iyi migani igakizi tabaala ibizeeze, bakizi ba noꞌbwitegeereze. Kiri neꞌmisore bagaaba noꞌbumenyi, halinde banasobanukirwe.

Zaburi 119:9

Umusore, kuti gwangakizi tuula guli mweru? Kuli ku njira yoꞌkukizi simbaha Igambo lyawe.

Zaburi 71:5

E Nahano, we kandyosa mu nda ya maawe. Kyo kitumiri ngakizi kubiika kwoꞌmulangaaliro. Ukulyokera ubusore bwani, we ngweti ngayegamira, iri na nguyivuga.

Zaburi 48:14

Mukizi loleekeza ngiisi kwo bisikamiri. Na kwakundi, munakizi yitegeereza neꞌnzitiro zaako. Kwokwo, lyo mulonga ukuganuulira ábagaki yiji butwa kwokuno:

Malaki 1:6

Nahano woꞌbushobozi bwoshi, agweti agabwira abagingi baage kwokuno: «Umwana ali mu simbaha yishe. Umukozi naye, ali mu simbaha nahamwabo. Aahago! Kituma kiki mwehe mutagweti muganzimbaha? Si nie Yisho, na ndi nie Nahamwinyu! Kundu kwokwo, mugweti mugagayiriza iziina lyani, iri munanguumira, ti: “Yiri iziina lyawe, kutagi kwo tukaligayiriza?”

Yeremiya 31:22

E bahuni, mugagenderera ukuhabuka, halinde mangoki? Si mu kihugo, Nahamwitu agakoleesa igambo lihyahya. E ma! Abahisiraheeri bakolaga bagashubi hoobera Rurema wabo.»