Yeremiya 28:10 - Kifuliiru

¹⁰ Lyeryo, irya ngata yo Yeremiya âli shwesiri mwiꞌgosi, umuleevi Hananiya anagiyabiira, anagivuna.

Yeremiya 28:10 Referans Kwoze

Yeremiya 27:2

«Ewe! Uyabiire imigozi yoꞌluhu, neꞌbiti, unayilingaanize ingata nga yo bakizi shwekera ku ngaavu zoꞌkulimiisa, unagiyishwekere mwiꞌgosi.

Malaki 3:13

Nahano adetaga kwokuno: «Si keera mwanduka bweneene! Na niinyu, ti: “Kutagi kwo tukakutuka?”

Yeremiya 28:4

Na kwakundi, ulya Yekoniya mugala mwami Yoyakimu weꞌBuyuda, naye ngamúlyosa mu buja i Babeeri kuguma naꞌBayuda booshi ábakatwalwa. Neꞌkyanya ngamùlyosa mu bushobozi bwoꞌlya mwami weꞌBabeeri, atagaki mùkandamira.» Kwokwo, kwo Nahano adesiri.

Yeremiya 28:2

Nahano woꞌbushobozi bwoshi, Rurema waꞌBahisiraheeri, adetaga kwokuno: «Irya ngata ya mwami weꞌBabeeri, ngamùvungulira yo.

1 Baami 22:11

Mu yabo baleevi, muguma wabo, ye Zedekiya mugala Kinaana. Uyo Zedekiya âli mali yilingaaniza amahembe geꞌbyuma, anakizi deta: «Nahano adeta kwokuno: “Ku njira ya yaga mahembe, ugafutiiriza Abaharaamu, halinde banaminikwe lwoshi.”»

Yeremiya 37:19

Naꞌbaleevi baawe, hayagi bali? Si bali mu kizi lahira, mbu mwami weꞌBabeeri atangakuteera, mbu atanganateera kino kihugo!

Hezekyeri 30:18

Ikyanya ngayiji maliiriza ubushobozi bweꞌMiisiri, lyeꞌkihulu kigabwikira i Tapaneshi, gunali mwiꞌzuuba. Ikihugo kyeꞌMiisiri kigayidika mweꞌkihulu, abandu mu twaya twakyo banagwatwe imbira, banatwalwe i mahanga. Haaho, lyaꞌbandu beꞌMiisiri batagaki yikangaata hiꞌgulu lyoꞌbushobozi bwabo.