Yeremiya 20:12 - Kifuliiru

¹² E Nahano woꞌbushobozi bwoshi! We mu geza ábakwaniini. Uli mu loleekeza íbiyifundereziizi mu mitima yabo, kiri na mu menge gaabo. Kwokwo, ngoli yibiisiri imwawe, gira umbulanire. Yabo bagoma, lekaga mbone ngiisi kwo ugabayihoola.

Yeremiya 20:12 Referans Kwoze

Yeremiya 11:20

Kwokwo, nanahuuna Rurema: «E Nahano woꞌbushobozi bwoshi! Si uyamiri uli mu twa imaaja mu kati koꞌkuli, unali mu geza byaꞌbandu bafundereziizi mu mitima yabo, na mu nzaliro zaabo! Ku yukwo, ndoziizi mbonage ngiisi kwo ugabayihoola. Keera nayibiika mu maboko gaawe.»

Zaburi 62:8

Ubukize bwani noꞌlushaagwa lwani, bilyosiri imwa Rurema. Mukuba, ye gweti úganjuutira, ye na lwala lwani.

Zaburi 54:7

Ngiisi ábagweti bagambangaaniza, ubasheregeze mu mabi gaabo boonyene. Ugirage nga kwo ukalagaania, mu kubaminika.

Yeremiya 17:10

«Kundu kwokwo, niehe Nahano, imitima yaꞌbandu, ndi mu giloleekeza. Kiri neꞌnzaliro zoꞌmundu, ndi mu zigahiriza, ninamúhembe ukukulikirana na ngiisi kwo akakola.

Zaburi 59:10

E Rurema, we ngweti ngatibitira, unali mu mbeereza imisi. Kwokwo, ngulindiriiri.

Zaburi 139:23

E Rurema, ungahirize, halinde umenye íbindi mu mutima. Ungezagye, umenye ngiisi kweꞌnzaliro zaani zikoli hanamiri.

Zaburi 7:9

E Nahano, we riiri hiꞌgulu lya booshi. We nali mu twa imaaja zaꞌbandu booshi. Aahago! Bwo ndaabwo buhube mbiiti, undwirage imaaja mu kati koꞌkuli.

Yeremiya 17:18

Balya bandu, bagweti baganvindagaza. Aaho! Ubateezagye ishoni. Si ndabe nie ugaziteeza. Boohe, babe bo ugaleeza mweꞌkinyukura. Si ndabe nie gakilenga mwo! Balya bandu, ukizi bahaniiriza, unabazimiize lwoshi.

Hisaaya 37:14

Yago maruba, iri mwami Hezekiya akagalonga, anagasoma, anayami kwabadukira mu nyumba ya Nahano, anagayajuulira imbere lya Nahano.

Zaburi 17:3

Ngiisi íbiryagagi mu mutima gwani, ubiyiji bwija. Keera wandanduula bushigi, wanangera, wanabona kwo ndaabwo buligo úbundi mwo. Keera nꞌgahiga kwo ndagaahuba mu kudeta.

Zaburi 11:5

Nahano ali mu loleekeza ku bakwaniini. Haliko, banangora-mabi boohe, kuguma naꞌbiitani, ali mu bashombereza bweneene.

Bwigule 18:20

We igulu, ushambaalage! Mukuba, keera kashereera! Na niinyu mwe ndumwa, kuguma naꞌbaleevi, naꞌbandi bandu ba Rurema booshi, niinyu mushambaale kwakundi! Mukuba, kundu yako kaaya kâli kizi mùgirira amabi, haliko, keera Rurema akatwira ulubaaja hiꞌgulu lyago.

Bwigule 6:10

Iyo mitima yabo, yanateerera umulaga kwokuno: «E Nahano woꞌbushobozi bwoshi! Ulyagagi mweru, unali woꞌkuli. Aaho! Ugalindirira halinde mangoki ukatuyihoolere, mu kutwa imaaja zaꞌbandu beꞌkihugo? Si bo bakatuyita!»

Bwigule 2:23

Abakulikizi baage, ngabayita. Kwokwo, lyaꞌbandu ba mu mashengero gooshi bagaamenya kwo nie mu loleekeza íbiyifundereziizi mu mitima yaꞌbandu. Ngiisi muguma winyu, ngamúhemba ukukulikirana na ngiisi kwo âli kizi gira.

1 Peturu 4:19

Kwokwo, iri abandu bangalibuzibwa ukukulikirana noꞌbulooze bwa Rurema, bakwiriiri bayihangaane mu kukizi gira amiija. Banayisikiirize mu maboko gaage. Mukuba, ye kababumba, anali mwemeera.

1 Peturu 2:23

Ikyanya bakamútukiiriza, atanabashuvya ku bitusi byabo. Neꞌkyanya bakamúlibuza, atakabikirana ikikando. Si akayibiika mu maboko ga Rurema, bwo ye mu twa imaaja ku njira íkwaniini.

Yeremiya 12:8

Na kundu nâli mali batoola, haliko bakoli gweti bagandundumira, nga ndare za mu lubako. Kwokwo, ngoli bashombiri ngana-ngana!

Hisaaya 38:14

Nâli gweti ngaalira nga kalembe-rembe, iri na ngongeera nga ngunde. Ngoli luhiri bweneene, mu kukonolera amasu mwiꞌgulu. E Nahamwitu! Keera nashundeera ma! We kongwa we, undabaalage!

Zaburi 86:4

Ndi mukozi wawe, we na ngweti ngayihega kwo. Aaho! Ukizi njambaaza.

2 Kutondobola 24:22

Kwokwo, ulya Yehoyada, yishe wa Zakariya, kundu âli kizi girira Yohaashi amiija, haliko Yohaashi anagayibagira, anayitiisa mugala wage. Ikyanya uyo Zakariya âli kola bu fwa, anadeta: «E Nahano, uloleekeze ngiisi kwo bagweti bagaagira, unanyihoole.»

1 Samweri 1:15

Haana naye, ti: «E waliha, ndalalusiri. Ndaanayo divaayi yo nzi nywa, kandi iri ikindi kilalusa kyoshi. Si ngweti umwizingeerwe bweneene, na ngweti ngayereka Nahano íbigweti bigandibuza mu mutima gwani.

Zaburi 58:10

Rurema agayami baminika duba-duba, ukuhima kweꞌnyungu ziri mu longa ukuduuta ku muliro gweꞌshaali.