Yeremiya 2:5 - Kifuliiru

⁵ Mukuba adetaga kwokuno: «Bashokuluza biinyu, biki byo bakangayira, halinde bahabuke, banakizi gendi yikumba imigisi? Iyo migisi yabo, si ndaako kamaro ibahitiiri! Kiri na boonyene, si ndaako bahiiti!

Yeremiya 2:5 Referans Kwoze

2 Baami 17:15

Yabo Bahisiraheeri, ikyanya Rurema akagira mbu abayereke amategeko gaage, mu kubakengula, batanamútwaza. Kiri neꞌkihango kyo âli mali gwanwa agira na bashokuluza baabo, batanakitwaza. Si bâli kizi yidulumbika mu byeꞌmigisi, kundu iri tufwa-busha, halinde nabo boonyene banayiji ba tufwa-busha. Kundu Nahano akabakengula kwo batakizi kulikira imigeeza yeꞌbihugo íbyâli bazungulusiri, haliko byeyo-byeyo byo bâli kizi yifunda mwo.

Barumi 1:21

Yabo bandu, kundu bâli yiji-yiji Rurema, haliko batakamúhuuza kwo ye Rurema. Batanamútangira kongwa. Si nzaliro zaabo, zanaba za busha. Imitima yabo, yanahwijikala, yanayidika mweꞌkihulu.

Yona 2:8

E Nahano, iri nꞌgabonaga kwo ngola ngaafwa, nanakukengeera. Nanayami kutabaaza, kwo uli mu nyumba yawe ndaluule.

Zaburi 115:8

Haliibwi! Iyo migisi, ngiisi ábali mu gitula, si bagishushiri nyene! Kiri na ábagibiisiri kwoꞌmulangaaliro, nabo kwo na kwokwo.

Hisaaya 44:9

Ngiisi ábagweti bagabaaja imigisi, balyagagi tufwa-busha. Kundu bali mu gihuuza, si ndaako kamaro ko ibahitiiri. Ngiisi ábali mu gitangira ubumasi ziryagagi mbumi, banali bahwija. Yehee! Si bâye teezibwe ishoni!

1 Samweri 12:21

«Si imigisi, bwo iri mizira kamaro, yohe mukizi gitwikira kwo. Mukuba, itangamùgashaanira, itanganamùkiza. Si iri tufwa-busha naaho.

Bukengeeze 32:21

Ikyanya bakakolera imigisi yabo, itanali ye Rurema, lyo bakanvyula mwoꞌluugi. Bakandaakaza neꞌmigisi yabo ya busha-busha. Ku kasiisa, ngola ngagashaanira abandi bandu, halinde nabo bayuvwe uluugi. Emwe! Ngabayagaza, mu kugashaanira ugundi mulala, gunali muhwija.

Mikolezi 14:15

«E bashosi, lekagi maashi, mwe kongwa mwe! Si na nyiitu tuli bandu nga mwe! Tunali mu mùmenyeesa Imyazi Miija, gira mutwikire ku magambo mwene yaga ga busha-busha! Munabaagage bandu ba Rurema úli mugumaana. Si ye kabumba igulu, neꞌkihugo, neꞌnyaaja, na íbibiri mwo byoshi.

Yeremiya 2:31

Yemwe bandu ba zeene! Nie Nahano, nie wakyula. Aaho! Mundegage amatwiri. Ka ndi mu teera abandu ikyoba, nga úli mu lenga mwiꞌshamba, kandi iri ngeꞌkihugo íkiyidisiri mweꞌkihulu namudidi? Si muli baana baani! Aahago! Kituma kiki mugweti mugaadeta: “Leero buno, tugagenda ngiisi ho tuloziizi. Tutagaki kugalukira!”

Mataayo 15:8

“Yaba bandu, bagweti baganzimbaha ku tunwa naaho. Si imitima yabo, ikoli yisuuziri hala!

Hezekyeri 11:15

«E mwana woꞌmundu, mwe na beene winyu, naꞌbandi bo muyimbanwa kwo, kiri naꞌbandi Bahisiraheeri booshi ábatwazirwi imbohe, beene winyu ábaki sigiiri i Yerusaleemu bakola mu deta hiꞌgulu liinyu, ti: “Yabo, si bakoli riiri hala bweneene na Nahano! Aahago! Kino kihugo, twe keera tukakihaabwa, kwo bube buhyane bwitu.”

Yeremiya 14:22

Irya migisi yaꞌgandi mahanga, si itashobwiri ukuniesa invula! Ikyanyaanya kyonyene, kitangaginiesa. Si we Rurema Nahamwitu, we gweti úgakizi giniesa! Kwokwo, we tugweti tugabiika kwoꞌmulangaaliro.»

Yeremiya 12:2

Balya banabyaha booshi, si we kababyala, keera banayisa imizi bweneene! Keera banagangaala, banakola mu tongeka kweꞌbitumbwe. Utunwa, kundu tuli mu kudeta bwija, haliko mu mitima yabo, batakutwaziizi.

Yeremiya 10:8

Yabo banamigisi, booshi balyagagi bahwija, binali bizeeze. Ngiisi byo bali mu yigiriza, bishaaziri naaho mu migisi íri mu baajwa mu biti.

Hisaaya 29:13

Nahamwitu adetaga kwokuno: «Bano bandu bagweti bagaadeta kwo bali beꞌmwani. Kundu bali mu yigiraga mbu banzimbahiri, kuli ku tunwa naaho. Si imitima yabo ikoli yisuuziri hala! Ikyanya bali mu nyikumba, bali mu kulikira imihango naaho, yo bakayigirizibwa naꞌbandu.

Hisaaya 46:12

Si mwehe muli mindagabika! Munakoli yidulumbisiri mu bitali nga byo. Kundu kwokwo, munyuvwirize.

Yeremiya 2:4

Mwe milala yoshi yaꞌBahisiraheeri! Mwe beene Yakobo! Muyuvwe igambo lya Nahano.

Yeremiya 8:19

Yuvwagwi ngiisi kwaꞌbandu baani bakola mu lira, kiri na ábali mu mahanga. Bali mu buuza, ti: «Ka Nahano ataki tuuziri mu kaaya keꞌSayuni? Ee! Ye mwami wamwo! Ka atakiri mwo?» Nahano anashuvya: «Aahago! Kituma kiki bakandaakaza, mu kukizi yibaajira imigisi ya íbiri mu yikumbwa mu mahanga, inali ya busha-busha?»

Hezekyeri 14:5

«“Ha nyuma, abandu baani Abahisiraheeri, kundu bakanjanda, mbu bakizi yikumba imigisi, haliko, nie Nahano ngabashimya, halinde bashubi ngalukira.”