Yeremiya 2:23 - Kifuliiru

²³ «Kutagi mwangadeta, mbu: “Twehe tutali mu yikumba Baali. Ku yukwo, ndaakyo ikyaha tuhiiti.” Mutee genda mu ndekeera, lyo mubona ibyaha byo mwâli kizi girira mwo. Mulyagagi ngiꞌbuguma lyeꞌngamiya, írigweti ligahura-hura.

Yeremiya 2:23 Referans Kwoze

Yeremiya 7:31

Banagenda mu ndekeera ya mugala Hinoomu, i Tofeeti, banayubaka mwoꞌtutanda tweꞌkipagaani. Na ku yutwo tutanda, bali mu kizi yabiira abaana baabo boꞌbutabana na boꞌbunyere, banabasiriigize kwo, libe ituulo. Ibitalaalwe mwene yibyo, ndabihangwiri, ndanazindi tona mbu bagire kwokwo.

Migani 30:12

«Bali mu yibona boonyene kwo bali beeru, kiziga batali zaazi yeruusibwa ikikwi.

Barumi 3:19

Tuyiji kweꞌMaaja zidesiri imwa ábali mwiꞌdako lyazo, gira lyaꞌbandu booshi bakatwirwe ulubaaja imbere lya Rurema. Hataganaba umundu úgaaba niꞌgambo lyo agayifwongooza mwo imbere lyage.

Luka 10:29

Ulya mundu, analooza ukuyigira nga ye kwaniini imbere lya Rurema, kyanatuma agashubi buuza Yesu, ti: «Aahago! Uyo mutuulani wani, ali nyandi?»

Yeremiya 31:22

E bahuni, mugagenderera ukuhabuka, halinde mangoki? Si mu kihugo, Nahamwitu agakoleesa igambo lihyahya. E ma! Abahisiraheeri bakolaga bagashubi hoobera Rurema wabo.»

Yeremiya 9:14

Nahano woꞌbushobozi bwoshi, Rurema waꞌBahisiraheeri, ashubi detaga kwokuno: «Lolagi! Yabo bandu ngabaliisa ibyokulya bilulu, banakizi nywa naꞌmiiji ágali mwo kolobwe.

Yeremiya 3:2

Mutee legamira ku marango. Ka hali ho mutazindi yiyulubaza neꞌmizimu? Si mugweti mugalindirira abashule ku butambi bweꞌnjira! Muli ngoꞌMuharaabu úteziri abandu mwiꞌshamba. Na bwo muli mu higula mu bushule, keera mwayulubaza ikihugo.

Migani 30:20

Imikolezi yoꞌmukazi mushule yo yeyi: Ikyanya ali mu yusa ukulya, ali mu yihotola ku kanwa, anadete: «Ndaabwo buhube nakola.»

Migani 28:13

Ngiisi úli mu bisha amahube gaage, atangagenduukirwa. Si ngiisi úli mu gayilega, anagatwikire kwo, yehe agaakogwa.

Zaburi 50:21

Birya byoshi, ikyanya wâli kizi bigira, nâli yihulikiiri. Aahago! Ka kyo kitumiri ukoli toniri kwo ndi nga we? Nanga, maashi! Si buno, ngakukanukira ngana-ngana! Na ngulegeereze ku bweranyange.

Zaburi 36:2

Banangora-mabi batayobohiri Rurema. Si ibyaha biri mu bahwehweteza mu mutima gwabo.

Hesiteeri 8:16

Abayahudi, iri bakayuvwa kwokwo, banalonga mwoꞌlushaagwa, banashambaala bweneene mu kati koꞌbusiime.

Yeremiya 2:36

«Kutagi muli mu hindula-hindula imitono? Aahago! Kiri naꞌBamiisiri bagamùteeza ishoni, nga kwaꞌBahasuriya keera bakamùteeza zo.

Yeremiya 14:10

Nahano adetaga kwokuno hiꞌgulu lyaꞌbandu baage, Abayuda: «Si mukuuziri ukugenda mugahabuka-habuka, mutanali mu yihangirira! Ngi kengiiri ngiisi kwo mukoli bihuusiri. Na buno, ndagaki mùyakiira kwo muli bandu baani. Si ngola ngamùhana ngana.»

Yeremiya 16:10

«Yabo bandu, ikyanya ugababwira kwokwo, hali ikyanya bagakubuuza: “Aahago! Kituma kiki Rurema Nahamwitu akoli higiiri kwo atuyogogoze? Mahube maki go twagira? Kyaha kikagi kyo tukoziri imbere lyage?”

Hosheya 1:2

Ino ndumwa, ikyanya Nahano akatondeera ukugimenyeesa mu Bahisiraheeri ku njira ya Hosheya, anamúbwira kwokuno: «Ugendi yanga umukazi mushule, gira akubutire abaana boꞌbushule. Mu kugira kwokwo, ugayerekana ngiisi kwaꞌBahisiraheeri nabo bakayigira bashule, mu kunjandagira nie Nahano, banakizi yikumba ibindi íbiri mu yikumbwa.»