Yeremiya 2:19 - Kifuliiru

¹⁹ Aahago! Keera mukabihuuka, munakoli ba banangora-mabi. Kwokwo, mukolaga mugaahanwa, gira mulonge ukuyiga. Kundu nie Rurema Nahamwinyu, si keera mukanjanda, mutanaki nzimbahiri. Kyo kitumiri mukayikululira ubuhanya, mwanayingira mu makuba. Kwokwo, kwo nie Rurema Nahamwinyu woꞌbushobozi bwoshi ndesiri.

Yeremiya 2:19 Referans Kwoze

Hisaaya 3:9

Ikyanya umundu ali mu lola ku malanga gaabo, anayami menya kwo bakoli yifuuziri mu byaha. Birya byaha, batali mu bibisha abaabo. Na bwo batali mu bibisha, bakola nga bandu beꞌSoodoma. Yayewe imwabo! Si bongwa bagweti bagayikululira umwama!

Yeremiya 4:18

«E Bayuda, si kino kihano kimùkayiri bweneene, kinali mu mùsiriiza mu mitima! Yikyo kihano, íbitumiri kigakoleka imwinyu, bwo mukiri mu gira íbitali nga byo.»

Yeremiya 2:17

E Bahisiraheeri, yubwo buhanya bwoshi, ka mutali mwe mukabuyikululira, mu kunjanda? Keera mukanjanda, na ndi nie Rurema Nahamwinyu. Nie wâli kizi mùrongoora mu njira íkwaniini.

Zaburi 36:1

Imwoꞌmwimangizi waꞌbimbi. Izaburi ya Dahudi, umukozi wa Nahano.

Hosheya 5:5

Balya Bahisiraheeri, beene Hifurahimu, ikyanya bali mu gira ibyaha, bali mu kizi yikangaata bweneene. Binali byebyo byaha, byo bitumiri bali mu siitara. Kiri naꞌBayuda nabo, bagweti bagasiitara nga bo.

Hamoosi 8:10

Isiku ziinyu ngulu, ngazihindula, zibe za kigandaaro. Na kundu muli mu yimba ku kisegengo, halikago mukola mugaalira ku kimombo. Mugayambala ibyambalwa byeꞌkigandaaro. Na bwo mugaaba mukoli jengiirwi, mugakunguula amatwe giinyu. Ku yikyo kigandaaro, mugaaba nga úwafwirwa neꞌkininga. Ulusiku lwoꞌkushibuuka, mugajengeerwa ngana-ngana!»

Hosheya 11:7

Abandu baani keera bakahiga kwo banjande. Kundu bali mu kizi deta kwo nie riiri hiꞌgulu lya byoshi, haliko ndaaye úli mu mbeereza ulushaagwa mu kati koꞌkuli.

Yeremiya 5:6

Kyo kitumiri indare mu kishuka zigakizi yiji bateera. Kiri neꞌmirunga ikolaga igakizi yiji basimbukira kwo. Ingwi zikoli bateziri ha nyuma lyaꞌkaaya. Ikyanya umundu ali mu gira mbu ahuluke, zinayami mújanganula. Na íbitumiri biryagagi kwokwo, bwaꞌBayuda bâli kizi yifunda mu byaha, banakizi huna imbere lya Nahano.

Barumi 3:18

«Noꞌkuyoboha Rurema, kutabali mwo.»

Zakariya 7:11

Bashokuluza biinyu, bâli kizi lahira ukunyuvwa. Bakambeereza ingoto, iri banaziba amatwiri gaabo, gira batayuvwe.

Hosheya 14:1

Abatuulaga beꞌSamariya bakahuba, banayiyogookola Rurema wabo, kyanatuma bagaahanwa. Bagayitwa ku ngooti. Naꞌbaana baabo, bagahondwa-hondwa. Na bamaawe ábakoli hiiti inda, bagabunduulwa amabunda.

Yeremiya 8:5

Aahago! Yaba bandu beꞌYerusaleemu boohe, kutagi keera bakajanda injira ítungiini? Si bakola mu vujuuka mu binyoma, iri banalahira kwo batagangalukira.

Hosheya 4:16

Mukuba, yabo Bahisiraheeri bakola mindagabika, nga ngaavu yeꞌnjuuke. Aaho! Kutagi kandi kwo Nahano angaki baragira, nga bibuzi mu ndaraara yoꞌmuyonga?

Yeremiya 5:22

Nahano adetaga kwokuno: «Ku kasiisa, mukwaniini mukizi nzimbaha, munakizi juguma imbere lyani. Si nie nꞌgabiikira inyaaja umushenyu, lube lubibi lwayo! Yulwo lubibi, lunayamiri ho imyaka neꞌmyakuula. Neꞌnyaaja itangalutaluka. Kundu imidunda yangalupukula-pukula, itangalubalala. Na kundu yangakundula, itangalusooka.

Yeremiya 3:22

Yohoo, e baana bahemu! Mungalukirage ngana, halinde nimùkoge.» Abandu banashuvya, ti: «We Rurema Nahamwitu. Ku yukwo, tukolaga tugakugalukira.

Hisaaya 50:1

Nahano adetaga kwokuno: «Ka nꞌgamùguza mu buja, lyo ndiha imyenda? Nanga! Ka nyoko atakiri ho, mbu bwo nꞌgamúyimula, mu kumúyandikira amaruba goꞌkumúlahira? Nanga, maashi! Yago maruba, iri gangaba gali ho, muganyereke. Si mwehe, íbitumiri mukaguzibwa, biri hiꞌgulu lyeꞌbyaha biinyu. Kiri na nyoko, naye akayimulwa hiꞌgulu lyoꞌbuhuni bwinyu.

Hisaaya 5:5

«Iyo ndalo yani, buno ngolaga ngamùbwira ngiisi kwo ngagigira. Ngahongola inzitiro zaayo, halinde inasherebere, naꞌbandu banakizi gilibata-libata mwo.

Migani 5:22

Nangora-mabi ali mu gwatwa mu mabi gaage yenyene. Yago mabi, iri migozi yoꞌkumúzirika lwoshi.

Migani 1:31

Na bwo mwâli kizi yifunda mu mabi, leero mwayikululira umwama. Bwo mwâli kizi shungikira abandi amagambi, buno mwenyene mwe mugakizi galongaga.

Migani 1:32

Ikyanya abahwija batali mu yuvwa, bali mu yitwa. Na bwo batali mu yitonda, bali mu shereezibwa.

Yeremiya 5:24

Si mutali mu deta, ti: “Rurema Nahamwitu ye mu tuniekeza invula ku kyanya íkikwaniini, iba ya mbere kandi iri yaꞌmakamuuka. Neꞌkyanya kyoꞌkuyimbula, ye gweti úgakizi tuheereza imimbu. Ku yukwo, bitukwiriiri tukizi múyoboha.”

Hezekyeri 39:24

Bwo bâli bihuusiri, banakizi gira neꞌbitalaalwe, kyanatuma ngabahindulira ingoto.

Hosheya 7:2

Yabo bandu batayiji kwo ngweti ngabalangiiza. Si ibyaha byabo, bikoli bazungulusiri. Ee ma! Ngiisi byo bagweti bagaagira, ngoli bibwinagi.»

Hosheya 13:9

«E Bahisiraheeri, si mukola mugashereezibwa! Kundu nie mutabaazi winyu, haliko nienyene nie gamùshereeza.

Mika 1:5

Na íbitumiri biri kwokwo, bwaꞌBahisiraheeri, beene Yakobo bagweti bagaagira ibyaha. Ee! Biri hiꞌgulu lyeꞌbyaha byeꞌkihugo kyabo kyoshi. Aaho! Nyandagi útumiri Abahisiraheeri bakahuna? Ka batali bandu ba mu kaaya kaabo kahamu keꞌSamariya? Abayuda nabo, bagweti bagayikumbira imigisi hayi? Ka mutali mu kaaya kaabo keꞌYerusaleemu?

Kulyoka 33:6

Kwokwo, yabo Bahisiraheeri banashaaza inooro zoꞌkuyilimbiisa mwo, batanaki ziyambala.

Batwi beꞌmaaja 10:13

Kundu nꞌgamùkiza, mwanashubi njanda, mwanakizi kolera ibindi-bindi íbiri mu yikumbwa. Ku yukwo, ndagaki shubi mùkiza.

1 Baami 18:18

Hiriya anashuvya kwokuno: «Ndali nie washundeeza Abahisiraheeri. Si wehe, kuguma neꞌmbaga ya yisho, mwe mubashundeziizi! Si mukoli gayiriziizi imaaja za Nahano, munagweti mugayikumba umugisi Baali.

2 Kutondobola 12:5

Ha nyuma, umuleevi Shemaya anagwana mwami Rehobwamu naꞌbakulu beꞌBuyuda. Bâli puumukiiri i Yerusaleemu, mu kutibita ulya Shishaki. Uyo Shemaya anabamenyeesa kwo Nahano adetaga kwokuno: «Keera mukanjanda. Ku yukwo naani, namùbiika mu maboko goꞌlya Shishaki.»

2 Kutondobola 21:10

Ukulyokera ku yulwo lusiku, abandu beꞌHedoomu banahuna ku butwali bweꞌBuyuda, halinde zeene. Ku kyekyo kyanya, abatuulaga beꞌRibuna nabo banahuna. Bikaba kwokwo, bwo Yoramu âli mali janda Nahano, Rurema wa bashokuluza baage.

2 Kutondobola 25:16

Uyo muleevi, mbu abe akiri mu múganuuza, Hamaziya anamúlongooza, ti: «Hulika! Nyandagi úkakubiika kwo ukizi hanuula mwami? Ka uloziizi kwo tukuyite?» Uyo muleevi, kundu akaleka ukumúhanuula, haliko anadeta: «Nyiji kwo Rurema akoli shungisiri kwo agakuyita. Mukuba, keera wakola yaga mabi gooshi, wanalahira ukunyuvwiriza.»

Yeremiya 1:16

«Yabo Bahisiraheeri keera bakanjanda. Banakola mu yokera imizimu umubadu, iri banayikumba imigisi, kundu yibyo byoshi, boonyene bo bakagibaaja naꞌmaboko gaabo. Ku yukwo, ngola ngabatwira ulubaaja hiꞌgulu lya yago mabi gooshi go bali mu gira.

Yeremiya 7:19

Kundu kwokwo, ndali nie bagweti bagaraakaza ma! Si bali mu yihigulira boonyene.» Kwokwo, kwo Nahano adesiri.

Yeremiya 13:22

Hali ikyanya mwangayibuuza, ti: “Yibi byoshi, kituma kiki bikola mu tuhikira?” Íbitumiri biri kwokwo, bwo mukoli yifuuziri mu byaha. Kyo kitumiri bakola mu mùkaturura imirondo, banamùgumbiire.

Hezekyeri 23:30

bwo bugakuleetera go. Mukuba, wâli kizi gira ubushule neꞌbinyamahanga, halinde wanayiyulubaza, mu kuyikumba imigisi yabo.

Hosheya 9:1

E Bahisiraheeri! Mutakizi shambaala, mutanakizi banda akabuuli, nga kweꞌbinyamahanga biri mu gira. Si mutali bemeera imwa Rurema winyu! Si keera mukayiguliisa, gira mubaagage bashule. Musiimiri bweneene ukuhembwa ha ngiisi kiyeluuliro hiꞌgulu lyoꞌbushule bwinyu.