Yeremiya 2:11 - Kifuliiru

¹¹ Aahago! Ka hali abandu ábakagomboola imigisi yabo, mbu bayabiirage igindi? Aahabi! Iyo migisi, abandu batangagigomboola kundu yoshi iri ya busha-busha! Halikago abandu baani boohe, keera bakanjanda, na ndi nie mwene ubulangashane. Bagweti bagakizi yikumba imigisi, kundu ndaako kamaro ihiiti.

Yeremiya 2:11 Referans Kwoze

Barumi 1:23

Yabo bandu bakaleka ukuhuuza Rurema, anali ye tâye fwe. Banakizi yikumba imigisi íkagirwa ku njusho yaꞌbandu, banali ba kufwa. Banakizi yikumba na íshushiini noꞌtunyuni, na íshushiini neꞌnyamiishwa, na íshushiini na íbiri mu yibulula.

Hisaaya 37:19

Bakaduulika imigisi yabo kwoꞌmuliro, banagijigiivya, bwo itâli riiri ye Rurema nirizina. Si yâli migisi naaho yaꞌbandu bakabaaja mu biti, na mu mabuye.

Yeremiya 16:20

Aaho! Kaꞌbandu bangayibaajira byoꞌkuyikumba? Nanga, maashi! Ibindu mwene yibyo, bitakwiriiri ukuyikumbwa.»

Zaburi 106:20

Ho bangahiiri Rurema ubulangashane, banagingika umugisi gweꞌkitugwa, kinali kya kuliisa ikishuka.

Mika 4:5

Ibinyamahanga, kundu bagweti bagakulikira imizimu yabo, haliko twehe tugakizi kulikira Rurema Nahamwitu, halinde imyaka neꞌmyakuula!

1 Bakorindo 8:4

Ikyanya imigisi iri mu tangirwa inyama, tuyiji-yiji kwo kitali kindu. Tuyiji na kwo ndaaye gundi Rurema, átali yolya muguma naaho.

Yeremiya 2:8

Mu bagingi nabo, ndaaye úkayisaliza, ti: “Kituma kiki tutakiri mu kulikira Nahano?” Kiri naꞌbigiriza beꞌmaaja, batâli nyiji. Abimangizi baꞌbandu, keera bakambindulira ingoto. Abaleevi baabo banakizi tanga ubuleevi kwiꞌziina lyoꞌmuzimu Baali, iri banayikumba imigisi, kundu ndaako kamaro ibahitiiri.»

Yeremiya 2:5

Mukuba adetaga kwokuno: «Bashokuluza biinyu, biki byo bakangayira, halinde bahabuke, banakizi gendi yikumba imigisi? Iyo migisi yabo, si ndaako kamaro ibahitiiri! Kiri na boonyene, si ndaako bahiiti!

Zaburi 115:4

Yibyo binyamahanga, si bali bandu ngana. Bali mu koleesa amaboko gaabo, mu kutula imigisi mu harija, na mu nooro.

Zaburi 3:3

Kwo bali bingi, bagweti bagambonyoleza, ti: «Honyo! Si Rurema atâye múkize!»

Bukengeeze 33:29

«E Bahisiraheeri, muhiriirwi! Keera mukakizibwa na Nahano. Aaho! Ka hali úli nga mwe? Akamùhaliza neꞌsiribo yage. Rurema, ali nga ngooti yoꞌkumùkingira. Abagoma biinyu, baganyerera imbere liinyu. Na mwehe, mwe mugaaba banahamwabo.»

1 Peturu 1:18

Mwehe, bashokuluza biinyu ba keera bakamùsigira ingesho za busha-busha. Kundu kwokwo, mukoli yiji kwo keera mukaguluulwa mu kati kaazo. Neꞌkyanya mukaguluulwa, kutanaba ku njira ya íbiri mu shereera, ngeꞌnooro, kandi iri harija.

Bagalatiya 4:8

Yaho keera, ku kyanya mutâli zaazi menya Rurema, mwâli ki riiri baja ba íbiri mu detwa kwo bamungu, bitanali ye Rurema nirizina.

1 Samweri 4:21

Ulya mwana wage, uyo muka Finehaasi anamúyinika iziina Hikaboodi, iri anadeta: «Ubulangashane bwa Rurema keera bwalyoka mu Bahisiraheeri.» Na íbitumiri akamúyinika yiryo iziina, bwaꞌKajumba ka Nahano kakagwatwa imbira, na bwo shevyala na yiba bakafwa.

2 Kutondobola 13:9

«Si keera mukayimula abagingi ba Nahano, balya boꞌmulala gwa Harooni, kiri naꞌBalaawi! Ha nyuma, mwanayibiikira abeꞌmwinyu mwenyene. Yohoo! Kwokwo, kwaꞌbapagaani beꞌmahanga bayamiri bali mu gira. Ngiisi úli mu yiji yiyeruusa imwinyu, anabe aleeta ishuuli neꞌbipanga birinda, ye muli mu yami gira abe mugingi wa íbiri mu yikumbwa, binali bizira kamaro.

Yeremiya 5:7

Nahano adetaga kwokuno: «E batuulaga beꞌYerusaleemu, kituma kikagi nangaki mùkejeerera? Si kiri naꞌbaana biinyu keera bakanjanda! Banakola mu kizi biika indahiro kwiꞌziina lyeꞌmigisi, itanakwiriiri ukuyikumbwa. Kundu nâli kizi mùheereza ngiisi íbyâli kizi mùgoora, halikago mwanakizi yifunda mu bushule. Mwanâli kizi shiiba mu nyumba zaꞌbashule.

Yeremiya 18:13

Nahano atubwiraga kwo tugendi buuza ibinyamahanga kwokuno: «Ibala lyaꞌBahisiraheeri bakagira, ka keera mukaliyuvwa? Si keera bakagira ibitalaalwe ngana-ngana!

Hezekyeri 5:7

Rurema Nahamwitu adetaga kwokuno: «Mwehe, muli mindagabika ukuhima abandu ábamùzungulusiri. Mutatwaziizi imaaja zaani. Kiri neꞌmaaja zeꞌbinyamahanga, nazo mutazitwaziizi.

Hezekyeri 14:5

«“Ha nyuma, abandu baani Abahisiraheeri, kundu bakanjanda, mbu bakizi yikumba imigisi, haliko, nie Nahano ngabashimya, halinde bashubi ngalukira.”

Bukengeeze 32:16

Abahisiraheeri bakamúvyula mwoꞌluugi, mu kuyikumba ibindi-bindi íbiri mu yikumbwa. Bakamúyagaza, mu kukizi biyikumba, binali bya kuyagazania naaho.

Bukengeeze 32:21

Ikyanya bakakolera imigisi yabo, itanali ye Rurema, lyo bakanvyula mwoꞌluugi. Bakandaakaza neꞌmigisi yabo ya busha-busha. Ku kasiisa, ngola ngagashaanira abandi bandu, halinde nabo bayuvwe uluugi. Emwe! Ngabayagaza, mu kugashaanira ugundi mulala, gunali muhwija.

1 Baami 11:33

«“Na íbitumiri ngaagira kwokwo, ku bwenge ulya Sulumaani keera akanjanda, anayikumba imizimu yeꞌmahanga: nga Hashitoreeti, umuzimu mukazi gwaꞌBasidooni, na Kemooshi umuzimu gwaꞌBamohabu, na Mirikomu, umuzimu gwaꞌBahamooni. Uyo Sulumaani akanyihindulira, anagira íbitali nga byo mu masu gaani. Atakasimbaha imaaja zaani, kandi iri mategeko gaani, nga kwo yishe Dahudi âli kizi bisimbaha.

2 Baami 1:3

Ikyanya yizo ndumwa zâli ki riiri mu njira, umuganda wa Nahano anayijira umuleevi Hiriya, weꞌTishibe, anamúbwira kwokuno: «Zirya ndumwa, ugendi ziyitangiira, unazibuuze: “Kituma kikagi mugweti mugagendera umuzimu Baali-Zebubu gweꞌHekurooni? Mu kihugo kyoshi kyaꞌBahisiraheeri, ka ndaaye Rurema úli mwo?”