Yeremiya 2:10 - Kifuliiru

¹⁰ Mutee jabukaga inyaaja, halinde mu kihugo kyeꞌKipuro, kandi iri mulungike abandu mu kyeꞌKedaari, balangiize. Mugendi sisa, iri igambo mwene yiri keera likaba.

Yeremiya 2:10 Referans Kwoze

Zaburi 120:5

Yayewe imwani! Si nduuziragi mu banakuhambwa beꞌMesheki, na mu maheema geꞌKedaari!

1 Bakorindo 5:1

Umwazi, keera gwakwira mu bandu, kwo mu kati kiinyu, muli ubushule. Noꞌbushule mwene yubwo, kiri naꞌbapagaani batangabuyifunda mwo! Mukuba, mu kati kiinyu, mulyagagi umundu úkoli tuuziri na muka yishe.

Danyeri 11:30

Mukuba, amashuba ukulyoka i Kitimu gagayiji múlwisa. Kwokwo, anagwatwe neꞌkyoba kingi, anagaluke inyuma, akoli rakiiri, anashubi teera abandu ábakanywana ikihango na Rurema. Na ngiisi ábagakihongola, anabahembe.

Hezekyeri 27:6

Banagatwira ibiti byeꞌmyalooni ukulyoka i Bashaani, bakizi gashooja mwo. Banabereesa neꞌmbahwa mu biti byeꞌshindano za mu kalira keꞌKipuro, banazilingaania mweꞌbitumbi byoꞌkubwatala kwo, banabilimbiisa naꞌmahembe geꞌnjovu.

Hisaaya 21:16

Nahano akambwira kwokuno: «Akaaya keꞌKedaari, ikyanya kagaahisa umwaka muguma naaho, ubulangashane bwako bugaamala. (Yugwo mwaka, guli nga gwo bangalagaania umukozi imbembo.)

1 Kutondobola 23:12

Uyo Kohaati, bagala baage bâli bana. Hamuramu, na Hishaari, na Heburooni, na Huzyeri.

1 Kutondobola 23:1

Uyo Mwami Dahudi, ikyanya âli kola mushaaja kongotwe, anayimika mugala wage Sulumaani, abe mwami waꞌBahisiraheeri.

1 Kutondobola 1:7

Bagala Yavaani, bâli Herisha, na Tarasisi, na Kitimu, na Rodanimu.

Batwi beꞌmaaja 19:30

Ngiisi booshi ábakabona kwokwo, banadeta: «Ibala mwene yiri, litazindi boneka, ukulyokera ku lusiku lwaꞌBahisiraheeri bakalyoka mu kihugo kyeꞌMiisiri, halinde zeene. Aaho! Tulihanuulane kwo. Ka ndaabyo twangagira?»

Muharuuro 24:24

Amashuba gagalyoka i Kitimu, ganayiji teera i Hashuuri neꞌHebeeri. Kundu kwokwo, mu kugaluka, nabo bagashereezibwa lwoshi.»

Ndondeko 25:13

Naꞌmaziina gaꞌbaana ba Hishimaheeri, ukukulikirana na kwo bakabutwa, go gaaga: Ifula, Nebayoti. Hanakulikira Kedaari, na Hadibeeri, na Mibusamu,

1 Baami 9:9

«Abandi, ti: “Biri kwokwo, bwo keera bakajanda Nahano Rurema wabo, anali ye kashaaza bashokuluza baabo mu kihugo kyeꞌMiisiri. Banayibiika ku mizimu, banakizi giyikumba, iri banagikolera. Kyo kitumiri Nahano abaleetera yubwo buhanya.”»

Hisaaya 23:12

Nahano akadeta: «E bandu beꞌSidooni, si keera mwasherebera, mutanâye ki shambaale! Mukolaga nga munyere úwagumbiirwa. Kundu mwangakoli jabukira i Kipuro, haliko mutagalonga ho mugaluhuukira.»

Yeremiya 49:28

Mwami Nebukandeneza weꞌBabeeri akahima beene Kedaari. Kiri neꞌbihugo byeꞌHazoori âli bitwaziri. Yibyo bihugo, Nahano adetaga hiꞌgulu lyabyo kwokuno: «Yabo bandu beꞌKedaari, batuuziri uluhande lweꞌsheere. Aaho! Mugendi bateera, munabazimiize.

Hezekyeri 5:7

Rurema Nahamwitu adetaga kwokuno: «Mwehe, muli mindagabika ukuhima abandu ábamùzungulusiri. Mutatwaziizi imaaja zaani. Kiri neꞌmaaja zeꞌbinyamahanga, nazo mutazitwaziizi.

Danyeri 11:18

«“Ha nyuma, anateere agandi mahanga ágali ku ngombe yeꞌnyaaja, anahime amingi gaago. Kinatume agayikangaata. Kundu kwokwo, ikirongoozi kiguma kyaꞌbasirikaani kigamúhima, halinde anagaluke neꞌshoni.

Hisaaya 23:1

Ino ndumwa iri hiꞌgulu lyaꞌkaaya keꞌTiiro. Mwe beene amashuba ágalyosiri i Tarasisi! Mugire mulire ku kimombo. Si ibyambu byeꞌTiiro keera byashereezibwa! Yako kaaya kakola mushaka. Iyo myazi, mukatee giyuvwa mu kihugo kyeꞌKipuro, inali yoꞌkuli.

Hezekyeri 16:16

Irya mirondo yo nꞌgakuheereza, wanayabiiraga miguma, wanagikoleesa mu kulimbiisa uluheero lwoꞌkuyikumbira mweꞌmigisi. Haaho, ho wâli kizi girira ubusambani bwawe. Ibala mwene yiryo, litakwiriiri ukukoleka.

Hezekyeri 27:21

Abaharaabu naꞌbatwali booshi beꞌKedaari, mwâli kizi dandalizanwa. Bâli kizi kuleetera ibyanabuzi, neꞌbipanga, neꞌmbene.