Yeremiya 18:21 - Kifuliiru

²¹ «Ku yukwo, ulekage abaana baabo bafwe niꞌshali. Nabo boonyene, uleke abagoma baabo babayite neꞌngooti. Bakaabo bafwirwe naꞌbaana, kiri na bayiba! Abashaaja bafwe neꞌkiija, neꞌmisore iyitwe ku ngooti mwiꞌzibo.

Yeremiya 18:21 Referans Kwoze

Hamoosi 4:10

Nanamùbiika mweꞌbihano, nga kwo nꞌgabibiika mu Bamiisiri kare. Nanaminika imisore yinyu mwiꞌzibo. Neꞌfwarasi ziinyu ziꞌzibo, nanaleka zitwalwe. Ibaya lyeꞌbirunda, nanaleka limùdugiirize. Kundu kwokwo mutakangalukira. Kwokwo, kwo nie Nahano ndesiri.

Kimombo 5:3

Bwo badaata batakiri ho, tukolaga fuuvi. Kiri na bamaawe, nabo bakola banamufwiri.

Yeremiya 15:8

Bwaꞌbashosi bakola bagayitwa, banamufwiri bagaluguuka ukuhima umushenyu kwiꞌbuga. Ngayitiisa kiri neꞌmisore ku kyanya bakiri bikalage. Kwokwo, banyina bagashenguka, iri banabululuka.

Yeremiya 9:21

«E Yeremiya, ubwire abandu kwo Nahano adetaga kwokuno: “Ibirunda byaꞌbandu, bikoli lambamiri bwalaafwe. Biryagagi nga nagiira íyafukwa mu ndalo. Binakoli lambamiri nga mihuli yeꞌngano, ndaanaye mundu woꞌkugikuumania.”»

Bukengeeze 32:25

Abaana baabo, bagayitirwa mu mitalimbwa. Booshi mu nyumba, bagahuumirwa, banahole. Imisore, imitabana neꞌminyere, igahuumirwa, kuguma naꞌbaana ábakiri mu yonga, kiri naꞌbashaaja.

Kulyoka 22:24

«Umundu wani umukeni, iri wangamúkaaba ifwaranga, utakizi ba nga umúkaabiri, utanakizi múhuuna ubunguke.

2 Timoteyo 4:14

Halegizandere, ulya mutuzi weꞌmiringa, akangirira buligo bweneene! Nahano agaki múhaniiriza ngana.

Yeremiya 12:3

E Nahano, uyiji-yiji ngiisi byo ndi mu tona mu mutima gwani, unali mu kizi bigeza. Aahago! Yabo banangora-mabi, ubayobore, nga bibuzi íbigagendi tongeerwa. Ee! Ubahandule, unabalindirize ku kyanya bagayitirwa kwo.

2 Kutondobola 36:17

Nahano anabiika abandu baage mu maboko ga Nebukandeneza, mwami waꞌBakalidaayo. Ulya mwami, anaminika imisore yabo ku ngooti, kiri na mu nyumba ya Rurema. Ndaanaye mundu ye akakejeerera, aba mushosi, kandi iri mukazi, aba mwana, kandi iri mushaaja.

1 Samweri 15:33

Haliko ulya Hagagi, Samweri anamúbwira: «Wehe, wâli kizi koleesa ingooti mu kuyita abaana, unabasigiise banyina. Kwokwo naawe buno, nyoko akola agaabula umwana wage.» Haaho i Girigaali, Samweri anatenga-tenga Hagagi imbere lya Nahano.

Zaburi 63:10

Kundu abandu bangaba baloziizi ukunyita, haliko bagashereezibwa naaho, banalindimulirwe i nakwere.

Hisaaya 9:17

Ikyanya abandu bagweti bagaagira amabi, gali mu ba nga muliro. Guli mu tee singoola imigenge, gunabuli yigwima mu biti bihamu, halinde ikyusi kinanunge bweneene mu kyanyaanya.

Hisaaya 13:18

Si abasirikaani baabo bagakoleesa imyambi mu kuyiji yita imisore. Batanakizi kejeerera utulenge, kandi iri abaana.»

Yeremiya 14:16

«Kiri naꞌbashosi ábali mu yuvwa ubuleevi bwabo, nabo bagaafwa nyene, ku kiteero, na niꞌshali. Yabo bashosi, ibirunda byabo bigakabulirwa mu njira zeꞌYerusaleemu, kiri neꞌbirunda bya bakaabo, neꞌbyaꞌbaana baabo boꞌbutabana na boꞌbunyere. Galya mahube gaabo, ngabahana hiꞌgulu lyago.

Yeremiya 15:7

Abandu baani, ngola mu bayeluula, iri na mbashabulira hala naꞌmarembo gaabo. Kundu balyagagi bandu baani, haliko batazi janda ibyaha byabo. Kwokwo, ngabashereeza, na ndyose abaana baabo.

Yeremiya 50:30

Ku yukwo, imisore yabo igayitirwa mu njira. Abasirikaani baabo booshi, bagaminikwa ku lwolwo lusiku luguma.» Kwokwo, kwo Nahano adesiri.

Kimombo 1:15

Kundu njubi hiiti indwani zaani, haliko Nahano keera akazinenuuka. Akabwira ikiso kihamu kyaꞌbagoma, kwo bayiji minika imisore yani. Bâli kizi hinyata-hinyata akaaya kaage kakunde, nga kwoꞌmundu ali mu vunga ikikafi kyeꞌmizabibu mu kikandiro.

Hezekyeri 16:38

Ha nyuma, na nguhaniirize mu kukuyita, nga kulya abakazi ábahongola ubunyumba bali mu hanirizibwa, kandi iri abiitani. Na íbitumiri ngakuyita, bwo ngoli kurakariiri, keera nanateerwa noꞌluugi.

Hezekyeri 22:25

«Abatwali baꞌBahisiraheeri bali nga ndare íri mu genda igalunduma. Neꞌkyanya iri mu gwata inyamiishwa, iri mu yami gijanganula. Si yabo batwali bagweti bagakizi yitana, iri banashahula ibindu bya beene! Banasige kiri naꞌbakazi bingi bakola banamufwiri.

Zaburi 63:11

Bagayitwa ku ngooti. Neꞌbirunda byabo, binaliibwe na banyambwe.

Hisaaya 9:16

Yabo booshi, bakoli bihuusiri, banakoli yifuuziri mu bitalaalwe, banakola mu deta íbitali nga byo. Kyo kitumiragi Nahano ataki shambaliiri imisore yabo. Kiri neꞌfuuvi zaabo, na banamufwiri baabo, atakiri mu bakejeerera. Kundu kwokwo, ubute bwage butazi hooha. Aki bangwiri ukuboko kwage, mu kulooza ukuhana abandu baage.