Yeremiya 18:13 - Kifuliiru

¹³ Nahano atubwiraga kwo tugendi buuza ibinyamahanga kwokuno: «Ibala lyaꞌBahisiraheeri bakagira, ka keera mukaliyuvwa? Si keera bakagira ibitalaalwe ngana-ngana!

Yeremiya 18:13 Referans Kwoze

Yeremiya 5:30

«Yabo Bayuda, ikihugo kyabo kiyijwiri ibitalaalwe, binali bya kuyagazania.

Hosheya 6:10

«Mu kihugo kyeꞌHisiraheeri, keera nꞌgabona amagambo geꞌkisoomeza. Mwe beene Hifurahimu! Si mugweti mugayiyulubaza nga bashule, mu kuyikumba imizimu!

Yeremiya 23:14

Kundu kwokwo, abaleevi beꞌYerusaleemu, yo haahe! Boohe, bagweti bagakizi shuleha, iri banadeta ikinyoma. Na kwakundi, bali mu shimya banangora-mabi, kwo nabo bakizi kiyifunda mwo. Ndaanaye úli mu kitwikira kwo. Yabo booshi, bakolaga nga bandu beꞌSoodoma, naꞌbeꞌGomora.»

Hisaaya 66:8

Kwo na kwokwo, ndaaye mundu úkabona kweꞌkihugo kyangatondeera ku lusiku luguma naaho. Kiri noꞌmulala, ka gwangatondeera ku liguma? Nanga! Halikago i Yerusaleemu, yo igatondeera ku lwolwo lusiku luguma. Aahago! Amagambo mwene yago, ka keera mukagayuvwa? Ka keera mukanagabona? Ku kyanya i Sayuni ikiri mu tondeera ukuyuvwa umukero, lyeryo ngana, igayami buta.

Yeremiya 31:4

E Bahisiraheeri! Ngashubi mùyubakulula, halinde munabe kaaya ákalimbiri. Mugashubi yabiira zirya ngoma ziinyu, munagendi shambaalira kuguma naꞌbandi, iri munatamba.

Yeremiya 14:17

E Yeremiya, ugendi bwira Abayuda kwokuno: “Ku kasiisa, muli bandu baani, ninamùkuuziri. Kundu kwokwo, keera mukanyanyagwa haashi, munakola bu fwa. Ala nie! Ngakizi mùlirira ubwakya-ubwayira. Ee! Imigenge yani, itagakama.

1 Bakorindo 5:1

Umwazi, keera gwakwira mu bandu, kwo mu kati kiinyu, muli ubushule. Noꞌbushule mwene yubwo, kiri naꞌbapagaani batangabuyifunda mwo! Mukuba, mu kati kiinyu, mulyagagi umundu úkoli tuuziri na muka yishe.

Kimombo 1:15

Kundu njubi hiiti indwani zaani, haliko Nahano keera akazinenuuka. Akabwira ikiso kihamu kyaꞌbagoma, kwo bayiji minika imisore yani. Bâli kizi hinyata-hinyata akaaya kaage kakunde, nga kwoꞌmundu ali mu vunga ikikafi kyeꞌmizabibu mu kikandiro.

Hisaaya 36:22

Ha nyuma, Heryakimu mugala Hirikiya, umwimangizi waꞌkajumiro, na Sebuna, umwandisi wa mwami, na Yoha mugala Hasafu, umwandisi wa íbikakoleka, banagendera mwami Hezekiya. Yabo booshi, bâli koli datwiri imirondo yabo hiꞌgulu lyoꞌmwizingeerwe. Amagambo gooshi goꞌyo mukulu waꞌbasirikaani, banagendi múganuulira go.

1 Samweri 4:7

banatondeera ukuyoboha, iri banadeta kwokuno: «Yayewe! Hali umuzimu mulebe, úgwayingira mu shumbi yabo. Ulwitu leero lwahikaga! Si igambo mwene yiri, litazindi ba ho!

Yeremiya 18:14

Ulugungu lwa ku migazi yeꞌLebanooni, ka lwâye nyote, lunabe lwamala? Aahabi! Kiri naꞌmiiji ágali mu hinga mwiꞌyo migazi, gatangakama.

Hamoosi 5:1

E Bahisiraheeri! Muyuvwirize bwija yulu lwimbo lwani lweꞌkigandaaro: Muyuvwagwe ngiisi kwo ngweti ngamùganyira.

Hamoosi 5:2

Abahisiraheeri, kundu bashubi nonosiri, halikago, keera bayibumbulika haashi, bataganaki yivyula. Bakolaga ngoꞌmunyere keera úwahola, ndaanaye woꞌkumútabaala avyuke.