Yeremiya 16:4 - Kifuliiru

⁴ Baguma, ikiija kigabaminika. Ndaanaye úgabalirira, kandi iri kubaziika. Abandi bagayitwa mwiꞌzibo, kandi iri kwiꞌshali. Ibirunda byabo, bigaaba mijande-mijande nga nagiira. Bigayiji liibwa noꞌtunyuni, neꞌnyamiishwa.»

Yeremiya 16:4 Referans Kwoze

Yeremiya 25:33

Ku kyanya Nahano agaminika abandu, ibirunda byabo bigashaabukira i bulambo, binalambikwe hooshi mu kihugo nga nagiira. Ndaanaye úgabikuumania, ndaanaye úgabalirira, mbu abiziike.

Zaburi 83:10

Aaho! Ngiisi ábali mu gira yiryo igambi, ubahaniirize. Kubaagage nga kwo ukahana abandu beꞌMidyani, kuguma na Siseera na Yabiini, ha lwiji Kishooni.

Yeremiya 9:22

Nahano adetaga na kwokuno: «Umwitegeereza atakizi yihaya mbu bwo ali noꞌbwitegeereze. Neꞌkikalage kitakizi yihaya mbu bwo ali noꞌbukalage. Noꞌmugale atakizi yihaya mbu bwo ali noꞌbugale.

Sefaniya 1:17

Abandu keera bakahubira Nahano, kyo kitumiri bali mu kizi mamaata nga mbumi. Umuko gwabo, gugayonwa nga luvu. Neꞌbirunda byabo, bigakizi shemwa nga myanda.

Yeremiya 34:20

Ngamùbiika mu maboko gaꞌbagoma, banamùzimiize. Ibirunda biinyu, utunyuni tugabilya, kiri neꞌnyamiishwa.

Yeremiya 7:33

bigakizi liibwa naaho noꞌtunyuni, neꞌnyamiishwa. Ndaanaye mundu úgasigala, mbu akizi biyimula ho.

Hisaaya 18:6

Abasirikaani baawe, ikyanya bagaaba bakoli fwiri, bagaliibwa na banyunda, neꞌnyamiishwa. Yabo banyunda bagaahisa ikikamo kyoshi, bakiri mu mùjanganula. Neꞌkyanya kyeꞌmbondo, lyeꞌnyamiishwa nazo zigatondeera ukukaaja amavuha.

Hezekyeri 5:12

E Yerusaleemu! Mu bandu baawe, ikihande kiguma kya kashatu kigaafwa ku njira yeꞌkiija, noꞌmwena. Ikindi kihande, kigayitirwa imbuga lyeꞌnzitiro zaawe. Neꞌkindi íkisigiiri, ngakishabulira mu mahanga gooshi. Ngabalandiriza yo, gira ngendi bayita ku ngooti.

Yeremiya 44:27

Mukuba, iri nangakizi mùlangiiza, kutakiri hiꞌgulu lyoꞌkumùgirira amiija. Si kulyagagi hiꞌgulu lyoꞌkumùgirira amabi. Mweshi mwe mukoli tuuziri i Miisiri, ngamùminika ku ngooti, na kwiꞌshali. Ndaanaye kiri noꞌmuguma úgasigala.

Yeremiya 36:30

«“Ku yukwo, Nahano adetaga kwokuno: Mwiꞌkondo lya mwami Yoyakimu, mutâye ki lyoke umundu, mbu anayime ku kitumbi kya Dahudi. Kiri neꞌkirunda kyage, kigakabulirwa bwalaafwe. Mu bukiiri, izuuba ligakitwira kwo. Na mu bushigi, kigaaba kwaꞌkajambi.

Yeremiya 34:17

«Ku yukwo, Nahano adetaga kwokuno: Bwo mutanzimbahiri, mutanashwekuula beene winyu, kwokwo naani ngamùleka mugendi minikwa mwiꞌzibo, na ku kiija, na kwiꞌshali. Ikyanya ngamùgira kwokwo, abandu baꞌmahanga gooshi bagahuumirwa.

Hisaaya 5:25

Nahano akoli rakariiri abandu baage, anakoli bangwiri ukuboko kwage, gira abahane. Kiri neꞌmigazi ikoli gweti igajugumbana. Neꞌbirunda bikoli luuzirwi mu njira ngiꞌjolera. Kundu kwokwo, ubute bwa Nahano buki yasiri. Akoli bangwiri ukuboko kwage, gira ahaniirize abandu baage.

Zaburi 78:64

Abagingi baabo, kundu bakayitwa ku ngooti, haliko banamufwiri baabo, batâli hangwirwi ukubalirira.

2 Baami 9:10

Na ku luhande lwa Yezebeeri, ndaaye úgamúziika. Si ikirunda kyage kigaliibwa noꞌtubwa tweꞌYezereheri.”» Uyo muleevi, mbu ayuse ukudetaga kwokwo, anayigula ulwivi, anayami tibita.

Yeremiya 44:12

Iyo misigala yaꞌBayuda ábakoli hungiiri i Miisiri, ngabazimiigiza yo, baba bato, kandi iri bakulu. Booshi bagaherera yo, kuba kwiꞌzibo, kandi iri kwiꞌshali. Ikyanya ibinyamahanga bigayuvwa ngiisi íbyabakoleka kwo, bigasoomerwa, binakizi badaaka, iri binabahonyoleza.

Bukengeeze 28:26

Emwe! Ibirunda biinyu, bigadotomolwa noꞌtunyuni. Kiri neꞌnyamiishwa zinabijanganule, ndaanaye úgaziyimula.

Yeremiya 19:7

«Haahano, ho ngashereegeza ishungi zaꞌbatuulaga beꞌYerusaleemu, neꞌzaꞌbandu booshi beꞌBuyuda. Ngahanguula abagoma baabo, bayiji baminika mwiꞌzibo. Neꞌbirunda byabo, ngabileka bibe byokulya byoꞌtunyuni neꞌnyamiishwa.

Kimombo 4:9

Balya bandu, ho bangafwa noꞌmwena, buli bwija bayitwe ku ngooti. Ikyanya umundu ali mu fwa noꞌmwena, ali mu fwifwitira luto-luto, mu kubula byo agaalya.

Hezekyeri 24:21

mbwire Abahisiraheeri kwokuno: “Rurema Nahamwitu adetaga kwokuno: Ngayulubaza inyumba yani, kundu mugweti mugayikangaata hiꞌgulu lyayo, iri munagilangaalira. Neꞌkyanya muli mu kizi gilola-lola kwo, munashambaale bweneene! Kundu kwokwo, bagala biinyu na banyere biinyu ábakasigala i Yerusaleemu, bagayitwa ku ngooti.

Bukengeeze 28:22

Nahano agamùyogogoza naꞌmalwazi, halinde munahererekere. Mugalwala ikikaraza neꞌshuushira likayu, naꞌmahere. Muganahahazibwa neꞌbirigindi liꞌzuuba, neꞌkikamo, neꞌkihuhuuta, noꞌlukungu. Ku kasiisa, agamùdaaka mu ngiisi njira, halinde munayami hera.

Yeremiya 21:6

Mu yako kaaya kiinyu, ngayita mwaꞌbandu, kiri neꞌbitugwa, ku njira yeꞌkiija.