Yeremiya 15:8 - Kifuliiru

⁸ Bwaꞌbashosi bakola bagayitwa, banamufwiri bagaluguuka ukuhima umushenyu kwiꞌbuga. Ngayitiisa kiri neꞌmisore ku kyanya bakiri bikalage. Kwokwo, banyina bagashenguka, iri banabululuka.

Yeremiya 15:8 Referans Kwoze

Hisaaya 3:25

Abashosi biinyu bakola bagayitwa ku ngooti. Kiri naꞌbasirikaani biinyu, banaminikwe mwiꞌzibo.

Luka 21:35

Yulwo lusiku, lugahikira abandu baꞌmahanga gooshi.

Yeremiya 5:6

Kyo kitumiri indare mu kishuka zigakizi yiji bateera. Kiri neꞌmirunga ikolaga igakizi yiji basimbukira kwo. Ingwi zikoli bateziri ha nyuma lyaꞌkaaya. Ikyanya umundu ali mu gira mbu ahuluke, zinayami mújanganula. Na íbitumiri biryagagi kwokwo, bwaꞌBayuda bâli kizi yifunda mu byaha, banakizi huna imbere lya Nahano.

Yeremiya 4:16

Yago magambo, ugakengule ibinyamahanga, kiri naꞌbandu beꞌYerusaleemu. Ee! Ibinyamahanga bikolaga bigayiji tuteera. Bigweti bigabanda induulu, mu kushomboroza izibo mu twaya tweꞌBuyuda.

Hisaaya 3:26

Kwiꞌrembo lyaꞌkaaya, abandu bagakizi liruuka bweneene. Abakazi bagakizi yivuruguuza mu luvu, nga bandu keera ábashahulwa ibindu byabo byoshi.

Hisaaya 4:1

Hâye ki be ulusiku, abakazi balinda bagakizi fyedekania umushosi muguma, ti: «Ewe! Ibyokulya neꞌbyambalwa, byohe, tugakizi biyigulira twengwa. Si byo tuloziizagi naaho, utuyange, maashi! Utushaagize ishoni, we kongwa we!»

Yeremiya 16:3

Yabo bandu, yuvwa ngiisi kwo nie Nahano ngweti ngakyula hiꞌgulu lyabo, kiri na hiꞌgulu lyaꞌbabusi baabo:

Yeremiya 18:21

«Ku yukwo, ulekage abaana baabo bafwe niꞌshali. Nabo boonyene, uleke abagoma baabo babayite neꞌngooti. Bakaabo bafwirwe naꞌbaana, kiri na bayiba! Abashaaja bafwe neꞌkiija, neꞌmisore iyitwe ku ngooti mwiꞌzibo.

Yeremiya 22:7

Keera nalingikania abandu, kwo bagendi gishereeza. Ngiisi muguma wabo anakoli hagasiri ibilwaniiso byage. Iyo nyumba, kundu inguliro zaayo zikalimbiisibwa neꞌbiti byeꞌmyerezi, bagazishaaza, banazilashe mu muliro.”

Kimombo 5:3

Bwo badaata batakiri ho, tukolaga fuuvi. Kiri na bamaawe, nabo bakola banamufwiri.

Hezekyeri 22:25

«Abatwali baꞌBahisiraheeri bali nga ndare íri mu genda igalunduma. Neꞌkyanya iri mu gwata inyamiishwa, iri mu yami gijanganula. Si yabo batwali bagweti bagakizi yitana, iri banashahula ibindu bya beene! Banasige kiri naꞌbakazi bingi bakola banamufwiri.

Hosheya 4:5

Si mugweti mugasiitara, gunakiri mwiꞌzuuba! Neꞌkyanya kyaꞌkabigingwe, abaleevi biinyu beꞌbibeesha, nabo bagayibumbulika haashi. Ubuzinda, nyoko Hisiraheeri, ngamúshereeza.

Yeremiya 6:26

Nahano adetaga kwokuno: «E bandu baani, muyambale amasuuzu, munayivuruguuze mu munyota-kiiko. Mubululuke nga úwafwirwa noꞌmwana weꞌkininga. Mukuba, masaasa atabukwa, umushereeza akola agayija.