Yeremiya 15:5 - Kifuliiru

⁵ Nahano anashubi detaga kwokuno: «E batuulaga beꞌYerusaleemu, nyandi úgaki mùhahalira? Na nyandi úgamùtaaniza, mu kuyiji buuza imyazi yinyu?

Yeremiya 15:5 Referans Kwoze

Hisaaya 51:19

Ubuhanya bwa kabiri-kabiri, keera bukakugwata. Ee! Ubuhanya bwa mbere, ukashereezibwa, wanaminikwa. Noꞌbwa kabiri, wanalonga ishali, niꞌzibo. Ndaanaye úkakuyuvwirwa indengeerwa, mbu ayiji kuholeeza.

Nahumu 3:7

Ngiisi ábagakubona, bagakutibita, iri banakushekeereza kwokuno: “Niino! Leero, Ninaawi ahongolwa ngana! Aahago! Nyandi úgamúlirira? Hayi tugaki longa abandu boꞌkumúholeeza?”»

Yeremiya 21:7

«Nie Nahano nadeta na kwokuno: E mwami Zedekiya! Kundu uli kuguma naꞌbandi batwali beꞌBuyuda, naꞌbandi bandu baawe, halikago ngakubiika mu maboko ga mwami Nebukandeneza weꞌBabeeri. Yabo booshi, kundu bangafuushuka mu kirya kiija, niꞌzibo, niꞌshali, haliko ulya Nebukandeneza, ndaazo ndengeerwa zo agabayuvwirwa, mbu abakejeerere. Aahabi! Si agayami bayilala mwo, gira abayite.

Zaburi 69:20

Abagoma baani, wenyene uyiji ngiisi kwo bali mu ndeta, na ngiisi kwo ndi mu teezibwa ishoni. Bagweti baganyamiriza, iri banandyoza,

Yeremiya 16:5

Nahano anashubi mbwira: «E Yeremiya, ikyanya abandu bagaaba bali neꞌkigandaaro mu nyumba ndebe, utakolwe mbu ugiyingire mwo! Utanakizi bayuvwirwa indengeerwa. Mukuba, yabo bandu baani, ndagaki bagashaanira, ndaganaki bayereka urukundo lwani, kandi iri indengeerwa zaani. Kwokwo, kwo nie Nahano ndesiri.

Yeremiya 13:14

Ha nyuma, ngakizi bateerania bongwa ku bongwa, kiri naꞌbabusi naꞌbaana baabo. Ndaanaye kiri noꞌmuguma ye ngakejeerera. Ndanâye bayuvwirwe indengeerwa, mbu ndeke ukubaminika.”» Kwokwo kwo Nahano adesiri.

Hayubu 19:21

«E biira baani, munyuvwirwe indengeerwa maashi! Munyuvwirwe indengeerwa. Si Rurema keera akandumuula uluhi.

1 Samweri 25:5

Kwokwo, Dahudi anatuma imisore ikumi i Karimeeri, imunda Nabaali, kwo bagendi múlamusa,

1 Samweri 17:22

Uyo Dahudi anatee siga ibyokulya áhali umulaazi, anatibitira áhali abasirikaani, analamusa bakulu baage.

1 Samweri 10:4

Yabo bandu, bagakulamusa, banakufumbadike imikate ibiri. Iyo mikate, ugiyakiire.

Batwi beꞌmaaja 18:15

Lyeryo, yabo bagahirizi banayami genda ha mwa Mika, banayingira mu nyumba yoꞌlya mutabana woꞌMulaawi, banamúlamusa.

Kulyoka 18:7

Kwokwo, Musa anayimuka, gira agendi músanganira. Neꞌri akahikaga ho ali, anayinama, mu kumúheereza ulushaagwa, anamúnyunyuguta. Iri bakayusa ukulamusania, banayingira mwiꞌheema.

Kimombo 1:17

Emwe! Kundu abandu beꞌYerusaleemu bagweti bagagolola amaboko, mu kutabaazania, halikago, ndaaye úkiri mu batabaala. Nahano keera akabwira abatuulani baꞌBahisiraheeri kwo babayihindulire, babaagage bagoma baabo. Yayewe! Akaaya keꞌYerusaleemu, kakola nga myanda mu masu gaabo.