Yeremiya 13:25 - Kifuliiru

²⁵ Nahano adetaga kwokuno: «Mwe batuulaga beꞌYerusaleemu, si keera mukanyibagira lwoshi, mwanabiika ubwemeere ku mizimu. Kwokwo, Nahano anashungisiri kweꞌkihano kimùlindiriiri.

Yeremiya 13:25 Referans Kwoze

Hayubu 20:29

«Yabo banangora-mabi, kwokwo kwo Rurema agabahana. Kyekyo kyo kihano abashungikiiri.»

Mataayo 24:51

Anamútenge-tenge, anamúlashe i nakwere kuguma naꞌbalyalya. Na yaho, banakizi bululuka, iri banashya amiino!

Yeremiya 2:32

Umunyere, si atangayibagira ukuyilimbiisa noꞌbungeni-ngeni bwage! Noꞌmuhya-kazi atangayibagira ukuyambala ikanju lyage lyoꞌbuhya! Halikago abandu baani boohe, bakoli hisiizi isiku kandaharuurwa banyibagiiri.

Zaburi 11:6

Agabatibulira kwiꞌbengesheeshe lyoꞌmuliro, gunali mu gulumira bweneene, ikyuka kyagwo kinabayifuke kwo. Kwokwo, kwo bagakizi hanirizibwa.

Zaburi 9:17

Nahano amenyekiini kwo ali woꞌkuli. Si yabo banangora-mabi, boohe, bali mu yigwasa mu mitego yabo boonyene.

Mika 3:11

E batwi beꞌmaaja! Si mu kukizi twa imaaja, mugweti mugalooza ibitulire. Na niinyu, mwe bagingi! Si muli mu yigiriza naaho, mu kulooza imbembo. Na niinyu, mwe baleevi! Si mutali mu tanga ubuleevi, buzira kuhembwa. Kundu kwokwo, mweshi mudesiragi mbu: «Si tuyegamiiri Nahano. Ali hano kuguma na nyiitu, ndaanayo nguuke yo tugalonga.»

Yeremiya 10:14

Si abandu boohe, biri bizeeze, ndaanabyo bayiji! Abatuzi, bali mu yagagala ngana mu kutula imigisi! Si iri ya bibeesha ngana! Ndaabwo bugumaana ihiiti.

Yeremiya 2:13

«Abandu baani, ibyaha byo bâli kizi gira, biri bibiri. Ubwa mbere, bakanjanda, na ndi nie shyoko yaꞌmagoloovi ágali mu leeta ubulamu. Noꞌbwa kabiri, banayihumbira ibishimo byoꞌkubiika mwaꞌmiiji. Haliko yibyo bishimo, keera byatulika-tulika, bitanakiri mu yijula mwaꞌmiiji.»

Hisaaya 28:15

Mugweti mugakizi yihaya, mbu: «Twehe keera tukanywana ikihango na Narufu, kuguma neꞌnakwere. Kwokwo, irya nguuke, ikyanya igayija, itagaki tugwa kwo. Tugweti tugayilangaalira mu kudeta ibinyoma, na mu kuhendana.»

Hisaaya 17:4

Ku yikyo kyanya, ubugale bwaꞌBahisiraheeri bugaaba bukoli maziri. Na kundu bashuba mu genda bajeziri, halikago, leero bakola mu genda, jabati-jabati!

Barumi 1:25

Bakaleka ukukulikira ukuli kwa Rurema, banakizi yifunda mu bibeesha. Banakizi yikumba íbikalemwa, iri banakizi bikolera, ho bangayikumbiri Umulemi yenyene. Anali ye kwiriiri ukukizi yivugwa imyaka neꞌmyakuula. Bikizi ba kwokwo!

Hisaaya 34:17

Zirya nyamiishwa zooshi, keera Rurema akazigabulira ikihugo. Ngiisi nguma, keera akagiheereza ikyayo, zinayamiri zituuziri mwo, halinde imyaka neꞌmyakuula.

Hisaaya 65:7

Ee! Ngayihoola ibyaha byabo, halinde kiri neꞌbyaha bya bashokuluza baabo. Si bâli kizi yokera imizimu yabo umubadu ku migazi, na ku tugangazi, banâli kizi ndeegeza heꞌshoni. Kwokwo, ngabahana nga kwo bibakwaniini, ukukulikirana na kwo bâli kizi gira yaho keera.” Kwokwo, kwo nie Nahano ndesiri.»

Yeremiya 3:21

«Abandu bagweti bagayamuluka ku marango. Yayewe! Bahisiraheeri, yabo. Bakanyibagira, nie Rurema Nahamwabo, banakizi vujuuka mu bitali nga byo. Kyo kitumiri bakola mu bululuka, iri banahuuna kwo mbakejeerere.

Sefaniya 3:2

Ikyanya abahanuuzi bali mu kizi kuhanuula, utali mu batwaza, utali mu yemeera ukuyerekezibwa. Utabiisiri Nahano kwoꞌmulangaaliro, utanagweti ugamúyikumba.

Yeremiya 18:15

Halikago abandu baani, boohe, keera bakanyibagira. Bagweti bagayokera imizimu umubadu. Injira nyiija yo bâli tuuziri mwo, keera bakagijanda, banakola mu vujuuka mu mishodoko.

Hezekyeri 23:35

«Buno, nie Rurema Nahamwinyu nadetaga kwokuno: Keera ukambeereza ingoto, wanayami nyibagira. Wanakizi lungumirwa mu busambani bwawe. Kyo kitumiri ukola mu hanirizibwa.»