Yeremiya 12:5 - Kifuliiru

⁵ Nahano anambwira: «Ikyanya ugweti ugaagira ndangwe naꞌbandu naaho, uli mu luha. Aaho! Ikyanya ugayigereeraga ifwarasi, kuti kwo bigaaba? Kwo na kwokwo, iri wangagwa mu kihugo kizira bihangatiizi, kutagi kandi wangagenda mu lubako lwa ku ngombe yoꞌlwiji Yorodaani?

Yeremiya 12:5 Referans Kwoze

1 Peturu 4:12

E bakundwa baani! Mutakizi soomerwa, bwo mukolaga mu longa amalibu makayu-makayu. Mutanagabone kwo gali ga kundi-kundi.

Migani 24:10

Iri wangalonga amalibu, unayami twika indege, iri ndaabwo bushobozi bwo uhiiti.

Yeremiya 50:44

Nga kweꞌndare iri mu vuvunyuka mu kishungu-shungu hoofi noꞌlwiji Yorodaani, inayilale mu bibuzi i bungere, kwo naani ngayami yimula Abababeeri mu kihugo kyabo. Ha nyuma, na ndoole ugundi mutwali, ninamúyimike mwo. Aaho! Nyandi úshobwiri ukunyigereera? Na nyandi úwangambuulania? Na nyandi mutwali úwangagira mbu tuhagane?»

Yeremiya 49:19

«Nga kweꞌndare iri mu vuvunyuka mu kishungu-shungu hoofi noꞌlwiji Yorodaani, inayilale mu bibuzi i bungere, kwo naani ngayami yimula Abahedoomu mu kihugo kyabo. Ha nyuma, na ndoole ugundi mutwali, ninamúyimike mwo. Aaho! Nyandi úshobwiri ukunyigereera? Na nyandi úwangambuulania? Na nyandi mutwali úwangagira mbu tuhagane?»

Zaburi 42:7

E Rurema wani, si keera nashenguka! Kundu kwokwo, ngukumbwiri. Ubutabaazi bwawe, bulyosiri mu mbande zeꞌYorodaani, na mu migazi Herimooni, na mu yeꞌMizaari.

Migani 3:11

E mugala wani, ikyanya Nahano akuyerekeza, utakizi múgayiriza. Neꞌkyanya agakukanukira, utakizi bona buligo.

Yoshwa 3:15

Yikyo kyanya, kyâli kola kyoꞌmwimbu. Na yulwo lwiji, lwâli yijwiri bweneene. Kundu kwokwo, balya bagingi, ishando zaabo mbu zifinage naaho mu lwiji,

Yeremiya 36:26

Haaho mwami anayami tumaga mugala wage wa Yerameeri, na Seraya mugala Haziryeri, na Sheremiya mugala Habudeeri, mbu bagendi gwata umwandisi Baruki bo noꞌmuleevi Yeremiya. Kundu kwokwo, Nahano âli mali babisha.

Yeremiya 26:8

Yago magambo gooshi, anabamenyeesa go, nga kwo Nahano akamúbwira. Uyo Yeremiya, iri akayusa, balya booshi, kiri naꞌbagingi naꞌbaleevi, banayami múbirigisha, wa biri! Booshi kuguma, banakizi múlongooza, ti: «Ukwaniini uyitwe!

1 Kutondobola 12:15

Yibyo bikalage byoꞌmulala gwa Gaadi, booshi bâli birongoozi byaꞌbasirikaani. Umuniini mu kati kaabo, âli kizi lwisa abasirikaani igana. Noꞌmukulu âli kizi lwisa abasirikaani kihumbi.

Yeremiya 11:21

Si balya bashosi beꞌHanatooti, bakoli shungisiri kwo banyite, banagweti bagambwira: «Utakolwe kwo washubi tanga ubuleevi kwiꞌziina lya Nahano. Neꞌri wangagenderera ukubutanga, tugakuyita nyene.» Nahano woꞌbushobozi bwoshi adetaga hiꞌgulu lyabo kwokuno: