Yeremiya 12:11 - Kifuliiru

¹¹ Keera bakanagisivya ngana-ngana, inakola mushaka imbere lyani. Yayewe! Kirya kihugo kyoshi, kikolaga ishamba, ndaanaye úkitwaziizi.

Yeremiya 12:11 Referans Kwoze

Yeremiya 23:10

Kino kihugo kyeꞌBuyuda, si abandu baki gweti bagashulehana mwo! Banakoli bihuusiri, iri banakoleesa ubushobozi bwabo ku njira ítali nga yo. Kyo kitumiri Nahano akoli kidaasiri. Ikihugo kikoli ginunusiri bweneene, neꞌndagiriro zikoli yumagusiri.

Hisaaya 42:25

Kyo kikatuma agaturakarira bweneene, anatuleka tuyogogozibwe mwiꞌzibo lyeꞌngunguula. Uburaakari bwage butusokaniini nga ngulumira. Kundu kwokwo, tutazi sobanukirwa. Yubwo buraakari, kundu bukahambiri tujigiivya, si tutaki butwaziizi.

Yeremiya 14:2

«Utwaya tweꞌBuyuda tukola mu fwifwitira, banakola mu gandaara. Balya bandu booshi, bakoli shengusiri. Ee! Abandu beꞌYerusaleemu bagweti bagabululuka, halinde amalira gaabo ganambikira mwiꞌgulu.

Zakariya 7:5

«Mushuvye abagingi, kuguma naꞌbatuulaga booshi kwokuno: “Keera halenga imyaka makumi galinda mugweti mugayishalisa, iri munayijengeeza ku ngiisi mwezi gwa kataanu na gwa kalinda. Kundu kwokwo, ka biri ukuli kwo mwâli kizi yishalisa hiꞌgulu lyani? Nanga, maashi!

Yeremiya 19:8

Kano kaaya, ngakashereeza lwoshi-lwoshi! Ikyanya abandu bagakizi lenga hoofi lyako, banabone ngiisi kwo kasigala biguuka, bagahuumirwa, banasoomerwe.

Yeremiya 10:25

Yubwo buraakari bwawe, ubuyonere ku bandi bandu ábatakuyiji. Si boohe, batali mu kuyikumba. Twe Bahisiraheeri, twe balya bandu bakaminika, banatusivya lwoshi, banasigaga kihugo kiitu mushaka.

Yeremiya 10:22

Yuvwagwi! Umwazi gwayija! Abasirikaani ukulyoka imbembe, bayiji teera utwaya tweꞌBuyuda. Yutwo twaya, bagatusiga ishamba limaata, linabe igomberano lyeꞌmirunga!»

Yeremiya 9:11

Aahago! Yibyo byoshi, nyandagi mwitegeereza, úwangabisobanukirwa? Na nyandi úkaganuuza Nahano, halinde anamúbishuuka íbitumiri ikihugo kyashereera? Kituma kikagi ikihugo kikola kimaata ngiꞌshamba? Na kituma kiki ndaaye mundu úkiri mu kilenga mwo?

Yeremiya 6:8

Ku yukwo, e Yerusaleemu! Bwo ngweti ngakuhanuula, unyuvwagwe! Buzira kwokwo, ngakulyoka mwo, na ngugire ishamba limaata, halinde abandu batanaki kutuule mwo.»

Hisaaya 57:1

Abandu ábakwaniini imbere lya Rurema, ikyanya bali mu fwa, abandu batakiri mu yitoneesa hiꞌgulu lyabo. Ndaanaye úsobanukiirwi kwo bakafwa, lyo batayiji libuuka.

Mwigiriza 7:2

Buli bwija umundu agendi lirira mu mabiihe, ho angagenda mu nyumba yoꞌbushambaale. Mukuba tweshi, hali ulusiku lwo tugaafwa kwo. Yulwo lusiku, abandu bakwiriiri bakizi lukengeera, bátazi fwa.

Barumi 8:22

Byoshi íbikabumbwa, tuyiji kwo biki gweti bigagongeera bweneene halinde zeene, ngoꞌmukazi úgweti úgaliibwa noꞌmukero.

Balaawi 26:32

Ngasivya ikihugo kiinyu ngana-ngana. Ikyanya abagoma bagayiji kituula mwo, bagahuumirwa.

Yeremiya 4:20

Inguuke ziri mu kizi kulikirana, halinde ikihugo kyoshi kinabe kikoli sherebiiri. Abagoma keera bakashikula amaheema giitu, ndanaki hiiti ho nangashumbika.

Yeremiya 4:27

Nahano adetaga kwokuno: «Ikihugo kyoshi kigashereezibwa. Kundu kwokwo, ndagakishereeza lwoshi-lwoshi.

Yeremiya 4:28

Abandu ba mu kihugo, bagaliruuka. Niꞌgulu ligayidika kweꞌkihulu. Keera nakyula, ndanganaki hinduka. Keera nꞌgashungika, kwoshi kwokwo!»

Yeremiya 25:11

Yiki kihugo kyoshi, kigahinduka mushaka. Abahisiraheeri, kiri naꞌbatuulani baabo, booshi bagaahisa imyaka makumi galinda, bagweti bagakolera mwami weꞌBabeeri.

Yuheeri 1:10

Indalo, keera zasiba. Niꞌdaho keera lyayumaguka. Ingano, neꞌdivaayi, kiri naꞌmavuta, byoshi byahumbuluka.

Yeremiya 9:9

Nie Yeremiya, ngweti ngabululukira imigazi, kiri neꞌndagiriro za mwiꞌshamba. Mukuba, byoshi keera byahangalala, ndaanaye úkiri mu bilenga mwo. Kiri neꞌngaavu, ndaazo ízikiri mu yana mwo. Byoshi keera byahera, kiri neꞌbitugwa noꞌtunyuni.

Yeremiya 9:10

Nahano adetaga kwokuno: «Akaaya keꞌYerusaleemu, ngakagira bibe biguuka, gunabe mushaka, halinde kanahinduke igomberano lyeꞌmirunga. Abandu ba mu twaya tweꞌBuyuda, ngabashaabula, halinde yutwo twaya tusigale tuzira bandu.»