Yeremiya 11:16 - Kifuliiru

¹⁶ «Yaho kare, bwo bâli kizi tongeka kweꞌbitumbwe biija, nâli kizi deta kwo bashushiini noꞌmuzehituuni úgudoohiri. Aaho! Kwokwo buno, ngola ngabalungikira abagoma badali-daali, halinde birya byasi byoshi íbidoohiri, babisingoole, kiri naꞌmatavi.

Yeremiya 11:16 Referans Kwoze

Hisaaya 27:11

Yabo Bahisiraheeri balyagagi nga matavi ágayumuusiri. Ikyanya gali mu konyoka, abakazi banakizi yiji gashenya. Yabo Bahisiraheeri balyagagi bizeeze, ndaanalyo igambo basobanukiirwi. Kundu Rurema ye kabalema, si atakiri mu baholeeza. Kundu ali Mulemi wabo, atakiri mu bayuvwirwa indengeerwa.

Zaburi 52:8

Yibyo byoshi, ikyanya abandu bagabibona, bagayoboha Rurema. Ha nyuma, banakushekeereze kwokuno:

Zaburi 80:16

Gulya mulandira gwo ukabyala naꞌmaboko gaawe wenyene, ukizi gulanga, we kongwa! Si ali mwana ye ukayitoolera mwenyene!

Yohana 15:6

Iri umundu atanganyama mwo, agaalashwa imbuga, ngiꞌtavi íryakabulirwa, linayume. Amatavi mwene yago, gali mu toolwa, ganaduulikwe ku muliro, ganasingooke.

Mataayo 3:10

Ibiti bikoli banguliirwi isheenyo. Na ngiisi kiti íkitagatongeka kweꞌbitumbwe biija, kigaakubwa, kinaduulikwe mu muliro.

Yeremiya 21:14

Ngamùhana ngana-ngana, nga ngiisi kwo bimùkwaniini. Na nduulike ulubako lwinyu mwoꞌmuliro, halinde gunasingoole byoshi íbimùsokaniini.» Kwokwo, kwo Nahano adesiri.

Zaburi 83:2

E Rurema, utabe munyerere, utanayigire nga kimeme, mbu yihulikire naaho.

Bwigule 11:4

Yutwo tumasi twombi, byo byebirya biti bibiri byeꞌmizehituuni íbiyimaaziri imbere lya Nahano waꞌmahanga gooshi. Tunali go gaagalya matara gabiri ágateresirwi imbere lyage.

Bukengeeze 28:40

«Ngiisi handu mu kihugo kiinyu, hagaamera ibiti byeꞌmizehituuni. Kundu kwokwo, mutagayishiiga ku mavuta gaayo. Mukuba, ibitumbwe byayo bigakizi holoka, bitanayera.

Hayubu 8:16

«Abandu, ikyanya batali mu twaza Rurema, bali mu ba ngoꞌmulandira úguli mu mera bwija kwiꞌzuuba. Guli mu landa, gunayaje, halinde amatavi gaagwo ganakwire mu ndalo yoshi.

Yeremiya 7:20

Rurema Nahamwitu, adetaga kwokuno: «Yaka kaaya, ngakayonera mwoꞌburaakari bwani. Nganabuyonera ku bandu, na ku bitugwa, kiri na ku biti, na ku mimbu. Yubwo buraakari bwani, bugayaka nga muliro, ndaanaye úwangabuhoohya.»

Hosheya 14:6

ImwaꞌBahisiraheeri, ngayama ndi nga kimi. Nabo, bagayasa nga muzabibu. Bagayisa imizi mu luvu bweneene, nga kiti kyoꞌmwerezi gweꞌLebanooni.

Zaburi 80:17

Kundu twe tuli mulandira gwawe, si abandu keera bakatutema-tema, banatuyokya. Kwokwo, ugire ubakanukire, halinde baminikwe.

Yeremiya 2:21

Ikyanya nꞌgamùbyala, nâli yiji kwo muli muzabibu nirizina, na kwo mukwaniini. Aaho! Kutagi buno, keera mwahinduka milandira íkola mu landa-landa bwalaafwe? Kiri neꞌmizabibu íri mu mùtongeka kwo, si iryagagi mizabibu mibi ya mu kishuka?