Yeremiya 10:9 - Kifuliiru

⁹ Yabo bandu, bali mu leeta iharija ukulyoka i Tarasisi, neꞌnooro ukulyoka i Hofiiri. Ha nyuma, banabiheereze banaluganda, gira bagilimbiise. Ha nyuma, banabuli giyambika ibyambalwa byeꞌkituku-tuku na byoꞌmugushe.

Yeremiya 10:9 Referans Kwoze

Zaburi 115:4

Yibyo binyamahanga, si bali bandu ngana. Bali mu koleesa amaboko gaabo, mu kutula imigisi mu harija, na mu nooro.

Danyeri 10:5

Neꞌri nꞌgayinamula amasu, nanabona umundu, ayambiiti ibyambalwa byeꞌkitaani. Na mu kibuno kyage, âli yambiiti umukaba gweꞌnooro muguuhya.

Hisaaya 40:19

Ka bangamúshushaania noꞌmugisi? Nanga maashi! Si umugisi, naluganda muguma ye mu gubiija. Noꞌgundi, anagubugiirize kweꞌnooro, anagulimbiise, mu kugubiika kwoꞌmugufu gweꞌharija.

1 Baami 10:22

Mwami Sulumaani âli gweti amashuba mahamu ágâli kizi balamiranwa kuguma naꞌga mwami Hiraamu. Ku ngiisi myaka ishatu, gâli kizi múleetera inooro, neꞌharija, naꞌmahembe geꞌnjovu, neꞌngima, neꞌshengerezi.

Hezekyeri 27:12

«“Na bwo wâli riiri mugale bweneene, wâli kizi dandaza naꞌbandu beꞌTarasisi. Bâli kizi kuleetera iharija, neꞌbyuma, naꞌmanjanja, neꞌbyuma byoꞌlusasi.

Zaburi 72:10

Abaami beꞌTarasisi naꞌba mu tulira, bagakizi múramburira. Abaami beꞌSheeba naꞌbeꞌSeeba, bakizi múleetera amatuulo.

Hisaaya 23:6

Mwe batuulaga beꞌmbande zeꞌTiiro, mugalukire i Tarasisi, mugendi banda yaꞌkashiba.

Hezekyeri 27:7

Banakuhangira itanga mu mirondo yeꞌkitaani ukulyoka i Miisiri, yanakizi tuma ugalangiika ku hala. Wanakizi siikirwa noꞌmulondo gwiꞌbara lyeꞌkituku-tuku neꞌlidukula, ukulyoka mu tulira tweꞌKipuro.

Yona 1:3

Yona, kundu akabwirwa kwokwo, halikago, anamanukira mu kaaya keꞌYopa, anagwana amashuba goꞌkugenda i Tarasisi. Kwokwo, anagashona mwo, gira atibite Nahano.

Habakuki 2:19

«Yayewe imwinyu! Si mugweti mugabwira umugisi mubaaje mu mbahwa, ti: “Vyukaga!” Munabwire umugisi gwiꞌbuye, ti: “Yimukaga!” Aaho! Yugwo mugisi, ka gwangakuyigiriza? Nanga maashi! Kundu gulyagagi mubugiirize kweꞌnooro neꞌharija, haliko gutali mugumaana!

2 Kutondobola 9:21

Mwami Sulumaani âli gweti amashuba mahamu ágâli kizi balamiranwa kuguma naꞌga mwami Hiraamu. Ku ngiisi myaka ishatu, gâli kizi múleetera inooro, neꞌharija, naꞌmahembe geꞌnjovu, neꞌngima, neꞌshengerezi.

Hosheya 8:6

Yugwo mugisi úgushushiini neꞌnyana, si naluganda naaho ye kagutula, gutanali ye Rurema yenyene! Ku yukwo, iyo mugisi yinyu yeꞌSamariya, igahongolwa lwoshi.