Yeremiya 10:8 - Kifuliiru

⁸ Yabo banamigisi, booshi balyagagi bahwija, binali bizeeze. Ngiisi byo bali mu yigiriza, bishaaziri naaho mu migisi íri mu baajwa mu biti.

Yeremiya 10:8 Referans Kwoze

Zakariya 10:2

Kundu mugweti mugahanuusa imizimu, halikago igweti igakizi mùteba naaho. Na kundu mugweti mugahanuusa abalaguza, si bagweti bagaadeta ibibeesha. Kiri na ábali mu deta mbu bangasobaanura ibirooto, nabo bagweti bagaadeta ibibeesha naaho, buzira kuholeezania. Abandu baani, bali mu genda bagayangaara. Bali mu teerwa nga bibuzi bizira mungere.

Yeremiya 10:14

Si abandu boohe, biri bizeeze, ndaanabyo bayiji! Abatuzi, bali mu yagagala ngana mu kutula imigisi! Si iri ya bibeesha ngana! Ndaabwo bugumaana ihiiti.

Habakuki 2:18

Aahago! Ikyanya umundu agweti agayibaajira imigisi, ali mu longa akamaro kaki? Si irya migisi iri mu tulwa mu byuma, inali ya kutebana naaho! Itashobwiri kiri noꞌkudeta! Uyo mundu, si ali mu biika umulangaaliro ku kindu kyo akayigirira yenyene!

Hisaaya 44:19

Mu kati kaabo, si ndaaye mwenge kandi iri mwitegeereza, úwangayisaliza, ti: «Ishaali nguma, nꞌgazitwana, nanaziyokya mweꞌmikate. Neꞌzindi nanaziyokya mweꞌnyama, nanagilya. Na ízikasigalaga, nanazibaaja mweꞌkyagaza kyoꞌmugisi. Yoho wee! Si ulushaali úlusigiiri, lwolwo, lwo ngweti ngayikumba!»

Hisaaya 41:29

Aahabi! Iyo migisi yoshi, si iri yeꞌbibeesha naaho! Imikolezi yayo iri ndaayo. Iryagagi mimaata naaho, nga mbuusi!»

Zaburi 135:18

Haliibwi! Iyo migisi, ngiisi ábali mu gitula, si bagishushiri nyene! Kiri na ábagibiisiri kwoꞌmulangaaliro, kwo na kwokwo.

Zaburi 115:8

Haliibwi! Iyo migisi, ngiisi ábali mu gitula, si bagishushiri nyene! Kiri na ábagibiisiri kwoꞌmulangaaliro, nabo kwo na kwokwo.

Yeremiya 4:22

Nahano adetaga kwokuno: «Ku kasiisa, abandu baani bali bahwija. Si batanyiji! Amenge gaabo, gakubisirwi. Byo bayiji naaho, biri byebyo-byebyo byaha. Si íbikwaniini, byohe batabisobanukiirwi.»

Yeremiya 2:27

«Yehee! Mugweti mugakizi baaja imigisi mu biti, munagibwire: “E waliha! We daata!” Neꞌmigisi yiꞌbuye kwakundi, munagibwire: “Ewe! We kambuta”. Aahabi! Ho mwangandoziri kwo, mukambindulira ingoto. Halikago, ikyanya muli mu longa amakuba, lyoki munayami ndakira, ti: “E maashi! Uyiji tukiza!”

Hosheya 4:12

«Abandu baani bagweti bagahanuusa umugisi gweꞌkiti, bali mu loogeza ishuvyo mu ngoni. Bakoli ba bashule, bwo keera bakayihandula ku Rurema wabo, banatibitira mu biri mu yikumbwa.

Hisaaya 44:18

Yabo bandu, si balyagagi bizeeze! Ndaanahyo bayiji. Amasu gaabo, kiri naꞌmenge gaabo, bikubisirwi. Batangabona íhiteerwa ku shinda, batanganasobanukirwa.

Yeremiya 3:9

Ikyanya Abahisiraheeri bâli kizi yiyulubaza mu bushule, batâli kizi yiyubaara. Si bâli genderiiri ukukizi yikumba imigisi, kundu ikabaajwa mu mabuye naaho, na mu biti.

Yeremiya 5:4

Haaho, nâli toniri kwo íbitumiri balya bandu ba Rurema bagaagira íbitali nga byo, mbu bwo bali bagunda naaho, banali bizeeze, batanazi menya íbikwaniini imbere lya Rurema Nahamwabo. Batanayiji ngiisi byo abaloziizi kwo.

Yona 2:8

E Nahano, iri nꞌgabonaga kwo ngola ngaafwa, nanakukengeera. Nanayami kutabaaza, kwo uli mu nyumba yawe ndaluule.