Yeremiya 10:10 - Kifuliiru

¹⁰ Kundu kwokwo, Nahano naaho, ye Rurema woꞌkuli. Yehe, ye Rurema úli mugumaana, anali ye mwami weꞌmyaka neꞌmyakuula. Ikyanya ali mu raakara, ikihugo kiri mu yami jugumbana. Yubwo buraakari bwage, ibinyamahanga bitangabuyigenderera.

Yeremiya 10:10 Referans Kwoze

Bukengeeze 32:4

ye na lwala. Imikolezi yage ikwaniini. Neꞌnjira zaage zooshi, ziri zoꞌkuli. Rurema witu ali mwemeera, ndaanago mahube go ali mu gira. Ayamiri ali mu gira íbikwaniini, na íbiri byoꞌkuli.

Hisaaya 57:15

Rurema ayamiri ho imyaka neꞌmyakuula! Ali Mweruuka, anatuuziri mwiꞌgulu bweneene. Anadetaga kwokuno: «Nduuziri mwiꞌgulu bweneene, hanali hataluule. Na kwakundi, nduuziri kuguma na ngiisi úli mutuudu, anabe ayibiisiri haashi. Ee! Yabo batuudu, bwo bali mu yibiika haashi, kyo kitumiri ngabaheereza imisi mihyahya.

Zaburi 76:7

E Rurema wa Yakobo, ikyanya ukazikanukira, ifwarasi zaabo zanayami fwa kuguma na ábâli zishoniri kwo.

Nahumu 1:6

Ikyanya Nahano ali mu shavura, nyandagi úwangaki labuka imbere lyage? Uburaakari bwage, ikyanya buli mu ba bukoli yasiri, nyandi úwangaki sigala? Uburaakari bwage, buli mu siriiza ngana-ngana. Kiri naꞌmaala, gagweti gagabereka imbere lyage.

Zaburi 42:2

E Rurema, nga kweꞌmbongo iri mu ba ihemagiiri mu kulooza amiiji mu musima, kwo na naani ndi mu kizi kuyifwija.

Zaburi 100:5

Nahano ali mwija. Noꞌrukundo lwage luyamiri ho, halinde imyaka neꞌmyakuula. Ayamiri ali mwemeera, halinde ukuhisa ku bibusi byoshi.

Bwigule 20:11

Nanabonaga ikitumbi kihamu kyoꞌbwami, kyeru pepeepe! Nanabona na úwâli kibwatiiri kwo. Ikihugo niꞌgulu byanayami nyerera imbere lyage. Mukuba, hatakaki boneka ho bigabeera.

Zaburi 31:5

Kundu bakandegaga imibashu, utaleke kwo ngigwatwe mwo. Si we gweti ugakizi njuutira.

Zaburi 10:16

Nahano ye mwami weꞌmyaka neꞌmyakuula. Ee ma! Ibinyamahanga, kundu bakoli tuuziri mu kihugo kyage, bagaki minikwa naaho.

Zaburi 18:7

Ikyanya nâli gweti ngalibuuka, nanatabaaza Nahano. Ee! Nꞌgatabaaza Rurema wani, kwo atuuziri mu nyumba yage. Haaho ngana, ikyanya ngi gweti ngaalira, ananyuvwa.

1 Yohana 5:20

Tuyiji kwakundi kwoꞌMwana wa Rurema keera akayija, anatuheereza ubumenyi, gira lyo tulonga ukumenya Rurema nirizina. Na buno, tukoli tuuziri mu kati kaage, bwo tukoli tuuziri mu kati koꞌMwana wage Yesu Kirisito. Yehe ye Rurema nirizina. Anali ye ryagagi mwoꞌbulamu bweꞌmyaka neꞌmyakuula.

Baheburaniya 10:31

Umundu, iri angatibukaga mu maboko ga Rurema úli mugumaana, uyo agaaba ahuumirwa lwoshi!

1 Timoteyo 1:17

Rurema, ye Mwami weꞌmyaka neꞌmyakuula, atanâye fwe! Ndaaye úshobwiri ukumúbona. Ndaanaye gundi úli ha butambi lyage. Kwokwo, akizi haabwa ulushaagwa noꞌbulangashane, halinde imyaka neꞌmyakuula! Bikizi ba kwokwo!

1 Batesaloniki 1:9

Yabo bandu boonyene, bali mu menyeesania ngiisi kwo mukatuyakiira bwija. Bali mu deta, na ngiisi kwo mukatwikira ku migisi, mwanayiji ba bandu ba Rurema. Ye Rurema nirizina, anali ye mugumaana.

Mikolezi 14:15

«E bashosi, lekagi maashi, mwe kongwa mwe! Si na nyiitu tuli bandu nga mwe! Tunali mu mùmenyeesa Imyazi Miija, gira mutwikire ku magambo mwene yaga ga busha-busha! Munabaagage bandu ba Rurema úli mugumaana. Si ye kabumba igulu, neꞌkihugo, neꞌnyaaja, na íbibiri mwo byoshi.

Malaki 3:2

Aahago! Ikyanya Nahano agatuyijira, nyandi ugaki gooyera? Mango ahulukaana, nyandi úgaki shobola ukuyimanga? Si agaaba akola ngoꞌmuliro úgugweti gugashuka ikyuma! Agaanaba nga saabuni ngayu yoꞌkufula mwoꞌmulondo.

Habakuki 3:6

Ikyanya ali mu yimanga, ikihugo kinajugumbane. Neꞌkyanya ali mu lyeguuza amasu, abandu banayami lenga mweꞌkinyukura. Kundu imigazi iyamiri-yamiri ho, ali mu givungula. Noꞌtugangazi, kundu tuyamiri ho, ali mu yami tuhongola. Ee! Yehe ye tuuziri ho imyaka neꞌmyakuula.

Mika 1:4

Amalambo gakoli gweti gagajongoloka mwiꞌdako lyaꞌmagulu gaage, iri ganahingira mu tubanda, nga bulembo úbwajongoloka. Ganali nga miiji ágali mu golomba ku higangazi.

Zaburi 146:6

Nahano akabumba igulu, neꞌkihugo, neꞌnyaaja, na byoshi íbibiri mwo. Anayamiri ali mwemeera, halinde imyaka neꞌmyakuula.

Zaburi 145:13

Ee! Ubwami bwawe buyamiri ho imyaka neꞌmyakuula. Ubutwali bwawe bugagenderera mu bibusi byoshi-byoshi. Aahago! Ikyanya Rurema ali mu tulagaania imihango, ali mu ba mwemeera mu kugikwiza. Mukuba, akuuziri ngiisi byo akabumba.

Zaburi 114:7

E kihugo, ukizi juguma imbere lya Nahano. Ukizi juguma imbere lya Rurema wa Yakobo.

Zaburi 104:32

Ikyanya Nahano ali mu langiiza naaho ku kihugo, kiri mu jugumbana. Kiri neꞌmigazi, ikyanya ali mu gihuma kwo, iri mu tutumuka kweꞌkyusi.

Zaburi 97:4

Imilavyo yage, iri mu yami huluka mu kihugo kyoshi. Booshi ábali mwo, ikyanya bali mu gibona, banatondeere ukujuguma.

Zaburi 93:2

E Nahano, we yamiri ho, ukulyokera imyaka neꞌmyakuula, wanâli mali gwanwa wasikamya ikitumbi kyawe kyoꞌbwami.

Zaburi 90:11

Aaho! Nyandagi úwangasobanukirwa ngiisi kwoꞌburaakari bwawe bubambiri bweneene? Yubwo buraakari bwawe, ngiisi kwo buli buhamu, kwo na kwokwo abandu bakwiriiri bakizi kuyoboha bweneene.

Zaburi 84:2

E Nahano woꞌbushobozi bwoshi, inyumba yawe ibuyahiri bweneene.

Zaburi 77:18

Mu bibungu, mwanavuduka invula, mwanakungula neꞌmikungulo. Ngiisi luhande, imilavyo.

Hayubu 9:6

Ali mu shagania ikihugo, halinde kinashaage ahandu haakyo. Kiri neꞌnguliro zaakyo, zinakizi juguma.

2 Kutondobola 15:3

«Abahisiraheeri bakahisa imyaka mingi bajaaziri Rurema woꞌkuli. Banatuula buzira imaaja zaage, na buzira umugingi woꞌkubayigiriza zo.

1 Baami 18:39

Balya bandu, mbu babone kwokwo, banayami gwa buubi, banadeta: «Rurema, yehe ye Nahano! Rurema, yehe ye Nahano.»

1 Samweri 17:36

E waliha, keera nꞌgayita indare, kiri neꞌbinguti. Na buno, uyu Mufirisiti ngamúyusa kwakundi. Si atali mutenguule! Anagweti agatyoza abasirikaani ba Rurema úli mugumaana.

1 Samweri 17:26

Dahudi anabuuza yabo bandu ábâli múyimaaziri ha butambi, ti: «Umundu úwangayita uyu Mufirisiti, analyokeze Abahisiraheeri ishoni, kuti kwo angagirirwa? Uliira Mufirisiti, si atali mutenguule. Alyagagi nyandi, halinde akizi tyoza abasirikaani ba Rurema, ulya úli mugumaana?»

Batwi beꞌmaaja 5:4

E Nahano, ikyanya ukalyoka i Seyiri, mu kihugo kyeꞌHedoomu, ikyanya ukamanukira mwo, idaho lyanayami jugumba. Igulu nalyo, lyanajunguluka mwaꞌmiiji. Ibibungu byanalyoka mweꞌnvula.

Bukengeeze 5:26

Mukuba, ndaaye úkayuvwa izu lya Rurema úli mugumaana, anabe akiri ho. Kundu kwokwo, twehe keera twaliyiyuvwirwa.

1 Timoteyo 6:17

Iri abandu bangaba bali bagale mu kino kihugo, ubabwire kwo batakizi yikangaata. Ibindu byabo bitabaagage byo bagakizi biika kwoꞌmulangaaliro. Mukuba, ibya mu kino kihugo, biri bya kulenga naaho. Ku yukwo, ubabwire kwo bakizi biika umulangaaliro gwabo imwa Rurema. Mukuba, ye mu tuvwangulira ibindu byoshi, gira tukizi bishambaala mwo.

Yohana 17:3

«Yubwo bulamu bweꞌmyaka neꞌmyakuula, bwo bwobu: bakumenye, kwo we Rurema nirizina. Bamenye na Yesu Kirisito, ulya ye ukatuma.

Mataayo 26:63

Haliko, Yesu, atanamúyakula. Ulya mugingi mukulu anashubi múbuuza: «Nakubwira kwiꞌziina lya Rurema úli mugumaana! Utubwire mu kushiikiza, iri wangaba we ulya Masiya, Umwana wa Rurema.»

Mataayo 16:16

Simooni Peturu anamúshuvya: «Wehe, we ulya Masiya! Unali mwana wa Rurema úli mugumaana!»

Habakuki 3:10

Ikyanya imigazi ikakuloleekeza, yanayami jugumbana, inyiiji zanagolomba mwo. Utulingi tweꞌnyaaja tukalunduma, twanayami vubula imidunda.

Yuheeri 2:11

Nahano ali mu sholera ikiso kyage, agweti agayiberekania kwiꞌzu. Yibyo biso, kwo biri bikalage, biri mu músimbaha. Lulya lusiku lwa Nahano, luli lwaꞌkahebuuza. Emwe! Luli mu yobohya ngana-ngana. Aaho! Nyandagi úwangaluyigenderera?

Danyeri 7:14

Uyo mwana woꞌmundu, anahaabwa ubushobozi, noꞌbulangashane, noꞌbuhagarusi, gira abandu booshi bakizi múyikumba, baba beꞌmilala yoshi, naꞌbaꞌmahanga gooshi, naꞌbeꞌndeto zooshi. Ubutwali bwage, bugayama ho imyaka neꞌmyakuula! Noꞌbwami bwage, butâye shereezibwe.

Danyeri 6:26

Mwami Dariyo anayandikira abandu beꞌmilala yoshi, naꞌbaꞌmahanga gooshi, naꞌbeꞌndeto zooshi kwokuno: «Mukizi longa umutuula, munakizi genduukirwa!

Danyeri 4:34

Kwokwo buno, ngola mu huuza Mwami wa mwiꞌgulu. Na ngweti ngamúyivuga, noꞌkumúhimbaaza, iri ninamúgingika. Mukuba, imikolezi yage, iri yoꞌkuli. Si ngiisi ábali mu yiheemya boohe, ali mu batindimaza.

Danyeri 4:3

Yibyo birooto, nanatumira abitegeereza booshi ba mu kihugo kyeꞌBabeeri, gira bayiji mbwira umugeeza gwabyo.

Yeremiya 23:36

Halikago, lirya igambo “Yaga magambo galyosiri imwa Nahano”, mutakolwe mbu mushubi lideta. Si ngiisi byo muli mu deta, galyagagi magambo go mwayihalangira mwenyene naaho. Muli mu hindula amagambo ga Rurema witu, úli mugumaana, ye Nahano woꞌbushobozi bwoshi.

Hisaaya 37:17

Kwokwo, e Nahano, uzibuule amasu, ulole. Utege naꞌmatwiri gaawe, uyuvwe ibitusi byoshi byo Senakeribu agweti agakutuka, unali we Rurema úli mugumaana.

Hisaaya 37:4

Ulya mwami weꞌHasuriya atuma umukulu waꞌbasirikaani baage, kwo ashekeereze Rurema, anali ye Rurema úli mugumaana. Aaho! Hali ikyanya Rurema Nahamwinyu, angaba ayuvwiti ibitusi byoꞌyo mukulu, anamúhane hiꞌgulu lyabyo. Kwokwo e Hisaaya, uhuunire Abahisiraheeri ábaki sigiiri mu kino kihugo.”»

Zaburi 68:11

halinde abandu baawe banalonga ho bagatuula. Kiri naꞌbakeni, wanabatabaala ku magoorwa gaabo.

Ndondeko 21:33

Haaho i Beeri-Sheba, Hiburahimu anabyala heꞌkivumu. Anahuuna kwiꞌziina lya Nahano, anali ye Rurema weꞌmyaka neꞌmyakuula.

1 Baami 8:60

Kwokwo, lyaꞌbandu baꞌmahanga gooshi bagaamenya ku kasiisa kwo Nahano ye Rurema, na kwo ndaanaye gundi.

Zaburi 29:10

Nahano atwaziri hiꞌgulu lyoꞌmwijulire. Yenyene alyagagi mwami, anatwaziri imyaka neꞌmyakuula.

Zaburi 68:8

E Rurema! Ikyanya ukalyosa abandu baawe i Miisiri, wanakizi bashongaaniza injira mwiꞌshamba.

Zaburi 90:2

Ikyanya utâli zaazi bumba imigazi, kandi iri ikihugo, wâli koli yamiri ho.

Hisaaya 40:15

Si imwage, amahanga gooshi galyagagi nga ndonyi yaꞌmiiji naaho íyatonyera mu kirugu! Binalyagagi nga lukungu naaho ku lugero. Ali mu gera aba mu tulira nga lukungu ngana.

Hisaaya 65:16

Ikyanya abandu bagalooza ukugashanirana, bagakizi koleesa iziina lya Rurema woꞌkuli. Neꞌkyanya bagakizi biika indahiro, bagakizi koleesa lyeryo iziina. Amalibu gaabo ga keera, gagaaba keera gayibagirwa. Nienyene ngagalyosa lwoshi-lwoshi.

Yeremiya 4:2

Munambiikire indahiro kwiꞌziina lyani, ti: “Nga kwo Nahano ayamiri ho”. Neꞌri mwangadeta kwokwo mu kati koꞌkuli, lyeꞌgindi milala igakizi gashaanirwa. Inakizi mùhuuza hiꞌgulu lya byoshi byo muli mu gira.»

Yeremiya 4:24

Ha nyuma, nanalangiiza ku migazi, nanabona kwo ikola mu jugumbana, kuguma noꞌtugangazi.

Yeremiya 50:46

Ikyanya ikihugo kyeꞌBabeeri kigagwatwa, abandu booshi bagateerera induulu bweneene, neꞌkihugo kinajugumbane. Abandu ba mu mahanga gooshi bagayuvwa ngiisi kwaꞌBababeeri bakola mu bululuka ku kimombo.

Yeremiya 51:29

Nahano ashungisiri kwo agahindula ikihugo kyeꞌBabeeri libe ishamba, ndaanaye mundu úgakituula mwo. Kyo kitumiri kikola mu jungubana, iri kinagaaya-gaaya noꞌbulyanirwe.

Yoshwa 3:10

Zeene, mukola mugaamenya ku kasiisa, kwo muyamiinwi na Rurema úli mugumaana. Mukuba, agamùyimulira Abakaanani, naꞌBahiti, naꞌBahivi, naꞌBapereesi, naꞌBagirigaashi, naꞌBahamoori, naꞌBayebuusi.

1 Kutondobola 29:11

We mwene ubukalage, noꞌbushobozi, noꞌbulangashane, noꞌbukulu, noꞌlushaagwa. Kiri na byoshi íbiri mwiꞌgulu, na mu kihugo, biri byeꞌmwawe. E Nahano! Ubwami bulyagagi bweꞌmwawe. Unali mu huuzibwa, bwo uli hiꞌgulu lya byoshi.

Zaburi 9:8

Nahano ayamiri ho, imyaka neꞌmyakuula. Keera akatereka ikitumbi kyage kyoꞌbwami, gira alonge ukukizi twa imaaja.

Zaburi 74:12

E Rurema, wehe we yamiri uli mwami witu ukulyokera kare. Unali we mu kiza abandu baꞌmahanga gooshi.

Zaburi 76:8

E Rurema, ikyanya uli mu ba urakiiri, nyandi úwangagira mbu ayimange imbere lyawe? Ndaaye gundi ye tukwaniini ukuyoboha.

Zaburi 100:3

Mumenye kwo Nahano ye Rurema. Ye katubumba, tunali beꞌmwage. Ee! Tuli bandu baage, tunali nga bibuzi bya mu ndagiriro yage.

Hisaaya 40:28

Ka mutazi yuvwa? Ka mutazi sobanukirwa? Nahano, ye Rurema weꞌmyaka neꞌmyakuula! Ye kabumba byoshi íbiri mu mahanga gooshi. Atâye luhe, atanâye yolohe. Ndaanaye úwangasobanukirwa noꞌbwenge bwage.

Danyeri 6:27

«Kwokuno nabiika ulubaaja mu bandu ba mu maami gaani gooshi, kwo bakwaniini bakizi yoboha Rurema wa Danyeri, iri banamúsimbaha. Mukuba, ye Rurema úli mugumaana, anayamiri ho imyaka neꞌmyakuula! Ubwami bwage butâye shereere. Ubutwali bwage, butâye heke.

Nahumu 1:5

Hiꞌgulu lya Rurema, imigazi iri mu shagala, noꞌtugangazi tunajongoloke, tunanyerere. Ikihugo kiri mu jugumbana imbere lyage, kuguma na booshi ábatuuziri mwo.