Yeremiya 1:5 - Kifuliiru

⁵ «Ikyanya ndazi kubumba mu nda ya nyoko, nâli koli kuyiji. Ikyanya utâli zaazi butwa, nâli mali gwanwa nakutaluula, nanakutoola kwo ugaaba muleevi mu binyamahanga.»

Yeremiya 1:5 Referans Kwoze

Hisaaya 49:1

Mweshi, mwe mutuuziri mu mahanga! Munyuvwirize. Ikyanya ndazi butwa, Nahano âli mali gwanwa ambamagala. Ee! Ikyanya nâli ki riiri mu nda ya maawe, âli mali gwanwa anyinika iziina.

Barumi 8:29

Ee! Rurema âli mali gwanwa amenya abandu baage ku kyanya batâli zaazi ba ho. Akanagwanwa ashungika kwo bashushaane noꞌMwana wage. Kwokwo, uyo Mwana wage, abe ye gaaba fula mu beene wabo bingi!

Hisaaya 49:5

Ikyanya ndazi butwa, Nahano akandoola kwo nimúkolere, halinde nimúgalulire Abahisiraheeri. Ee! Nahano akoli ngingisiri, keera anambeereza imisi.

Hisaaya 44:2

E beene Yakobo, keera nꞌgamùbumba, nanamùtoola. Na buno, mukola bakozi baani. Kiri neꞌkyanya mutâli zaazi butwa, nâli kizi mùlanga mu nda. Kwokwo, mutayobohe! Mukuba, ngakizi mùtabaala.

Luka 1:41

Uyo Ruzabeeti, mbu ayuvwagwe umusingo gwa Maryamu, umwana anashabira mu nda yage. Lyeryo, Ruzabeeti anayijuzibwa mwoꞌMutima Mweru,

Luka 1:76

Na naawe, e mwana wani! Ugakizi detwa kwo uli muleevi wa Rurema úli hiꞌgulu lya byoshi! Ee! Ugagwanwa imbere lya Nahano, gira ukizi múlingaaniza injira,

Kulyoka 33:17

Nahano, ti: «Nyiji iziina lyawe, unali mu nzimiisa. Ku yukwo, ngiisi byo wambuuna, ngabigira.»

Yeremiya 1:10

Buno, ngakuheereza ubushobozi hiꞌgulu lyaꞌmaami, na hiꞌgulu lyeꞌbinyamahanga. Ugakizi shikula, iri unahongola. Uganakizi yondobeza, iri unasivya. Na kwakundi, ugakizi yubaka, iri unabyala imbuto.»

Kulyoka 33:12

Musa anabwira Nahano: «Lolaga! Uli mu mbwira kwo ngizi rongoora yaba bandu. Haliko utazi nyereka umundu ye watuma kwo andabaale. Wanadeta kwo uyiji-yiji iziina lyani, na kwo unyemeriiri.

Luka 1:15

Uyo Yohana, agaaba mukulu imbere lya Nahano. Atakizi nywa idivaayi, kandi iri ikindi kilalusa kyoshi! Mukuba, ukulyokera ukubutwa kwage, agaaba ayijuziibwi mwoꞌMutima Mweru.

Barumi 1:1

Gano maruba, galyosiri imwani nie Pahulu, umukozi wa Yesu Kirisito. Rurema yenyene, ye kandaluula kwo mbe ndumwa. Anambamagala kwo ngizi menyeesa Imyazi yage Miija mu bandu.

Yeremiya 50:34

Kundu kwokwo, niehe, iziina lyani nie Nahano woꞌbushobozi bwoshi. Nie gaguluula abandu baani ku bushobozi bwani, halinde ndeete umutuula mu kihugo kyabo. Halikago, Abababeeri boohe, ndaagwo mutuula gwo bagalonga.»

Bahefeso 1:22

Rurema akanabiika byoshi mwiꞌdako lya Kirisito, halinde lyo Kirisito abe yiꞌtwe lya byoshi hiꞌgulu liꞌshengero.

Yohana 10:36

«Kwokwo, naani, Daata keera akandoola, ananduma mu kihugo. Aahago! Kituma kiki mukiri mu mbwira kwo nadeta íbitali nga byo imbere lya Rurema, mbu bwo nadeta kwo ndi Mwana wage?

1 Bakorindo 8:3

Halikago, iri umundu angaba akuuziri Rurema, yoyo ye nayijikiini imwage!

Zaburi 139:15

Kundu nꞌgalemerwa áhabishamiri, haliko, amavuha gaani gatâli bishamiri imwawe. Ikyanya nꞌgalemwa, nâli tuuziri nga mu kuzimu, naꞌmagala gaani gâli ki riiri kundi-kundi. Kundu kwokwo, wâli mbwini. Isiku zo ukanjungikira, zooshi zâli kola nyandike mu kitaabo kyawe. Ee! Zikayandikwa mwo, kiri na ku kyanya ndâli zaazi ba ho.

Yeremiya 1:4

Nie Yeremiya, Nahano akambwira kwokuno:

Yeremiya 25:13

«Inguuke zooshi zo nâli mali gwanwa nadeta hiꞌgulu lyeꞌBabeeri, ngazikoleesa. Byebyo, byo Yeremiya âli mali gwanwa atangira ubuleevi mu kino kitaabo, hiꞌgulu lyaꞌmahanga gooshi.

Yeremiya 36:2

«Uyabiirage ikitaabo, unakiyandike mwo ngiisi byo nꞌgakubwira hiꞌgulu lyaꞌBahisiraheeri, naꞌBayuda, naꞌbandu beꞌbindi bihugo kwakundi. Utondeerere ku kyanya Yosiya âli twaziri, halinde zeene.

Yeremiya 20:15

Kiri noꞌlya úkagendi menyeesa daata, ti: «Ewe! Wabuta umwana woꞌbutabana!»