Yakobo 5:2 - Kifuliiru

² Ibindu byoꞌbugale bwinyu, keera byabola. Neꞌmirondo yinyu, keera yaliibwa neꞌnyeeje.

Yakobo 5:2 Referans Kwoze

Hayubu 13:28

Na ngweti ngaahera nga kiti íkiri mu bola, na nga mulondo keera úgwaliibwa naꞌkashwa.»

Luka 12:33

«Muguliisagye ibindu biinyu! Na byo mugabilonga kwo, munabiheereze abakeni. Muyibiikire indaha ízitagahula. Munabe neꞌbihinda mwiꞌgulu, íbitali mu shereera. Yaho mwiꞌgulu, ndaaye muzimba úwangabiyegeera. Ndaanazo nyeeje ízangayiji bifuuha.

Hisaaya 50:9

Lolagi! Nahano Rurema ye mu ndabaala. Aaho! Nyandagi kandi úki shobwiri ukundwira ulubaaja? Balya bagoma baani booshi, bagahula nga mirondo, akashwa kanabakegete.

Hisaaya 51:8

Yabo bandu, akashwa kagaki balya, nga kwo kali mu tetemba imirondo. Ibizimu nabyo, bigabatetemba, nga kwo biri mu tetemba ubwoya bweꞌkibuzi. Kundu kwokwo, ubwija bwani bwohe, bugayama ho imyaka neꞌmyakuula. Ubukize bwani bugagendera mu bibusi byoshi.»

1 Peturu 1:4

Tunakoli bikiirwi byo twâye longe mwiꞌgulu. Bitâye shereere, bitanâye vunde, bitanâye fwifwitire.

Yeremiya 17:11

Abandu, iri bangagala ku njira yoꞌkugungana, bali mu ba nga kanyuni ákali mu laalira amagi go katakateera. Ikyanya bali mu ba baki ryagagi misore, ibindu byabo biri mu yami bamalira. Na mu kuheza, banaboneke ku bweranyange kwo bali bahwija.»

Zaburi 39:11

Kwokwo, utaki shubi mbana. Si ibihano byawe, keera byanduhya!

Hosheya 5:12

Ku yukwo, beene Hifurahimu, ngabashereeza nga kulya akashwa kali mu shereeza imirondo. Abayuda nabo, bagabungwa nga mbahwa nzibule.

Yakobo 2:2

Tudete ngoꞌmundu angayingira mu muhumaanano gwinyu, anabe ayambiiti imirondo yoꞌmulimbo, ayambiiti neꞌmbete yeꞌnooro ku munwe. Mwomwo, munayingirage noꞌmukeni, úyambiiti ubusanganira.