Tiito 2:4 - Kifuliiru

⁴ halinde lyo balonga ukuhanuula abahya-kazi ngiisi kwo bagakizi kunda bayiba, naꞌbaana baabo.

Tiito 2:4 Referans Kwoze

1 Timoteyo 5:14

Kwokwo, iri banamufwiri bangaba bakiri bahya-kazi, nangalooza kwo bashubi yangwa, banakizi buta abaana, iri banakizi kania inyumba zaabo. Batayiji kengeera baheereza abagoma biitu ubulyo bwoꞌkukizi tudeta mwoꞌbuligo.

1 Timoteyo 5:2

Abakazi ábakoli bwini, bakizi ba nga banyoko. Naꞌbahya-kazi, ukizi babeera mwo nga baali baawe, mu kati koꞌbweru bwoshi.

1 Timoteyo 5:11

Haliko, iri banamufwiri bangaba baki ryagagi bahya-kazi, boohe, utakizi bayandika mu banamufwiri boꞌkutabaalwa. Mukuba, hali ikyanya bangakayirwa naꞌmifwije gaꞌmagala gaabo, halinde banasare ukushubi yangwa, banabe bataki yitaaziri lwoshi imwa Kirisito.

Tiito 2:3

Naꞌbakazi ábakoli bwini kwakundi, ubayigirize kwo bakizi tuuzagya, nga kwo bikwaniini mu bandu ba Rurema. Batakizi gambana, batanakizi laluka. Si bakwiriiri bakizi yigiriza íbiri biija,

Tiito 2:5

Babahanuule na ngiisi kwo bagakizi yihangirira ku mabi mu kati koꞌbweru bwoshi. Babahanuule na ngiisi kwo bagaakania inyumba zaabo, na ngiisi kwo bagakizi girirana amiija, na ngiisi kwo bagasimbaha bayiba. Kwokwo, liꞌGambo lya Rurema litayiji kengeera lyadetwa buligo hiꞌgulu lyabo.