Sefaniya 1:8 - Kifuliiru

⁸ Nahano adetaga kwokuno: «Mu lulya lusiku lwo ngaatwa kweꞌmaaja, ngaahana abakulu baꞌBayuda, naꞌbaluzi baabo, kiri na ngiisi ábagweti bagakulikira ingesho zeꞌkipagaani.

Sefaniya 1:8 Referans Kwoze

Hisaaya 24:21

Ku lwolwo lusiku, Nahano agahaniiriza abatwali ba mwiꞌgulu, anahaniirize kiri naꞌbaami ba mu kihugo.

Hisaaya 39:7

Na kwakundi, mu baana baawe, baguma bagatwalwa, banagendi ba batungule mu kajumiro ka mwami weꞌBabeeri.»

Hisaaya 10:12

Mwami weꞌHasuriya agweti agayikangaata, kinatume akola mu gira yaga mabi mingi. Kwokwo, ikyanya Nahano agaaba keera ayusa ukuhana umugazi Sayuni, yaho i Yerusaleemu, uyo mwami waꞌBahasuriya naye, lyo Nahano agamúhana.

2 Baami 10:22

Haaho, Yehu anabwira umwimangizi weꞌmirondo: «Ugoshoole imirondo, unagiheereze abandu booshi ábali mu kolera Baali.» Uyo mwimangizi, anagilyosa, anabaheereza yo.

Bukengeeze 22:5

«E balya, umukazi atagire mbu akizi yambala ibyambalwa byoꞌmushosi. Umushosi naye, atakolwe kwo akizi yambala ibyambalwa byoꞌmukazi. Ngiisi úgakizi gira kwokwo, ali mu ba ayagaza Nahano, Rurema winyu.

Hisaaya 2:6

E Rurema, yabo beene Yakobo, kundu balyagagi bandu baawe, haliko keera wabajandirira. Keera bakanayahukirwa naꞌmahimba mabi gaꞌbandu beꞌsheere, banakola mu kizi laguza ngaꞌBafirisiti. Si bakola mu koomerana neꞌbinyamahanga!

Habakuki 1:10

Ikyanya bali mu gwana utwaya tuzitire, bali mu tushekeereza naaho. Bali mu shekeereza kiri naꞌbaami na baguvuruneeri, iri banabahonyoleza. Yizo nzitiro, bali mu zilunda kwoꞌluvu, lyo balonga ubulyo bwoꞌkuziyingira mwo.