Sefaniya 1:6 - Kifuliiru

⁶ Kundu bâli nzimbahiri, haliko ha nyuma bananjanda. Buno, batakiri mu ngulikira, batanakiri mu mbanuusa.

Sefaniya 1:6 Referans Kwoze

Yeremiya 2:13

«Abandu baani, ibyaha byo bâli kizi gira, biri bibiri. Ubwa mbere, bakanjanda, na ndi nie shyoko yaꞌmagoloovi ágali mu leeta ubulamu. Noꞌbwa kabiri, banayihumbira ibishimo byoꞌkubiika mwaꞌmiiji. Haliko yibyo bishimo, keera byatulika-tulika, bitanakiri mu yijula mwaꞌmiiji.»

Hisaaya 1:4

E Bahisiraheeri, yayewe imwinyu! Si mugweti mugayifunda mu byaha, binakoli mùzidohiiri. Mukola banangora-mabi, munakola baana ábasherebiiri! Keera mukajanda Nahano. Na kundu alyagagi Mutaluule waꞌBahisiraheeri, haliko mwamúhindulira ingoto, munakoli múnegwiri!

Yeremiya 15:6

Si keera mukanjanda, mwanambindulira ingoto! Buno, ngoli luhiri noꞌkukizi mùyigenderera. Na ngolaga ngamùhana. Kwokwo kwo Nahano adesiri.

Yeremiya 2:17

E Bahisiraheeri, yubwo buhanya bwoshi, ka mutali mwe mukabuyikululira, mu kunjanda? Keera mukanjanda, na ndi nie Rurema Nahamwinyu. Nie wâli kizi mùrongoora mu njira íkwaniini.

Hosheya 11:7

Abandu baani keera bakahiga kwo banjande. Kundu bali mu kizi deta kwo nie riiri hiꞌgulu lya byoshi, haliko ndaaye úli mu mbeereza ulushaagwa mu kati koꞌkuli.

Yeremiya 3:10

Kiri na beene wabo, ingulani zaꞌBayuda batakangalukira ku mitima íshenguusiri. Si bakakizi yihumeera ku bulyalya naaho, kwo bakoli jengiirwi.» Kwokwo, kwo Nahano adesiri.

Hisaaya 9:13

Kwokwo, Nahano agasingula Abahisiraheeri itwe noꞌmukira. Ee! Lusiku luguma naaho, agaatema itavi lyeꞌkigazi, kuguma na lyeꞌkibingu.

Baheburaniya 2:3

Na buno, nyiitu kwakundi keera tukalonga ubukize bwaꞌkahebuuza! Neꞌri twangakizi bugayiriza, kutagi kwo twangaki fuuka? Ee! Yubwo bukize bwitu, Nahano yenyene ye katee bumenyeesa mu bandu. Neꞌri bakamúyuvwa, nabo banayiji butangira ubumasi mu kati kiitu.

Hezekyeri 3:20

«Hali neꞌkyanya umundu angatee kizi gira íbikwaniini. Haliko ha nyuma, analeke ukubigira, anatondeere ukuyifunda mu byaha. Uyo mundu, iri nangamúgeza, mbu nimúsiitaze, iri agaafwa. Aaho! Iri wangaba utamúyerekeza, agaafwa hiꞌgulu lyeꞌbyaha byage. Birya biija byage, bitanaki kengeerwe. Halikago wehe, umenye-menye kwo ugabetula umuko gwage.

Zaburi 125:5

Si ábali mu sookeraga mu njira zoꞌkunyoka-nyoka boohe, Nahano agabayimula kuguma na banangora-mabi. Abahisiraheeri bakizi longa umutuula.

Zaburi 10:4

Agweti agayikangaata, iri anayitoneesa kwo Rurema ndaaye. Kyo kitumiri atali mu múlooza.

1 Samweri 15:11

«Nayishuhiza, bwo nꞌgayimika Sahuli kwo abe mwami. Lolaga, ngiisi kwo keera anjanda. Ngiisi byo ngweti ngamúbwira, atakiri mu bisimbaha.» Iri Samweri akayuvwa kwokwo, anashenguka bweneene, anatondeera ukuhuuna Nahano, bwanakya aki gweti agamútakira.

Hosheya 7:7

Yabo booshi, ikyanya baki duusiri nga fuuru, bali mu yami zimiiza abatwali baabo. Bali mu yita abaami baabo booshi, muguma-muguma. Kundu kwokwo, ndaaye kiri noꞌmuguma wabo úli mu mbuuna ubutabaazi.»

Zaburi 36:3

Bagweti bagakizi yihaya naaho, batanganamenya kwo bakoli bihuusiri.

Barumi 3:11

Ndaanaye úsobanukiirwi neꞌbya Rurema. Ndaanaye úli mu múlooza.

Hisaaya 43:22

«E Bahisiraheeri, beene Yakobo! Si mutali mu ndabaaza! Yoho wee! Keera mukannenuuka!

Yeremiya 10:25

Yubwo buraakari bwawe, ubuyonere ku bandi bandu ábatakuyiji. Si boohe, batali mu kuyikumba. Twe Bahisiraheeri, twe balya bandu bakaminika, banatusivya lwoshi, banasigaga kihugo kiitu mushaka.

Hosheya 7:10

Bwo bagweti bagayikangaata bweneene, bakola bagaalegwa. Kundu kwokwo, batagweti bagangalukira. Batanagweti bagaagira, mbu banjakule.

Yoshwa 23:12

«Haliko, hali ikyanya mwangamújanda, mbu muyibiike ku bandu beꞌgindi-gindi milala bo mutuliinwi, munakizi yangirana.

2 Samweri 22:22

Na bwo ndi mu simbaha imaaja zaage, anambemba. Ndakanayihandula ku Rurema wani mbu ngizi kola amabi.

2 Kutondobola 15:13

Banalagaana na kwo ngiisi útagalooza Nahano Rurema waꞌBahisiraheeri, akwiriiri ayitwe, aba mwanuke kandi iri mukulu, aba mushosi kandi iri mukazi.

Hisaaya 9:12

Yabo bandu, kundu Nahano woꞌbushobozi bwoshi akabahana, si batanamúgalukira.

Sefaniya 3:2

Ikyanya abahanuuzi bali mu kizi kuhanuula, utali mu batwaza, utali mu yemeera ukuyerekezibwa. Utabiisiri Nahano kwoꞌmulangaaliro, utanagweti ugamúyikumba.