Ruuti 4:10 - Kifuliiru

¹⁰ Na kwakundi, nahyana namufwiri Ruuti weꞌMohabu, úkasigwa na Malooni. Bino twagira hano kwiꞌrembo lyaꞌkaaya, bigaatuma ibindu byoꞌmuhisi bigayama biri kwiꞌziina lyage, na mu bandu baage. Mwehe zeene, muli tumasi.»

Ruuti 4:10 Referans Kwoze

Bukengeeze 25:6

Noꞌmwana mutabana ye agatee buta, akwaniini ayinikwe iziina lya nakufwa. Kwokwo, kwiꞌziina lya nakufwa ligagenderera ukulumbuusibwa mu Bahisiraheeri.

Bahefeso 5:25

Na niinyu mwe bashosi! Mukizi kunda bakiinyu, nga kwo Kirisito naye akakunda ishengero, anayitanga ayitwe hiꞌgulu lyalyo.

Baheburaniya 13:4

Umundu, iri angaba ahisiizi umukazi, abandu booshi bakwaniini bamúheereze ulushaagwa. Na ngiisi mukazi keera úwahisibwa, kwo na kwokwo! Na boonyene, bakizi yitaluula imwa Nahano. Hatanagirage úgakizi sambana, kandi iri kuyeruzania. Mukuba, mwene yabo, Rurema agaki bahaniiriza.

Malaki 2:14

Munagweti mugabuuza kwokuno: «Yago matuulo, kituma kiki ataki gayemeera?» Mukuba, kundu mukanywana ikihango mwe na mukaawe ku kyanya mwâli ki riiri misore, halikago Nahano akoli yiji ngiisi kwo keera ukamúyimula. Ee! Mukaawe, kundu muki yamiinwi, haliko, keera ukamúhemukira.

Zakariya 13:2

Nahano woꞌbushobozi bwoshi, adetaga kwokuno: «Ku kirya kyanya, ngashaaza imigisi mu Bahisiraheeri. Kiri naꞌmaziina gaayo, gagayibagirwa lwoshi-lwoshi. «Ngazimiiza abaleevi beꞌbibeesha, kiri neꞌmizimu íri mu bakoleesa.

Hosheya 12:12

«Halikago, abandu beꞌGiryadi boohe, balyagagi banangora-mabi, banali ba busha-busha. Kundu bagweti bagatanga amatuulo geꞌshuuli i Girigaali, halikago ututanda twabo tugahongoka, tunasigale nga mbongolo mu ndalo.»

Hosheya 3:2

Iri nꞌgayuvwa kwokwo hiꞌgulu lya mukaanie, nanashubi gendi múgonda ibingorongoro ikumi na bitaanu, neꞌndengo katundu zoꞌbulo.

Hisaaya 48:19

Aba mu kibusi kyawe, banaluguuke nga mushenyu kwiꞌbuga. Iziina lyabo lyangayamiri imbere lyani.”»

Migani 19:14

Umundu ali mu hyana inyumba, noꞌbundi bugale imwaꞌbabusi baage. Si umukazi mwitegeereza yehe, ali mu lyoka imwa Nahano.

Migani 18:22

Ngiisi úwalonga umukazi, iri alonga ikindu kiija. Ku njira ya mukaage, Nahano ali mu múgashaanira.

Zaburi 109:15

Ukizi kengeera ibyaha byabo ngiisi lusiku. Si boonyene bayibagirwe lwoshi mu kihugo.

Zaburi 34:16

Mukuba, amasu ga Nahano, gali mu lola ku bandu ábali mu gira íbikwaniini. Neꞌkyanya bali mu mútabaaza, ali mu bayuvwa.

Yoshwa 7:9

Abakaanani, kuguma naꞌbatuulaga booshi ba mu kino kihugo, mango bayuvwa kwokwo, bagayami tusokanana, banatuminike tweshi. Aaho! Kutagi kwo ugaki yerekana kwiꞌziina lyawe liri noꞌbushobozi?»

Ndondeko 29:27

Utee mala isiku zirinda umúyalisiri. Ha nyuma, tukabuli kuheereza mulumuna wage wa Laheeri. Halikago, ugashubi ngolera igindi myaka irinda.»

Ruuti 4:9

Ulya Bowazi anabwira balya bashaaja, kuguma naꞌbandi ábâli riiri yaho kwokuno: «Mwehe zeene, mwe tumasi twani. Ibindu byoshi íbikasigwa na Herimereeki, na Kiryoni, na Malooni, keera mwabona kwo nabigula imwa Nahomi.

Ndondeko 38:9

Uyo mukazi, Honani anamúhyana. Kundu kwokwo, âli yiji-yiji kwaꞌbaana batagaaba beꞌmwage, kyanatuma ikyanya âli kizi múgwejera, anakizi yonera haashi, gira atabutire umuhisi abaana.