Nehemiya 9:13 - Kifuliiru

¹³ Ikyanya bakahika i Sinaayi, ukashonooka mwiꞌgulu, wanayiji baganuuza. Wanabaheereza imaaja ku njira íkwaniini. Ngiisi byo ukabategeka mu kukyula, biryagagi biija.

Nehemiya 9:13 Referans Kwoze

Zaburi 119:160

Amagambo gaawe gooshi, gali goꞌkuli. Imaaja zaawe, kwo zikwaniini, zigayama ho imyaka neꞌmyakuula.

Kulyoka 20:1

Rurema anadeta kwokuno:

Kulyoka 19:11

Na úbugaakya, bayibiikage ibiringiini. Mukuba, ku lwolwo lusiku lweꞌzishatu, ngamanukira ku guno mugazi Sinaayi, imbere lya booshi.

Barumi 7:16

Na bwo ndi mu gira byo ndaloziizi ukugira, kuyerekiini kwo nyemiiri kweꞌMaaja ziri nyiija.

Habakuki 3:3

Rurema Mutaluule agweti agayija, ukushaaga i Temaani, na mu mugazi gweꞌParaani. Ubulangashane bwage buyijwiri mwiꞌgulu! Anagweti agayivugwa hooshi mu kihugo.

Hisaaya 64:3

Ukulyokera keera, ndaaye mundu úkayuvwa kwo hali ugundi Rurema úli nga we. Kiri noꞌkubona, ndaaye úkabona ugundi. Mukuba, ikyanya abandu bali mu ba bakulangaliiri, uli mu batabaala ngana.

Hisaaya 64:1

Nga wangabiiri nga kulya umuliro guli mu singoola ikishungu-shungu, na nga kwo guli mu duusa amiiji ganashere. Kwokwo, naawe bwangabiiri bwija ushonookage, unayimenyeese mu bagoma baawe. Ibinyamahanga bigakubona, binajugume.

Zaburi 119:137

E Nahano, we mwene ukuli. Neꞌmaaja zaawe, zikwaniini.

Bukengeeze 33:2

Anadeta: «Nahano akahuluka ku mugazi Sinaayi, anayijira abandu baage. Anayami batunduukira mu kihugo kyeꞌSeyiri. Anashubi batanguulira kandi ukulyoka ku mugazi Paraani. Ikyanya akabayijira ku migazi, âli riiri neꞌbinoono byaꞌbaganda, anâli fumbiiti imaaja, zigweti zigakeyengana nga muliro.

Bukengeeze 5:4

Yaho ku mugazi, Nahano akamùganuuza mu kati koꞌmuliro, malanga ku gandi.

Bukengeeze 4:33

Ndaabo bandu ábakayuvwa izu lya Rurema, ligweti ligabadesa ukulyoka mu muliro. Haliko mwehe, mukaliyuvwa, mwanaba mukiri ho.

Bukengeeze 4:8

Yizo maaja zo ngweti ngamùyigiriza zeene, zikwaniini. Mu milala yoshi íhimbiri, ndaagwo úguli neꞌmaaja mwene yizo.

Kulyoka 20:22

Nahano anabwira Musa: «Ubwire Abahisiraheeri kwokuno: “Keera mwayibonera mwenyene ngiisi kwo namùganuuza ukulyoka mwiꞌgulu.

Kulyoka 16:23

Musa anabashuvya: «Ulubaaja lwa Nahano lwo lwolu: Kusheezi, luli lusiku lwoꞌkuluhuuka. Mukuba, iri Sabaato, lunatalwirwi imwa Nahano. Ku yukwo, ibyokulya biinyu, mugendi bideeka, kandi iri kubihyusa. Na íbigasigala, mubibiike, mukabilye kusheezi.»

Bukengeeze 4:36

Akadetera yaho mwiꞌgulu, lyo alonga ukumùyigiriza. Hano mu kihugo, anamùyereka umuliro gwage muhamu. Na mu gwogwo muliro, mwanayuvwa kwo agweti agaadeta.

Zaburi 119:4

E Nahano, ukatuheereza imaaja zaawe, gira tukizi zisimbaha lwoshi-lwoshi.

2 Baami 17:37

«Niehe nie kamùyandikira imaaja, naꞌmategeko, neꞌmigeeza. Kwokwo, mukizi fiitirwa mu kubikulikira. Hatanabe umugisi gwoshi gwo mugakizi yikumba.

Hizira 7:6

Uyo Hizira, âli riiri mwigiriza. Neꞌmaaja za Musa, zo Nahano Rurema akaheereza Abahisiraheeri, âli ziyiji bweneene. Ikyanya akalyoka i Babeeri, mu kuyija i Yerusaleemu, Nahano bâli yamiinwi. Kyanatuma, ngiisi byo akahuuna mwami, agamúheereza byo.