Nehemiya 5:15 - Kifuliiru

¹⁵ Haliko baguvuruneeri ábakatanga imbere lyani, boohe, bâli kizi vindagaza abandu. Bâli kizi tangiisa ngiisi mundu ibingorongoro byeꞌharija makumi gana, kuguma neꞌbyokulya, neꞌdivaayi. Kiri naꞌbatabaazi baabo, nabo bâli kizi lyalyania abandu. Haliko niehe, nzimbahiri Rurema, ndanâli kizi gira kwokwo.

Nehemiya 5:15 Referans Kwoze

Nehemiya 5:9

Nanashubi deta, kwokuno: «Yibi byo mugweti mugagirira beene witu, bitakwaniini, kiri neꞌhiniini. Si tukwaniini tukizi simbaha Rurema, lyo tutayiji kengeera twashembwa neꞌbinyamahanga, balya ábatushombiri.

Hisaaya 50:10

Mu kati kiinyu, nyandagi úyobohiri Nahano, anabe asimbahiri umukozi wage? Iri wangaba ukiri mu genda mu kihulu buzira itara, ugire ukizi yihega ku Nahano Rurema, unamúbiike kwoꞌmulangaaliro.

Migani 16:6

Ibyaha bigaakogwa ku njira yoꞌkukundana noꞌkuyemeerana. Na mu kusimbaha Nahano, lyoꞌmundu ali mu kizi yiyeka amabi.

2 Bakorindo 11:9

Ku kyanya nâli riiri mu kati kiinyu, ndaaye muguma winyu ye nâli kizi zidohera ku magoorwa gaani. Si beene witu ábâli lyosiri i Makedoniya, bo bâli kizi ndabaala hiꞌgulu lyago. Mukuba, nâli mali higa kwo ndaalyo igoorwa lyoshi lyo ngakizi mùzidohera kwo. Buno, kwo nganagenderera.

Mataayo 5:47

Neꞌri mwangalamusa beene winyu naaho, mugaaba mwagira biki ukuhima abandi? Si kiri naꞌbapagaani nabo, bali mu lamusa beene wabo, ti: “Musingo!”

Hayubu 31:23

Yibyo bihano, byo bikulu, ho Rurema yenyene angayiji njereeza. Iri Rurema woꞌbulangashane angambaga, iri namala lwoshi.

2 Bakorindo 12:13

Ndaanakyo kindu kyo nꞌgagirira agandi mashengero, kyo na niinyu ndakamùgirira. Ngeeka nꞌgamùhubira naaho, bwo ndâli kizi mùzidohera ku magoorwa gaani. Aaho! Iri nangaba nꞌgagiraga buligo, mungoge!

Migani 29:12

Umutwali, iri angayishinga amagambo geꞌbibeesha, abatungwa baage booshi, banahinduke banangora-mabi.

Zaburi 147:11

Si ali mu ba asiimiri ngiisi ábali mu ba bamúsimbahiri, banabe babiisiri umulangaaliro gwabo ku rukundo lwage, kwo lutâye male.

Zaburi 112:1

Tukizi huuza Nahano! Bahiriirwi ngiisi ábasimbahiri Nahano, banasimbahiri neꞌmaaja zaage.

1 Samweri 8:15

Agakizi yabiira ikihande kiguma kiꞌkumi kyeꞌmimbu yinyu, kuguma na kyeꞌdivaayi, anabiheereze abatwali, naꞌbakozi baage.

Ndondeko 20:11

Hiburahimu, ti: «Ibyatuma nagira kwokwo, bwo nꞌgatona kwo mu kano kaaya, ku kasiisa ndaaye úsimbahiri Rurema. Nanayoboha kwo muganyita, lyo mulonga ukuyanga mukaanie.

Ndondeko 42:18

Ku lusiku úlugira izishatu, Yusefu anashubi babwira: «Niehe, nyamiri nzimbahiri Rurema. Aaho! Yuvwagwi ngiisi kwo mwangagira, lyo mulonga ukutuula ho.

Nehemiya 5:16

Si nâli kizi fiitirwa naaho mu kuyubakulula uluzitiro lwaꞌkaaya. Niehe, ndaayo ndalo yo nꞌgagula. Kiri naꞌbatabaazi baani nabo, ndaazo bakagula.

Yeremiya 32:9

Kwokwo, iyo ndalo ya mwene witu, nanagigula ku bingorongoro byeꞌharija ikumi na birinda.

Kimombo 5:8

Abaja, bo bakoli ba batwali biitu, ndaanaye úwangaki tuguluula mu maboko gaabo.