Nehemiya 5:13 - Kifuliiru

¹³ Ha nyuma, nanabugumula ikanju lyani, nanadeta, kwokuno: «Yibi nadeta, ngiisi útagabisimbaha, Rurema amúyibugumule mwene yuku. Akumuule imbaga zaabo, neꞌbindu byabo byoshi, banasigale banakahuku.» Yabo bandu, ti: «Ee, bibe kwokwo!» Booshi kuguma banayami huuza Nahano. Ha nyuma, yabo booshi banagira nga ngiisi kwo bakalagaania.

Nehemiya 5:13 Referans Kwoze

Mikolezi 18:6

Halikago, balya Bayahudi banatondeera ukumúhaliiza, iri banamútukiiriza. Kyanatuma agababugumulira ibyambalwa byage, bube bumasi imwabo, anababwira: «Umuko gwinyu, gukolaga gugaaba hiꞌgulu liinyu mwenyene! Niehe, ndaalyo igambo lyo ngaki buuzibwa hiꞌgulu lyagwo. Noꞌkulyokera buno, ngolaga ngakizi genda mu bandu beꞌgindi milala.»

Mataayo 10:14

«Abandu beꞌyo munda, iri batangamùyegereza, kandi iri kumùyuvwiriza, mu kulyoka yaho, munabugumule kiri noꞌlukungu úluli ku magulu giinyu, bube bumasi kwo mushuba ha mwabo!

1 Kutondobola 16:36

Nahano Rurema waꞌBahisiraheeri, akizi huuzibwa, halinde imyaka neꞌmyakuula. Yulwo lwimbo, ikyanya bakayusa ukuluyimba, banayiberekania kwiꞌzu, ti: «Bikizi ba kwokwo.» Banayivuga Nahano.

Mikolezi 13:51

Yabo bombi, banababugumulira ulukungu úlwâli tumukiiri ku magulu gaabo, kabe kalangikizo koꞌkubakengula. Babuli genda mu kaaya keꞌHikonyo.

Mwigiriza 5:5

Kwokwo, ukizi langa akanwa kaawe, katayiji kuyingiza mu byaha. Utanakizi bwira umutungwa wa Rurema kwo watagalwa mu kutangira Rurema umuhango. Iri wangagira kwokwo, yugwo muhango gwawe gugaraakaza Rurema. Na byoshi byo wâli kizi koleereza, anayami bishereeza.

Zaburi 119:106

Imaaja zaawe, ziri zoꞌkuli. Kwokwo, nꞌgabiika indahiro, kwo ngakizi zisimbaha. Ee! Irya ndahiro, ndâye gihongole.

Zaburi 76:11

Na bwo ugweti ugakizi rakarira amabi, kyo kitumiri uli mu yivugwa. Ngiisi ábakafuuka uburaakari bwawe, batagaki kola amabi.

Zaburi 50:14

Si byo ndoziizi, kwo mukizi yiji deta kongwa imwani. Na ngiisi byo mukandagaania, mukizi bindangira. Si nie Rurema úli hiꞌgulu lya byoshi!

Nehemiya 8:6

Hizira anatee tanga kongwa imwa Nahano, bwo ali Rurema wa kahebuuza. Yabo booshi, banadumeereza mu kulengeza amaboko, ti: «Bikizi ba kwokwo, bikizi ba kwokwo!» Banafukama imbere lya Nahano, mu kuhisa amalanga haashi, banakizi múyikumba.

2 Baami 23:3

Ha nyuma, mwami anayimanga ha nguliro, anashubi nywana ikihango na Nahano. Anamúlagaania kwo agakizi múkulikira, iri anasimbaha imaaja zaage, neꞌmigeeza yage, naꞌmategeko gaage. Yukwo kusimbaha, kunabe ku mutima gwage gwoshi, na ku nzaliro zaage zooshi. Analagaania kwo agakizi koleesa amagambo gooshi geꞌkihango, nga kwo gayandisirwi mu kitaabo. Yibyo byoshi, abandu booshi nabo, banalagaania kwo bagakizi bikulikira.

1 Samweri 15:28

Samweri anadeta kwokuno: «Yubu bwami bwawe, ukulyokera zeene, keera Nahano abuyabiira, anabuheereza ugundi mundu mu kati kiinyu. Uyo mundu, ye mwija ukukuhima.

Muharuuro 5:22

Gano magoloovi goꞌkuleeta idaaki, gayingirage mwiꞌbunda lyawe, linaheeme, halinde ganakugumbiise.” «Uyo umukazi, ikyanya agayuvwa kwokwo, akwaniini adumeereze, ti: “Ee! Bibe kwokwo.”

1 Bakorindo 14:16

Hali ikyanya wangaba uli mu yivuga Rurema ku mutima gwawe naaho, iri unatanga kongwa. Na yaho, hanabe ugundi útakaniri. Aaho! Iri angaba atasobanukiirwi na byo uli mu deta, kutagi kwo angadeta «Bikizi ba kwokwo!»

Migani 28:4

Ikyanya abandu batali mu simbaha imaaja, bali mu huuza banangora-mabi. Si ngiisi ábali mu zisimbaha, bali mu hagana bo nabo.