Ndondeko 47:19 - Kifuliiru

¹⁹ «E nahamwitu, ka buli bwija kweꞌndalo ziitu zisibage, tunalambuukire mu masu gaawe? Kwokwo buno, ugulage amatongo giitu. Kiri na twenyene, utugulage, halinde tugendi ba baja ba mwami weꞌMiisiri. Kizima tulonge byo tugaalya. Byo ugatuheereza naaho, ziri imbuto zo tugabyala, gira tutayiji fwa. Kiri niꞌdaho liitu nalyo, litayiji kengeera lyaginiinuka.»

Ndondeko 47:19 Referans Kwoze

Hayubu 2:4

Shetaani, ti: «Magala ku gandi! Si umundu angatanga ngiisi byo agweti, gira lyo alonga ukuyikiza!

Kimombo 5:9

Mu kuloozagya ibyokulya biitu, tuli mu yibiika ho twangasiga amatwe. Abiitani bagweti bagatuhinda-hinda mwiꞌshamba.

Kimombo 5:6

Keera tukayibiikaga mu maboko gaꞌBamiisiri naꞌBahasuriya, lyo tulonga byo tugaalya.

Kimombo 1:11

Abandu beꞌYerusaleemu, booshi bakola mu genda bagalooza byo bagaalya, iri banagongeera. Keera bakanatanga ibindu byabo byeꞌkishingo, mbu lyo babilonge, halinde bahembuluke. Banakola mu banda akashiba, ti: «E Nahano, utulolage kwo we kongwa! Si tukola mu negurwa bweneene!»

Mataayo 16:26

Umundu, iri angalonga íbiri mu kihugo byoshi, anayiteere yenyene, bikagi byo agaaba ayunguka? Na biki byo angatanga, lyo ayikiza? Si ndaabyo!

Ndondeko 47:15

Abandu beꞌMiisiri kuguma naꞌbeꞌKaanani, iri fwaranga zikabamalira, Abamiisiri booshi banagendi bwira Yusefu: «Kwokuno, tutaki hiiti kiri noꞌlusumuuni. Utuheereze byo tugaalya, e waliha! Neꞌri wangatuyima byo, tugayiji lambuukira mu masu gaawe.»

Ndondeko 47:18

Yugwo mwaka, iri gukamala, banashubi múyijira, ti: «E nahamwitu, ndaahyo twangakubisha. Tutaki hiiti kiri na íhiteerwa ku shinda. Ifwaranga ziitu, neꞌbitugwa biitu byoshi, we koli bihiiti. Si byo tukoli sigiriini naaho, galyagagi magala giitu, neꞌndalo ziitu.

Ndondeko 47:20

Hiꞌgulu lya yugwo mwena, kyanatuma ngiisi Mumiisiri agaguliisa indalo yage. Yusefu anakizi zigulira mwami weꞌMiisiri, halinde ikihugo kyoshi kyeꞌMiisiri kyanaba bikola bindu bya mwami.

Ndondeko 41:36

Yibyo byokulya, kibaagage kihinda kyoꞌkukizi langa ikihugo kyeꞌMiisiri, gira gulya mwena gweꞌgindi myaka irinda, gutakisivye.»