Ndondeko 43:11 - Kifuliiru

¹¹ Lyeryo, yishe anababwira: «Bwo biri kwokwo, muyabiirage ku bindu biija bya mu kino kihugo kiitu, munabihambe mu ndaha ziinyu, munabitwalire uyo mutwali, lube lutengu. Mumútwalire ku buuki, naꞌmavuta maniini goꞌmushishi, noꞌmubadu, naꞌmanemane, neꞌkungu, neꞌloozi.

Ndondeko 43:11 Referans Kwoze

Ndondeko 37:25

Yabo bakulu ba Yusefu, iri bakaba bakoli bwatiiri ha byokulya, mbu bayinamule amasu, banabona ikiso kyaꞌBahishimaheeri ábalyosiri i Giryadi, bali mu balamira i Miisiri. Ingamiya zaabo, zâli heesiri umubadu, neꞌzeeri, naꞌmanemane.

Yeremiya 8:22

E balya! Kituma kiki inguma zaꞌbandu baani zitazi kira? Mu kihugo kyeꞌGiryadi, ka mutalyagagi umuti gwoꞌkuzilunga? Ka ndaaye mufumu úki ba mwo?

Hezekyeri 27:17

Abadandaza beꞌBuyuda naꞌbeꞌHisiraheeri, nabo bâli kizi yiji dandaza ingano zeꞌMiniiti, naꞌmahemba, noꞌbuuki, naꞌmavuta geꞌmizehituuni, noꞌmubadu.

Migani 18:16

Ikyanya umundu atee tanga indengu, ziri mu gwanwa zamúyigulira injira, halinde analonge ukuhika imbere lyoꞌmukulu.

1 Samweri 9:7

Sahuli, ti: «Iri twangagenda yo, bikagi byo tugamúheereza? Si indanda tutayiyikiiri, keera zamala! Ndaanahyo tuhiiti, hyo twangaheereza uyo mukozi wa Rurema. Biki byo tuhiiti?»

Mikolezi 21:14

Twanagira mbu tumúyemeeze, analahira. Iri hakatama, twanamúleka ngana, twanadeta: «Ndakundi! Ubulooze bwa Nahano, bubaagage bwo bugakoleka.»

Hezekyeri 27:15

Abadandaza beꞌDedaani, nabo bâli kizi yiji dandaza. Kiri naꞌbandi bandu bingi ukulyoka mu tundi tulira, bâli kizi yiji dandaza, banakuleetere amahembe geꞌnjovu, neꞌbiti biija-biija íbiri mu detwa: hebeene.

Lwimbo Lwija 8:14

«E mukundwa wani, uvwaruke, gira tugendanwe ku migazi áhali birya bikere íbiri mu huumura bwija. Tutibitire yo, nga kasa, kandi iri nga nzobe.»

Lwimbo Lwija 4:14

Bihimiri kiri neꞌnarido nvushe mweꞌzafarani, noꞌmushaayi-shaayi kuguma noꞌmudalasini, neꞌzindi mbuto íziri noꞌmuhongolo mwija.

Lwimbo Lwija 4:10

E shasha yani, uli weꞌmwani. Urukundo lwawe luli mu ndwala kasinge-singe, lunali lwo lwija ukuhima idivaayi. Amalaasi gaawe, gali mu huumura bweneene, ukuhima umuhongolo gweꞌbilungo byoshi.

Migani 21:14

Ikyanya umundu araakara, analonge indengu ku bumbishwa, ali mu hooha. Kiri neꞌbindu íbyatangwa ku bumbishwa, biri mu hoohya uburaakari.

Migani 19:6

Abandu bingi bali mu looza babe katoni kaꞌbatwali. Ee! Ikyanya umundu ali mu kizi gabirana, ngiisi mundu ali mu siima kwo abe mwira wage.

Migani 17:18

Umuzira bwitonde ali mu yitanga abe shinga, hiꞌgulu lyoꞌmwenda gwoꞌgundi mundu.

Zaburi 76:11

Na bwo ugweti ugakizi rakarira amabi, kyo kitumiri uli mu yivugwa. Ngiisi ábakafuuka uburaakari bwawe, batagaki kola amabi.

Zaburi 72:10

Abaami beꞌTarasisi naꞌba mu tulira, bagakizi múramburira. Abaami beꞌSheeba naꞌbeꞌSeeba, bakizi múleetera amatuulo.

Zaburi 68:29

E Rurema, uyerekane imisi yawe ya kahebuuza, nga kwo wâli kizi gira yaho kare.

Hesiteeri 4:16

«Ugendage mu kaaya keꞌSusaani, unakuumanie Abayahudi booshi ábali mwo, munayishalise hiꞌgulu lyani. Hatagire byo mugaalya, kandi iri byo mugaanywa ku siku zishatu, ubushigi niꞌzuuba. Naani, kuguma naꞌbakozi baani, nyiitu tugayishalisa. Ha nyuma, ngabulagi genda imunda mwami, kundu ulubaaja lutahangwiri kwo habe umundu úgagendi múbona átahangwirwi. Neꞌri kwangiba kuyitwa, kwoshi kwokwo.»

2 Baami 20:12

Ku yikyo kyanya, mwami Merodaaki-Baladani, mugala mwami Baladani weꞌBabeeri, anayuvwa ngiisi kwo Hezekiya ashuba mulwazi. Kyanatuma agamúlungikira amaruba kuguma noꞌlutengu.

2 Baami 16:8

Ulya Ahaazi anayabiira iharija neꞌnooro íbyâli riiri mu nyumba ya Nahano, kiri na mu kihinda kyeꞌbwami, anabitumira mwami weꞌHasuriya, lube lutengu.

2 Baami 8:8

anabwira Hazaheeri: «Uyabiirage ulutengu, unalutwalire umundu wa Rurema. Umúbwire kwo ahanuuse Nahano, amúbuuze iri ngaakira, kandi iri nanga.»

1 Baami 15:19

«E yaga, tunywane ikihango, nga kwo badaata bâli tuula. Lolaga! Nakutengula iharija, neꞌnooro. Aaho! Kirya kihango kyo mukanywana na Baasha, mwami waꞌBahisiraheeri, ugire ukihongole, gira ashaage mu kihugo kyani.»

1 Baami 10:25

Yabo bandu, ikyanya bâli kizi yija, bâli kizi múleetera indengu za íbikatulwa mu harija, na mu nooro, kiri naꞌmakanju, neꞌbilwaniiso, naꞌmalaasi, neꞌfwarasi, neꞌbiiza bya bapunda. Yizo ndengu, zâli kizi yija ngiisi mwaka.

1 Baami 10:15

Yizo nooro, zitâli mweꞌnooro zo âli kizi longa mu mirambu yaꞌbadandaza, kandi iri zo âli kizi longa mu baami booshi beꞌBuharaabu, kandi iri mu baguvuruneeri baage.

1 Samweri 25:27

«E nahamwitu, ndi muja-kazi wawe. Nakuleetera bino bihembo, nakuyinginga ubiyakiire. Ubiheereze yaba bandu bo muliriinwi.

Bukengeeze 33:14

Izuuba, liri mu kuza imbuto. Ngiisi mwaka, hali mu kizi yera imimbu mihyahya.

Ndondeko 43:14

Rurema woꞌbushobozi bwoshi amùtabaalage, gira amùyuvwirwe indengeerwa. Amùshwekuulire mwene winyu wa Simyoni, munagalukage mweshi kuguma na Binyamiini. Neꞌri abaana baani booshi bagamberera, bibaagage kwokwo.»

Ndondeko 33:10

Yakobo, ti: «Iri wangaba wangejeerera mu kati koꞌkuli, nakuyinginga, unyabiirirage yulwo lutengu. Ee! Bwo wanyakiira ku mutima úgushenguusiri, ukubona amalanga gaawe naaho, kuli ngoꞌkubona amalanga ga Rurema yenyene.

Balaawi 20:24

«Haliko mwehe, keera nꞌgamùlagaania kwo mwe mugahyana ikihugo kyabo. Ee! Nie namùheereza kyo, kibe kyeꞌmwinyu. Yikyo kihugo kiyeziri mwaꞌmata noꞌbuuki. «Nie Nahano Rurema winyu. Keera nꞌgamùhandula ku gindi milala.

Ndondeko 43:10

Aahago! Tútakibe ngana twatinda, nga keera twagalukira yo ubugira kabiri.»

Ndondeko 43:15

Yabo bagala Yakobo, banayabiira yulwo lutengu, kuguma na zirya fwaranga za mbere, banayushuula na kweꞌzindi íziri nga zo, banatwala na mulumuna wabo wa Binyamiini, banagenda i Miisiri. Neꞌri bakahika yo, banayiyerekana imunda Yusefu.

Ndondeko 43:25

Na bwo bâli mali gwanwa babwirwa kwo bagayiji shangiira ibyokulya na Yusefu, kyanatuma bagagwanwa balingikania ulutengu, gira bamúheereze lwo. Mukuba, âli agaahika ku kyanya kyaꞌkalenge-renge.

Ndondeko 43:26

Uyo Yusefu, iri akataaha, banamúheereza yulwo lutengu. Lyeryo, booshi banafukama imbere lyage, banahisa amalanga haashi.

Hezekyeri 27:22

Abandu beꞌSheeba, naꞌbeꞌRama, mwâli kizi kaburania ibindu. Bâli kizi kuleetera ibilungo byeꞌbyokulya, naꞌmabuye geꞌkishingo, neꞌnooro.

Kulyoka 3:8

«Kwokwo, ngolaga ngabalyosa mu maboko gaꞌBamiisiri, na mu kihugo kyabo, halinde na mbatwale mu kihugo kiija. Kirya kindi kihugo, kiri kihamu, kinayeziri mwaꞌmata noꞌbuuki. Si buno, kikiri mwaꞌBakaanani, naꞌBahiti, naꞌBahamoori, naꞌBapereesi, naꞌBahivi, naꞌBayebuusi.