Ndondeko 42:38 - Kifuliiru

³⁸ Haliko Yakobo, ti: «Umwana wani, mutangamúndwala. Mukulu wage keera akafwa. Na buno, uno ye koli sigiiri yenyene naaho. Aahago! Si mubwini kwo ngola mushaaja bweneene! Uyu mwana wani, iri angakoli gendi komeerekera mu njira, umukuume guganyita, kunabaagage hiꞌgulu liinyu.»

Ndondeko 42:38 Referans Kwoze

Ndondeko 37:35

Uyo Yakobo, bagala baage booshi, kiri na banyere baage, banakizi yiji gira mbu bamúholeeze. Haliko, analahira ukuholeera, anadeta: «Ndeki maashi! Ngagenderera ukugandaara mugala wani, halinde ku kyanya ngamúgwana i kuzimu.» Kwokwo, kwo yishe âli kizi múlirira.

Ndondeko 42:4

Si Binyamiini yehe, yishe atanasiima kwo amútume yo. Mukuba, âli mulumuna wa Yusefu, na yishe âli yobohiri kwo angakoli gendi komeereka.

Ndondeko 37:33

Yishe, mbu alihenandule, anayami limenya, anayamiza: «Yoo! Lino ikooti liri lyeꞌmwa mugala wani. Inyamiishwa keera yamúlya. Ku kasiisa, Yusefu aliibwa.»

Ndondeko 42:13

Nabo, ti: «Nanga, e waliha! Kundu tulyosiri i Kaanani, haliko tuli bakozi baawe. Tweshi, tukabutwa na daata muguma. Twâli riiri misore ikumi niꞌbiri, haliko umuzibo gwitu, gwasigala na daata. Noꞌgundi mulumuna witu, keera akafwa.»

Hisaaya 46:4

Nganayama ndi Rurema winyu, halinde ku kyanya mwâye be bashaaja, munabe mukoli hiiti invwi. Ee! Nie kamùbumba. Kwokwo, ngakizi mùkuya-kuya, na ngizi mùtengetera, na ngizi na mùkiza.

Hisaaya 38:10

Nâli gweti ngayibuuza: Si uburambe bwani, buki ryagagi ha kati naaho! Kundu kwokwo, ngolaga bu genda i nakwere. Aahago! Iyo myaka íkinzigiriiri, ka ngaginyagwa?

Mwigiriza 2:26

Iri umundu angasimiisa Rurema, Rurema ali mu múheereza ubwitegeereze, noꞌbumenyi, noꞌbushambaale. Si umunabyaha yehe, Rurema ali mu múheereza naaho umukolwa gwoꞌkukizi kuumania ibindu bingi, anabisingule. Halikago ha nyuma, anayiji bisikiiriza ugundi úgweti úgakizi simiisa Rurema. Aaho! Yibyo nabyo, si biryagagi bya busha-busha! Biri nga kulooza ukugwata imbuusi.

Mwigiriza 1:14

Byoshi íbiri mu koleka mu kihugo, mbwini kwo biri bya busha-busha. Biri nga kulooza ukugwata imbuusi.

Zaburi 90:10

Yizo siku ziitu, ziri mu hekera ku myaka makumi galinda. Kandi iri twangaba tuli neꞌmisi, twangahisa kiri naꞌmakumi galimunaana. Kundu kwokwo, mu yizo siku zooshi, tuli mu longaga naaho amakuba, noꞌmwizingeerwe. Ziri mu lenga duba, iri tunagenda.

Zaburi 71:18

Buno, ngola mushaaja, na ngolaga neꞌnvwi. Aaho! Utanjandirire! Uleke ngizi menyeesa ubushobozi bwawe imwa booshi ábagaki yija inyuma lyani.

1 Baami 2:6

Ku yukwo, umúgirire ngiisi kwo ubwini. Si utamúleke mbu afwagage mu mutuula.

Ndondeko 44:20

«Twanayemeera, ti: “Daata akiri ho, si akola mushaaja bweneene. Tunaki hiiti ugundi mulumuna witu woꞌmuzibo, ye daata akabuta mu bushaaja bwage. Uyo mulumuna witu, âli riiri na mukulu wage ye bakabutanwa ku nyina muguma. Haliko, uyo mukulu wage, keera akafwa. Ku yukwo, uyu mulumuna wage naaho, ye koli sigiiri mu mwabo, ye na daata akoli biisiri kwoꞌmutima.”

Ndondeko 37:34

Uyo Yakobo anayami daatula ibyambalwa byage ku mwizingeerwe. Anayambala ibyambalwa byeꞌkigandaaro, anamala isiku nyingi ali mu mushiibo gwoꞌyo mugala wage.

Ndondeko 42:37

Lyeryo, Rubeni anabwira yishe: «E daata, uyu Binyamiini, iri ndangamúgalukana, unayami yita yaba bagala baani bombi. Nakuyinginga, we kongwa, unyemeere kwo ngamúgalukana.»

Ndondeko 43:13

«Uyu mulumuna winyu, mugendanwe imwoꞌyo mutwali.

Ndondeko 44:22

Twanakubwira: “Uyo, atangalyoka áhali yishe. Neꞌri angahalyoka, hali ikyanya yishe angayami fwa.”