Ndondeko 4:26 - Kifuliiru

²⁶ Seeti naye, anabuta umwana woꞌbutabana, anamúyinika iziina Hinoshi. Ukulyokera ku yikyo kyanya, abandu banatondeera ukukizi shenga kwiꞌziina lya Nahano.

Ndondeko 4:26 Referans Kwoze

Zaburi 116:17

E Nahano, ngakutangira ituulo, mu kudeta kongwa, na ngizi tabaaza iziina lyawe.

1 Baami 18:24

«Boohe, bagahuuna umuzimu gwabo. Naani, na mbuune Nahano. Ngiisi úgashuvya mu kutibula umuliro, iri yoyo, ye Rurema woꞌkuli.» Yabo bandu booshi, banayemeera, ti: «Kwokwo, ngana!»

Sefaniya 3:9

«Haaho, amagambo gaꞌbandu bagweti bagaadeta, ngagayeruusa, halinde booshi bakizi koleesa iziina lyani, mu kunyikumba ku mutima muguma.

Ndondeko 12:8

Ha nyuma, Hiburamu analyoka yaho, anateramira mu mbande za mu migazi, uluhande lweꞌsheere lweꞌBeteeri. Anashinga iheema lyage ha kati kaꞌkaaya Beteeri, ákali uluhande lweꞌmuga, naꞌkeꞌHayi, ákali ulweꞌsheere. Iyo munda nayo, anashubi yubakira Nahano yaꞌkandi katanda koꞌkusiriigiza kwaꞌmatuulo, iri anamúyivuga.

Luka 3:38

Kahinani naye, âli riiri mugala Hinoshi. Hinoshi naye, âli riiri mugala Seeti. Seeti naye, âli riiri mugala Hadamu. Hadamu naye, âli riiri mugala Rurema.

Yeremiya 33:16

Ku yikyo kyanya, abandu beꞌYerusaleemu bagakizibwa, kuguma naꞌbandi Bayuda, banakizi tuula ku butoge. Yako kaaya, bagakayinika iziina “Nahano ye mu tukiza.”»

Ndondeko 26:25

Iyo munda i Beeri-Sheba, Hisake anayubaka yaꞌkatanda koꞌkusiriigiza kwaꞌmatuulo, anayikumba Nahano, anahashinga amaheema gaage. Abakozi baage, banahumba heꞌkindi kirigo.

1 Bakorindo 1:2

mwe bandu biꞌshengero lya Rurema lya mu kaaya keꞌKorindo. Mwehe, keera mukataluulwa mu kati ka Nahamwitu Yesu Kirisito. Mwanahamagalwa kwo mube bandu baage bataluule, kuguma naꞌbandi booshi ba ngiisi handu ábali mu múhuuna kwiꞌziina lyage. Uyo Yesu Kirisito, ye kola Nahamwabo, anali ye Nahamwitu tweshi.

Barumi 10:13

Biri nga kwo bidesirwi mu Mandiko Meeru, kwokuno: «Umundu, iri angahuuna ubutabaazi kwiꞌziina lya Nahano, agakizibwa.»

Mikolezi 11:26

Neꞌri akaba keera amúbona, anamúleeta i Handyokiya. Yabo bombi, banamala yoꞌmwaka gwoshi, bagweti bagakuumana naꞌbandu biꞌshengero. Banakizi yigiriza abandu bingi bweneene hiꞌgulu lya Yesu. Na yaho i Handyokiya, mwaꞌbigirizibwa ba Yesu bakatondeerera ukubuuzibwa Bakirisito.

Mikolezi 2:21

Umundu, iri angahuuna ubutabaazi kwiꞌziina lya Nahano, agakizibwa.”»

Hisaaya 63:19

tunakoli tuuziri nga bandu bo utazindi twala, kiri neꞌhiniini. Tunakolaga nga bandu ábatazindi menyeekana kwo tuli bandu baawe. Twangasiimiri kwo ubere igulu, unashonookere hano mu kihugo. Si imigazi yangajugumbana imbere lyawe!

Hisaaya 48:1

«Mwe Bahisiraheeri, beene Yakobo, munali ba mu kibusi kya Yuda! Muyuvwirize! Muli mu kizi biika indahiro kwiꞌziina lya Nahano, munali mu gira mbu muli mu yikumba Rurema waꞌBahisiraheeri. Kundu kwokwo, mutali mu kola ku kuli.

Hisaaya 44:5

Mundu muguma angadeta kwokuno: “Niehe, ndi wa Nahano.” Ugundi, ti: “Naani, ndi mwene Yakobo.” Ugundi anayiyandike mu kigasha, ti: “Niehe, ndi wa Nahano.” Ugundi kandi anakizi koleesa iziina Hisiraheeri.»