Ndondeko 32:20 - Kifuliiru

²⁰ Anakomeereza kandi ábâli sholiiri ubuso bwa kabiri, noꞌbwa kashatu, kuguma naꞌbandi booshi ábâli sholiiri. Anababwira: «Ikyanya mugagwanana na nahamwitu Hesahu, mukamúbwire gaago-gaago magambo.

Ndondeko 32:20 Referans Kwoze

Migani 21:14

Ikyanya umundu araakara, analonge indengu ku bumbishwa, ali mu hooha. Kiri neꞌbindu íbyatangwa ku bumbishwa, biri mu hoohya uburaakari.

2 Timoteyo 2:25

Umukozi wa Nahano, ikyanya abandu bali mu giraga mbu bamúhangirire, akwiriiri akizi bayerekeza mu kati koꞌbutuudu. Mukuba, hali ikyanya Rurema angaki batabaala, halinde banatwikire ku buligo bwabo, banasobanukirwe neꞌbyoꞌkuli.

Yona 3:9

Hali ikyanya Rurema angayishuhiza, analekage ukuturakarira, anatubonere ulukogo, tutanaki minikwe!”»

Migani 16:14

Ikyanya mwami araakara, yubwo buraakari bwage bwangayitiisa! Kundu kwokwo, umwitegeereza akizi múhoohya.

Migani 15:18

Ngiisi úli mu raakara duba, ali mu vyula imilongwe. Si umwigenderezi, yehe, ali mu gihoohya.

Migani 6:35

Ndaayo ngwati yo agayemeera! Na kundu bangamúshonga ikitulire, atagaki kiyakiira, kundu kyangaba kiri kanyamwala!

1 Baami 20:31

Abakozi baage banamúbwira kwokuno: «Twayuvwa kwaꞌbaami baꞌBahisiraheeri bali mu kejererana. Ku yukwo, utuhanguule tuyambale amasuuzu, tunahogeke neꞌmigozi mu magosi, tunagendere mwami waꞌBahisiraheeri. Hali ikyanya angakuleka ube ho.»

1 Samweri 6:5

Na íbigaatuma mugagitula, mukuba yibyo byombi byo biri mu shereeza ikihugo kiinyu. «Ikyanya mugaagira kwokwo, lyo mugaaba mwasimbaha Rurema waꞌBahisiraheeri. Hali ikyanya angaleka ukumùhana, analeke neꞌmigisi yinyu, neꞌkihugo kiinyu.

Ndondeko 43:11

Lyeryo, yishe anababwira: «Bwo biri kwokwo, muyabiirage ku bindu biija bya mu kino kihugo kiitu, munabihambe mu ndaha ziinyu, munabitwalire uyo mutwali, lube lutengu. Mumútwalire ku buuki, naꞌmavuta maniini goꞌmushishi, noꞌmubadu, naꞌmanemane, neꞌkungu, neꞌloozi.

Ndondeko 32:19

Unamúshuvye: “E nahamwitu Hesahu, bino bitugwa byo njoliiri, biryagagi byoꞌmukozi wawe Yakobo, binali byo akutengula. Na yenyene atushalagiiri.”»

Ndondeko 32:21

Neꞌngingwe ya byoshi, mugamúbwira: “Umukozi wawe Yakobo, atushalagiiri.”» Mukuba, Yakobo âli toniri, ti: «Nga nangatee mútumira ulutengu, lwangagwanwa lwamúhoohya. Kwokwo, ikyanya tugabonaana amasu ku gandi, ngeeka anganyakiira.»

Migani 18:16

Ikyanya umundu atee tanga indengu, ziri mu gwanwa zamúyigulira injira, halinde analonge ukuhika imbere lyoꞌmukulu.