Ndondeko 31:42 - Kifuliiru

⁴² «Rurema, ye Rurema wa shokulu Hiburahimu. Kiri na daata Hisake, âli kizi múyoboha. Aahago! Átaki nyuvwirwe indengeerwa, ku kasiisa wâli ugandeka ndaahe maboko mamaata. Haliko, anabona amalibu gaani, neꞌmikolwa yo nâli kizi kola naꞌmaboko gaani. Kyo kyatuma mu bushigi bwa bigingo, akukambira.»

Ndondeko 31:42 Referans Kwoze

Zaburi 31:7

Ikyanya abandu bali mu yikumbaga imigisi mizira kamaro, ndi mu bashomba bweneene. E Nahano, niehe mbiisiri umulangaaliro gwani imwawe.

Ndondeko 31:29

«Mbiitagi ubushobozi bwoꞌkukugira buligo. Haliko, mu bushigi bwa bigingo, Rurema wa yisho Hisake ambwira: “Uloleekeze bwija, utakolwe kwo wabwira Yakobo igambo kiri neꞌliguma, liba libi, kandi iri liija.”

Ndondeko 31:53

Kwokwo, Rurema wa Hiburahimu, na wa Nahoori, bakizi tuhambuula.» Kwokwo, uyo Yakobo anabiika indahiro kwiꞌziina lya Rurema. Anali ye yishe Hisake âli kizi yoboha.

Ndondeko 29:32

Ikyanya Leya akaheeka inda, anabuta umwana woꞌbutabana, anamúyinika iziina Rubeni, (kuli kudeta: langiiza umwana). Anadeta: «Keera Nahano abona amalibu gaani. Leero, yibanie akola agangunda.»

Hisaaya 8:13

Si Nahano naaho, ye mukwiriiri ukukizi yoboha, iri munamúyikumba. Mukuba, ye Nahano woꞌbushobozi bwoshi, anali ye Mutaluule bweneene.

Ndondeko 31:24

Halikago mu bushigi, Rurema anayijira Labaani, Umuharaamu, mu birooto, anamúbwira: «Uloleekeze bwija. Utakolwe kwo wabwira Yakobo igambo kiri neꞌliguma, liba libi, kandi iri liija.»

Yuda 1:9

Si kiri na Mikaheeri, umuganda mukulu, ikyanya akahambanwa na Shetaani hiꞌgulu lyeꞌkirunda kya Musa, atanagira mbu alege Shetaani ku bitusi. Si akamúbwira naaho: «Nahano abe ye gakukanukira!»

1 Kutondobola 12:17

Ikyanya Dahudi âli ki bishamiri, abandi beene Binyamiini, kiri naꞌBayuda baguma, bakagendi mútanduula imunda âli bishamiri.

Kulyoka 3:7

Nahano anashubi múbwira: «Abandu baani, bakola mu libuuka bweneene mu kihugo kyeꞌMiisiri. Basheebuja baabo, bali mu balibuza ku kahaati. Yago malibu gaabo gooshi, ngabwini, na nyuvwiti na ngiisi kwo bagweti bagaalira. Na buno, ngweti ngabahahalira.

Ndondeko 31:12

«Anambwira: “Langiiza! Ibihebe bikola mu yimya byeꞌbihuuga, na byeꞌmiyezi, neꞌbipanga byeꞌbikeba-bikeba. Na íbyatuma nagira kwoku, bwo nabona ngiisi byo Labaani ali mu kugirira.

Ndondeko 31:5

Neꞌri bakahika, anababwira: «Nabona kwo mwizo wani atakiri mu njagalukira nga kwo âli kizi gira. Kundu kwokwo, Rurema wa daata, tuyamiinwi.

Ndondeko 27:33

Uyo Hisake, anatondeera ukulenga mwoꞌmusisi bweneene, anadeta: «Aahago! Nyandi ulya úwandeetera inyama zeꞌnyamiishwa ku kyanya utazi yija? Si keera nazilya! Na buno, keera nayusa ukumúgashaanira. Ee! Agashaanirwa ngana-ngana!»

Ndondeko 16:13

Uyo Hagaari, ikyanya Nahano akamúganuuza kwokwo, anayidesa: «Si keera nabonaga Rurema, na ngiri ho.» Kyanatuma agamúyinika iziina: «Wehe, we mbwini.»

Ndondeko 16:11

Ha nyuma, uyo muganda wa Nahano anashubi múbwira: «Lolaga! Iyo nda yo uhiiti, ugagibuta mwoꞌmwana woꞌbutabana. Uyo mwana, ugamúyinika iziina Hishimaheeri. Na bwo ukola mu lira hiꞌgulu lyaꞌmalibu, Nahano keera akakuyuvwa.

Ndondeko 11:5

Yako kaaya, ikyanya yabo bandu bâli kizi kayubaka, kuguma noꞌlwingo, Nahano anamanuka, gira ayiji bilola.

Ndondeko 32:9

Mukuba, akatona, ti: «Hesahu, iri angayiji teera ikiso kiguma, anakisivye, ikindi kikafuuke.»

Ndondeko 35:3

Kwokwo, tugendage i Beteeri, gira ngendi yubakira Rurema akatanda koꞌkusiriigiza kwaꞌmatuulo. Mukuba, Rurema ye wâli kizi ndabaala mu siku zaꞌmakuba gaani. Ye wanâli kizi ndongoora ngiisi ho nâli kizi genda.»

Ndondeko 46:1

Yakobo anahamba indundu neꞌngegere, anashokola injira yoꞌkugenda i Miisiri. Neꞌri akahika i Beeri-Sheba, anatanga amatuulo imwa Rurema wa yishe Hisake.

Danyeri 2:23

«E Rurema wa bashokuluza baani! Nakutangira kongwa. Ee! Ngweti ngakuhuuza. Mukuba, keera wambeereza ubwitegeereze noꞌbuhagarusi. Ngiisi byo tushuba mu kuhuuna, keera wabimmenyeesa. Ee! Keera watumenyeesa ibirooto bya mwami!»

Bukengeeze 15:13

Neꞌkyanya ugamúshwekuula, utamúleke kwo agende maboko mamaata.