Ndondeko 31:1 - Kifuliiru

¹ Yakobo anayuvwa umwazi, kwo bagala Labaani bagweti bagayidodomba: «Si ibindu byoshi bya daata, muvyala witu wa Yakobo keera abigaaza! Na buno, akola mugale bweneene.»

Ndondeko 31:1 Referans Kwoze

Mwigiriza 4:4

Nanashubi bona íbitumiri umundu ali mu yitubanula mu kukola. Mukuba, ali mu ba aloziizi ukuyerekana ngiisi kwo agendukiirwi bweneene, gira lyo avyula uluugi mu baabo. Aaho! Yibyo nabyo, si biryagagi bya busha-busha! Biri nga kulooza ukugwata imbuusi.

1 Peturu 1:24

Mukuba biyandisirwi kwokuno: «Abandu booshi, bali nga byasi. Noꞌbulangashane bwabo, buli nga bwaꞌkaaso naaho. Ibyasi biri mu bogama, naꞌkaaso kanabugumuke.

Tiito 3:3

Mukuba, kiri na nyiitu, yaho keera, twâli riiri bahwija, twanakizi haasa-haasa. Na bwo twâli tebesiri, twâli shwekiirwi mu mifwije mabi ga kwingi-kwingi, twanakizi lungumirirana. Na kwakundi, twâli yamiri mwoꞌmujina noꞌluugi. Twanakizi shombwa, iri tunashombana.

1 Timoteyo 6:4

uyo, iri ali wa kuyiheemya naaho. Ndaanabyo asobanukiirwi kwo. Ali mu loozagya naaho ukuhambanwa ku magambo ga busha-busha, anayamiri ali mwoꞌluugi, na mweꞌmilongwe, na mweꞌbitusi, na mwoꞌmujina.

Mataayo 4:8

Ha nyuma, Shetaani anamútwala ku kanywangi-nywangi koꞌmugazi, anamúyereka amaami ga mu mahanga gooshi, noꞌbulangashane bwago.

Hezekyeri 16:44

«E bandu beꞌYerusaleemu, ngiisi úloziizi ukumùtwira kwoꞌmugani, angagutwa kwokuno: “Umwana woꞌbunyere, ali mu yigira ku nyina.”

Yeremiya 9:23

Umundu, iri angagira mbu ayihaye, akizi yihaya naaho bwo akoli nyiiji, kwo nie Nahano, na kwo ndi mu kizi kundana mu kati koꞌbwemeera, na kwo ndi mu kizi twa imaaja mu kati koꞌkuli. Abandu ábali mu yihaya kwokwo, bo bali mu nzimiisa.» Kwokwo, kwo Nahano adesiri.

Hisaaya 5:14

Kwokwo, bakoli balindiriiri i nakwere, keera yanayashuula akanwa kaayo. Iyo munda i nakwere, abanalushaagwa beꞌYerusaleemu, kiri naꞌbagunda, booshi bakoli lindiiri ukumanukira yo, kuguma naꞌbalalwe booshi ábagweti bagaagira akalugi.

Migani 27:4

Ngiisi úli noꞌbute ali mu libuzania, anali mu shaabana. Na ngiisi úli noꞌluugi, ndaaye úwangayimanga imbere lyage.

Migani 14:30

Ikyanya umutima gutuziizi, amagala nago gali mu ba magumaana. Si ikyanya umundu agwatwa noꞌluugi, luli ngaꞌkabungu mu mavuha.

Zaburi 57:4

Agweti agandabaala ukulyoka mwiꞌgulu, anangize. Ali mu ba anguuziri, mu kuyemeerana. Si abagoma baani boohe, ikyanya bagweti bagandambiriza, Rurema ali mu kizi bayogogoza.

Zaburi 17:14

E Nahano, ukoleesagye ubushobozi bwawe mu kungiza mu kati kaabo. Si umulangaaliro gwabo guli mu ba ku bya mu kihugo naaho! Haliko, abandu baawe boohe, ukizi bahagiisa. Kiri naꞌbaana baabo, bakizi longa íbiri tiita, halinde ukuhisa kiri na ku bijukulu baabo.

Hayubu 31:31

Abakozi baani, bâli gweti bagakizi deta: “Bino byokulya byani, ngiisi mugeezi âli kizi bilya kwo ngana, nga ngiisi kwo aloziizi.”

Hesiteeri 5:11

Iri bakaba bakoli kuumaniri, anatondeera ukubaganuulira hiꞌgulu lyaꞌkanyamwala keꞌbindu byage, na ngiisi kwo akoli ba mugale bweneene. Anabaganuulira na ngiisi kwo mwami keera amúkuza ku njira nyingi, ukuhima abandi batwali ba mu kihugo.

Ndondeko 45:13

Aahago! Mugendi ganuulira daata kwo ndi mutwali mu kihugo kyeꞌMiisiri. Mumúganuulire na ngiisi kwo mwenyene mwayibonera. Munavwarukage, mumúndeetere.»

Ndondeko 30:43

Iri hakatama, Yakobo anayiji ba mugale bweneene. Âli riiri neꞌnguuli zeꞌbibuzi, na zeꞌmbene, neꞌza bapunda, na zeꞌngamiya, kuguma naꞌbaja, kiri naꞌbaja-kazi.

Ndondeko 31:2

Yakobo anabona kwo Labaani atakiri mu múshagalukira nga kwo âli kizi gira ubwa mbere.

Ndondeko 31:43

Labaani, ti: «Yaba bakaawe, balyagagi baana baani. Na yaba baana baabo, nabo bali beꞌmwani. Kiri na yibi bitugwa, biri byeꞌmwani. Yibi byoshi byo ubwini, biri byeꞌmwani. Haliko, ukulyokera zeene, ku yaba banyere baani, na ku yaba bijukulu baani, ndaalyo ngi shobwiri ukugira.