Ndondeko 27:12 - Kifuliiru

¹² Hali ikyanya daata angakengeera ammamaata kwo, anayiji bona kwo ndi mu múlyogooza. Na ho nangagashaniirwi, na mbe nayikululira idaaki.»

Ndondeko 27:12 Referans Kwoze

Bukengeeze 27:18

«Umundu, iri angahabura imbumi, adaakwe. Abandu booshi banashuvye, ti: “Ee! Bikizi ba kwokwo.”

1 Batesaloniki 5:22

Si ngiisi mabi, mukizi gayiyeka.

2 Bakorindo 6:8

Bandu baguma bali mu tugingika, iri banatuyivuga. Abandi bali mu tuteezagya ishoni, iri banatudetera buligo. Na kundu tuli bandu boꞌkuli, haliko tuli mu haruurwa nga ndyalya.

Malaki 1:14

«Umundu, nga angandagaania kwo agandangira ikitugwa kiija, anayiji ndangira kyaꞌkashembo, uyo adaakwe. Si nie mwami mukulu! Naꞌmahanga gooshi, gayamiri ganyobohiri. Kwokwo, kwo nie Nahano woꞌbushobozi bwoshi ndesiri.»

Hayubu 12:16

Rurema, ye mwene imisi noꞌbwitegeereze. Abatebani, na ábali mu tebwa, ye mwene bo booshi.

Ndondeko 27:36

Hesahu, ti: «Yayewe! Kyo kikatuma agayinikwa iziina Yakobo. Keera akayabiira ubukulu bwani ubugira kabiri, ku njira yoꞌkubeesha. Ubwa mbere, akayabiira ubungulwe bwani. Na buno kandi, keera ayabiira neꞌmigashani yani.» Ha nyuma, anabuuza yishe: «E daata, ka ndaagwo mugashani gwo wanzigira?»

Ndondeko 25:27

Yabo batabana bombi, banakula. Hesahu âli komiiri ukugenda mu kishuka, anayiji ba kikalage mu kuhiiva. Si Yakobo yehe, âli riiri mutuudu, anâli kombiiri imikolwa ya ha kaaya.

Yeremiya 48:10

Umundu, iri atangakoleesa ingooti yage mu kuminika Abamohabu, akwaniini adaakwe! Ee! Byo Nahano adesiri, ngiisi úgabiyolohera akwiriiri adaakwe.

Ndondeko 9:25

anamúdaaka kwokuno: «Kaanani, adaakwe! Ye kola úgaaba muja waꞌbakulu baage.

Ndondeko 27:45

«Ikyanya yubwo buraakari bwage bugahooha, agayibagira amahube go ukamúkolera. Haaho, nangutumire umundu, ayiji kuyabiira. Mukuba, ndaloziizi nimùteere mwembi ku mulege-rege muguma.»